Naandhi: నా కెరీర్లో మొదటిసారి.. నాకు అస్సలు సంబంధంలేని సినిమా: ‘నాంది’కి దిల్ రాజు అభినందన – producer dil raju emotional speech at naandhi team appreciation press meet

0
18


ప్రధానాంశాలు:

  • నరేష్ హీరోగా వచ్చిన ‘నాంది’
  • కీలక పాత్ర పోషించిన వరలక్ష్మీ శరత్‌కుమార్
  • తొలి సినిమాతో హిట్ కొట్టిన దర్శకుడు విజయ్ కనకమేడల

‘నాంది’తో బ్లాక్ బస్టర్ హిట్ కొట్టారు హీరో అల్లరి నరేష్. కొత్త దర్శకుడు విజయ్ కనకమేడల రూపొందించిన ఈ డిఫరెంట్ కాన్సెప్ట్ ఫిల్మ్ ప్రేక్షకాదరణతో విజయంవంతగా రన్ అవుతోంది. ఎస్వీ2 ఎంటర్‌టైన్మెంట్స్ పతాకంపై సతీష్ వేగేశ్న నిర్మించిన ఈ చిత్రాన్ని ప్రముఖ నిర్మాత దిల్‌ రాజు చూసి టీమ్ అంద‌రినీ అభినందించ‌డానికి హైద‌రాబాద్ ద‌స‌ప‌ల్లా హోట‌ల్‌లో ‘నాంది అప్రిసియేష‌న్ మీట్’‌ను ఏర్పాటు చేశారు. ఈ కార్యక్రమంలో దిల్ రాజు, సతీష్ వేగేశ్న, అల్లరి నరేష్, విజయ్ కనకమేడల, వరలక్ష్మీ శరత్‌కుమార్ పాల్గొన్నారు.

ఈ సందర్భంగా నిర్మాత దిల్‌ రాజు మాట్లాడుతూ తన కెరీర్లో మొదటిసారి ఒక సినిమాతో నాకు ఎలాంటి సంబంధం లేకున్నా సినిమా చూసి బాగా నచ్చి ఆ టీమ్‌ను అభినందించాలని ఈ కార్యక్రమాన్ని ఏర్పాటు చేసినట్టు చెప్పారు. ‘‘సాధ్యమైనంత వరకు ప్రెస్ మీట్‌లకు దూరంగా ఉండాలి.. ఏ సినిమా బడితే ఆ సినిమాకు వెళ్లకూడదు.. ఎందుకంటే, ఈ ఏడాది మావే ఏడెనిమి సినిమాలు ఉన్నాయి.. ఎక్కువ కనిపిస్తాను అని అనుకున్నాను. అందుకే, నన్నెవరూ పిలవకండి అని చెప్పాను. కానీ, ఈ సినిమానే నన్ను పిలుచుకు వచ్చింది’’ అని దిల్ రాజు వెల్లడించారు.

నీ మొహానికి లావణ్య త్రిపాఠి కావాలేంట్రా అంటారనుకున్నా: హీరో కార్తికేయ
ఒక మంచి సినిమా చేసినప్పుడు అది అవార్డులను, డబ్బులను, గౌరవాన్ని తీసుకొస్తుందని.. ‘నాంది’ కూడా ఇప్పటికే నిర్మాతలు, డిస్ట్రిబ్యూటర్లు అందరికీ లాభాలు తెచ్చిపెట్టిందని దిల్ రాజు అన్నారు. అయితే, వీటన్నింటికన్నా ఒక మంచి సినిమా తీస్తే ఆ కిక్కే వేరని అన్నారు. ఈ చిత్ర దర్శకుడు విజయ్ తన వద్ద మూడు సినిమాలకు అసోసియేట్ డైరెక్టర్‌గా పనిచేశాడని.. కానీ ఈ సినిమా కథ తనకు చెప్పలేదని, సినిమా పూర్తయ్యాక తనకు చూపించలేదని దిల్ రాజు సరదాగా అన్నారు. విజయ్ కాన్ఫిడెన్స్‌తో అనుకున్నది సాధించాడని కొనియాడారు.

‘‘నరేష్ గురించి ఏం చెప్తాం.. ‘గమ్యం’ నుంచే చూస్తున్నాం. ఏ క్యారెక్టర్ అయినా చింపేస్తాడు. మా ‘మహర్షి’లో కూడా చింపేశాడు. నరేష్ దగ్గర అన్ని యాంగిల్స్ ఉన్నాయి. కానీ, ఒక దర్శకుడు తను అనుకున్నది ఒక టెక్నీషియన్ దగ్గర నుంచి కానీ, యాక్టర్ దగ్గర నుంచీ కానీ ఏ విధంగా రాబట్టుకున్నాడన్నదే ముఖ్యం. మంచి సినిమా పేరు తెస్తుంది.. డబ్బు తెస్తుంది. నేను తీస్తాను సంవత్సరానికి ఐదారు సినిమాలు. కానీ, ఇలాంటి మంచి సినిమా దొరికినప్పుడు మంచి కిక్ వస్తుంది’’ అని దిల్ రాజు చెప్పుకొచ్చారు.

‘టక్ జగదీష్’ టీజర్: పారాణి కాళ్లతో నాని ఫైటింగ్.. పండగలాంటి సినిమా
‘‘నరేష్ ఇందాక నన్ను అడిగాడు.. సార్, నాతో సినిమా ఎప్పుడు అని. వెంటనే కథ రెడీ చేసుకో తీస్తాను అని చెప్పాను. నేను రెడీ. సక్సెస్, ఫెయిల్యూర్ మన చేతిలో ఉండదు. హార్డ్ వర్క్, మన జడ్జిమెంటే రిజల్ట్‌ను తీసుకొస్తుంది. అప్పుడప్పుడు ఇలాంటి మంచి సినిమా తగిలితే ఆ కిక్కే వేరు’’ అని దిల్ రాజు వెల్లడించారు.

LEAVE A REPLY

Please enter your comment!
Please enter your name here