mumbai racket: దిమ్మదిరిగే రాకెట్.. ఎమ్మెల్యేలు, ఎంపీలు అడ్డంగా బుక్! – sextortion racket busted in mumbai, porn used to target mlas, mps into paying hush money

0
20


ఫేస్‌బుక్ ద్వారా ఫ్రెండ్ రిక్వెస్ట్ పంపిస్తారు. మహిళల పేర్లు, ప్రొఫైల్ పిక్చర్లతో వారి ఖాతాలు ఉంటాయి. మెల్లిగా పరిచయం పెంచుకుంటారు. వీకెండ్స్‌లో పోర్న్ వీడియోలు పంపిస్తారు. ఆ వీడియోలు చూస్తూ అవతలి వ్యక్తి ఇచ్చే ఎక్స్‌ప్రెషన్స్‌ను ప్రత్యేక యాప్ ద్వారా రికార్డు చేస్తారు. ఆ తర్వాత ఆ వీడియోను, ఆ ఎక్స్‌ప్రెషన్‌ను కలిపి వీడియో తరయారు చేస్తారు. ఇక ఆ తర్వాత అసలు కథ మొదలవుతుంది.

ఎడిట్ చేసిన ఆ వీడియోను పంపించి నగదు డిమాండ్ చేస్తారు. అడిగినంత ఇవ్వలేదో ఆ వీడియోను సోషల్ మీడియాలో పెడతామని బెదిరిస్తారు. పరువు పోతుందనే భయంతో బాధితులు గుట్టు చప్పుడు కాకుండా డబ్బులు ట్రాన్స్‌ఫర్ చేస్తారు. మోసం చేయడానికి వీరు ఎంచుకునే వ్యక్తులు కూడా ఎమ్మెల్యేలు, ఎంపీలు, జర్నలిస్టులు, ఉన్నతాధికారులు కావడం గమనార్హం.

ఇలాంటి రాకెట్ నిర్వహిస్తున్న ముఠాను ముంబై పోలీసులు పట్టుకున్నారు. వారి నుంచి కీలక వివరాలు సేకరించారు. రాజస్థాన్, హర్యానా, ఉత్తర ప్రదేశ్‌కు చెందిన ముగ్గురు వ్యక్తులు ఈ తరహా మోసానికి పాల్పడుతున్నట్లు ముంబై పోలీసులు గుర్తించారు.

నిందితులు 58 బ్యాంకు ఖాతాలను నడుపుతున్నారు. పోలీసులు వాటన్నింటినీ సీజ్‌ చేశారు. నిందితులు వాడిన 54 మొబైల్ ఫోన్లను కూడా పోలీసులు స్వాధీనం చేసుకున్నారు. వివిధ రంగాలకు చెందిన ప్రముఖ వ్యక్తులను ఈ ముఠా లక్ష్యంగా చేసుకుని బ్లాక్‌ మెయిల్‌కు పాల్పడినట్లు ముంబై క్రైమ్‌ బ్రాంచ్‌ పోలీసులు వెల్లడించారు. ఈ ముఠా 171 నకిలీ ఫేస్‌బుక్ ప్రొఫైల్స్, 4 టెలిగ్రామ్ ఛానెళ్లను ఉపయోగించినట్లు పోలీసులు తెలిపారు.

LEAVE A REPLY

Please enter your comment!
Please enter your name here