Naga Babu: అందుకే ‘ఉప్పెన’ ఈవెంట్‌కి రాలేదు.. ఆ స్టాండర్డ్స్ రీచ్ కావాల్సిందే! వైష్ణవ్ తేజ్‌పై నాగబాబు కామెంట్స్ – nagababu reacts on mega family absence of uppena event

0
18


ప్రధానాంశాలు:

  • హీరోగా వైష్ణవ్ తేజ్ ఎంట్రీ
  • ‘ఉప్పెన’ మూవీతో ఫిబ్రవరి 12న ప్రేక్షకుల ముందుకు
  • సినిమాపై, వైష్ణవ్ నటనపై నాగబాబు స్పందన

మెగా మేనల్లుడు, సాయి ధరమ్ తేజ్ తమ్ముడు వైష్ణవ్ తేజ్ హీరోగా పరిచయం కాబోతున్న సినిమా ‘ఉప్పెన’. సుకుమార్ రైటింగ్స్ భాగ‌స్వామ్యంతో మైత్రి మూవీ మేక‌ర్స్ నిర్మించిన ఈ చిత్రంలో వైష్ణవ్ తేజ్ సరసన కృతి శెట్టి హీరోయిన్‌గా నటించింది. సుకుమార్‌ శిష్యుడు, న్యూ డైరెక్టర్ బుచ్చిబాబు సానా దర్శకత్వం వహించారు. ఈ నెల 12న సినిమా విడుదల సందర్భంగా ఇటీవలే ఈ మూవీ ప్రీ రిలీజ్ ఈవెంట్ ఘనంగా నిర్వహించగా ఒక్క చిరంజీవి తప్ప మెగా ఫ్యామిలీ నుంచి ఎవ్వరూ అటెండ్ కాలేదు. ఈ విషయమై తాజాగా మెగా బ్రదర్ నాగబాబు స్పందిస్తూ ఓపెన్ అయ్యారు.

మా మేనల్లుడు వైష్ణవ్ ఉప్పెన సినిమా రిలీజ్ కానున్న సందర్భంగా ఈ వీడియోతో మీ ముందుకొచ్చానంటూ తన మేనల్లుడి గురించిన చాలా విషయాలు పంచుకున్నారు నాగబాబు. వైష్ణవ్ తేజ్‌ని చదువుకుంటావా? లేక ఇండస్ట్రీకి వస్తావా? అంటే ఏదీ కన్ఫర్మ్‌గా చెప్పకపోయేవాడని అన్నారు. సీరియస్‌గా సినిమాల్లోకి వస్తావా అని నేను అడిగితే ఏమీ చెప్పకపోయేవాడు. ఇంతలో ఓ రోజు తాను ‘ఉప్పెన’ సినిమాలో యాక్ట్ చేస్తున్నట్లు నాతో చెప్పాడు. వైష్ణవ్ సినిమాల్లోకి రావడం నాకు చాలా హ్యాపీగా ఉందని అన్నారు నాగబాబు.

”కళ్యాణ్ బాబు సూచనలతో థాయ్ బాక్సింగ్ నేర్చుకొని వచ్చాడు వైష్ణవ్ తేజ్. మంచి ఫిట్‌నెస్ ఉన్న కుర్రోడు. పైగా మంచితనం ఎక్కువ. మా నిహారికకు, వరుణ్ తేజ్‌కి వైష్ణవ్ అంటే చాలా ఇష్టం. మాకున్న మెగా ఇమేజ్ ప్లస్ అయితే.. ఆ ఇమేజ్‌కి రీచ్ అయ్యేలా మా పిల్లలెవ్వరూ కూడా వాళ్ల పర్‌ఫార్‌మెన్స్ పెంచుకోకపోతే అదే మైనస్ అవుతుంది. మా అన్నయ్య, తమ్ముడు కళ్యాణ్ బాబు కొన్ని స్టాండర్డ్స్ సెట్ చేశారు. కాబట్టి ఆ స్టాండర్డ్స్ రీచ్ కావాలంటే వరుణ్ గానీ, తేజ్ గానీ, వైష్ణవ్ గానీ చాలా కష్టపడాలి.
ఆర్మీలోకి వెళ్లాల్సినవాడిని హీరోని అయ్యాను.. నా జర్నీ చాలా తేడా: వైష్ణవ్ తేజ్ ఇంటర్వ్యూ
‘ఉప్పెన’ మూవీ కాన్సెప్ట్ నాకు చాలా బాగా నచ్చింది. మొన్న చరణ్, వరుణ్, నిహారిక ఈ సినిమా చూసి చాలా బాగుందని చెప్పారు. కథ చాలా రియలిస్టిక్‌గా ఉంది, వైష్ణవ్ తేజ్ చాలా బాగా నటించాడని అన్నారు. కల్మషం లేని మనిషి వైష్ణవ్ తేజ్. మొన్న ప్రీ రిలీజ్ ఈవెంట్‌కి మా ఫ్యామిలీ నుంచి ఎవ్వరం అటెండ్ కాలేదు. ఇంటిల్లిపాది వెళ్లడం కంటే వాడిని వాడిగా ప్రొజెక్ట్ చేయాలనే అలా చేశాము. కాకపోతే మా అందరికీ పెద్ద దిక్కు కాబట్టి మా అన్నయ్యను పిలిచారు, వైష్ణవ్‌కి ఆయన బ్లెస్సింగ్స్ దక్కాయి. టాలెంట్‌ని ఎంకరేజ్ చేయండి” అని నాగబాబు అన్నారు.

LEAVE A REPLY

Please enter your comment!
Please enter your name here