nagpur woman judge: ఇదేం తీర్పు.. మహిళా జడ్జికి కండోమ్‌లు పంపిన పొలిటికల్ అనలిస్ట్ – gujarat woman sends condoms to bombay hc nagpur bench judge to protest skin-to-skin verdict

0
35


చిన్నారులపై లైంగిక వేధింపుల కేసులో వివాదాస్పద తీర్పు ఇచ్చి వార్తల్లో ప్రముఖంగా నిలిచిన న్యాయమూర్తి జస్టిస్ పుష్ప గనేడివాలాకు ఊహించని షాక్ ఎదురైంది. ఆమె తీర్పుపై దేశవ్యాప్తంగా నిరసన వ్యక్తమవుతుండగా.. గుజరాత్‌కు చెందిన ఓ మహిళ వినూత్న రీతిలో తన వ్యతిరేకత తెలిపింది. ఆ జడ్జికి కండోమ్ ప్యాకెట్లను పంపించారు. గుజరాత్‌కు చెందిన దేవిశ్రీ త్రివేది తన చర్యను సమర్థించుకుంటూ యూట్యూబ్‌లో ఓ వీడియోను పోస్టు చేశారు. ఆ వీడియోలు 150 కండోమ్‌లను 12 ప్యాకెట్లలో ప్యాక్ చేస్తూ కనిపించారు.

సదరు ప్యాకెట్లను జస్టిస్ పుష్ప గనేడివాలా పరిధిలోని వివిధ చిరునామాలకు పార్శిల్ చేసినట్లు దేవిశ్రీ తెలిపారు. వాటిలో నాగ్‌పూర్ హైకోర్టు బెంచ్ భవనంలో జస్టిస్ పుష్ప కార్యాలయం కూడా ఒకటి. బాంబే హైకోర్టులోని ప్రధాన బెంచ్ కార్యాలయానికి కూడా కొన్ని ప్యాకెట్లు పంపించారు.

గుజరాత్‌లో రాజకీయ విశ్లేషకురాలి (పొలిటికల్ అనలిస్ట్)గా గుర్తింపు ఉన్న దేవిశ్రీ త్రివేది సదరు తీర్పుపై ఈవిధంగా తన వ్యతిరేకతను వ్యక్తం చేసినట్లు వివరించారు. హరిదాస్ పేరుతో నాగ్‌పూర్ హైకోర్టు బెంచ్ కార్యాలయానికి ఓ కండోమ్ ప్యాకెట్ పార్శిల్‌ వచ్చినట్లు రిజిస్ట్రార్ సంజయ్ భరూకా తెలిపారు. సోమవారం సాయంత్రం 5.11 గంటలకు ఆ పార్శిల్ వచ్చినట్లు వెల్లడించారు. ఫిబ్రవరి 13న వాటిని పార్శిల్ చేసినట్లు గుర్తించారు.

శ్రీరంగ్ భండార్కర్ అనే న్యాయవాది ఈ చర్యను తప్పుబట్టారు. ఇది న్యాయమూర్తిని అగౌరవపరచడమేనని వ్యాఖ్యానించారు. హైకోర్టు బెంచ్ ఈ ఘటనపై తగిన చర్య తీసుకోకపోతే.. సదరు మహిళపై తాను పోలీసులకు ఫిర్యాదు చేస్తానని హెచ్చరించారు.

అసలేం జరిగింది?
దుస్తుల పైనుంచి బాలిక రొమ్ము భాగాన్ని తడిమితే అది లైంగిక వేధింపుల కిందకు రాదంటూ నాగ్‌పూర్ బెంచ్ అదనపు న్యాయమూర్తి జస్టిస్ పుష్పా జనవరి 24న తీర్పు ఇచ్చారు. ఈ తీర్పుపై సర్వత్రా విస్మయం వ్యక్తం కాగా.. సుప్రీంకోర్టు దీన్ని నిలుపుదల చేసింది. ఈ తీర్పుపై వివాదం కొనసాగుతుండగానే.. జస్టిస్ పుష్ప గనేడివాలా అలాంటిదే మరో సంచలన తీర్పు ఇచ్చారు.

ఓ ఐదేళ్ల బాలికపై లైంగిక వేధింపుల కేసులో తీర్పు చెబుతూ.. బాలిక చేతులను పట్టుకొని, వారి ముందు ప్యాంటు జిప్పు తీయడం లైంగిక వేధింపుల కిందకి రావని పేర్కొన్నారు. దీంతో ఆ న్యాయమూర్తికి వ్యతిరేకంగా ఆగ్రహావేశాలు పెల్లుబుకుతున్నాయి.

ఆ కుటుంబం ఎంత క్షోభ అనుభవించిందో..!
న్యాయమూర్తి పుష్ప ఇచ్చిన తీర్పు నేరస్థులను ప్రోత్సహించేలా ఉందని దేవిశ్రీ త్రివేది మండిపడ్డారు. ‘ఆ జడ్జి ఇచ్చిన స్కిన్-టు-స్కిన్ తీర్పుకు కండోమ్స్ ఒక చిహ్నం లాంటివి. 12 ఏళ్ల ఓ అమ్మాయిని నిందితుడు ఆమె దుస్తుల పైనుంచి ఛాతీ భాగాన్ని అసభ్యంగా తాకితే అది లైంగిక చర్య కాదని సదరు న్యాయమూర్తి తీర్పు ఇచ్చారు. నిందితుడిని వదిలేశారు. ఈ తీర్పు నాకు ఆశ్చర్యాన్ని కలిగించింది. ఈ తీర్పు విన్న తర్వాత బాధితురాలి కుటుంబం ఎంత క్షోభను అనుభవించిందో నేను అర్థం చేసుకోగలను’ అని దేవిశ్రీ అన్నారు.

Must Read:

ATM టచ్ చేయకుండానే డబ్బులు విత్‌డ్రా.. త్వరలో సూపర్ టెక్నాలజీ

కరోనా రోగి లాలాజలాన్ని డ్రింక్‌లో కలిపి.. బాస్‌ హత్యకు కుట్ర, దేవుడా!

స్కూల్లోనే బెడ్రూమ్.. 11 ఏళ్ల బాలికను గర్భవతిని చేశాడు, ప్రిన్సిపాల్‌ దారుణం

దేశంలో ఉరికంభం ఎక్కనున్న తొలి మహిళ.. ఎంఏ చదివింది, ప్రియుడి కోసం నీచం!

LEAVE A REPLY

Please enter your comment!
Please enter your name here