mumbai man sleepwalking: నిద్రలో నడిచే అలవాటు.. అర్ధరాత్రి కిటికీ నుంచి పెద్ద శబ్దం! – sleepwalking man in mumbai plunges four floors to death

0
27


ప్రధానాంశాలు:

  • నిద్రలో నడిచే అలవాటు.. కొంపముంచింది.
  • అర్ధరాత్రి నిద్రలో లేచి గదిలో తిరిగిన యువకుడు..
  • చివరికి విషాదం.. ముంబైలోని కలినా ప్రాంతంలో ఘటన.

దేశ ఆర్థిక రాజధాని ముంబైలో 25 ఏళ్ల ఓ యువకుడు మరో ముగ్గురితో కలిసి ఓ ఫ్లాట్‌లో నివాసం ఉంటున్నాడు. కలినా ప్రాంతంలో ఓ భవనంలో నాలుగో అంతస్తులో వారి ఫ్లాట్. మంగళవారం రాత్రి భోజనం తర్వాత ఎప్పటిలాగే రూమ్మేట్స్ అందరూ నిద్రకు ఉపక్రమించారు. అర్ధరాత్రి తర్వాత కిటికీలో నుంచి భారీ శబ్దం. ఏమైందోనని కిందకి చూస్తే నేలపై రక్తపు మడుగులో స్నేహితుడు. ఏం జరిగింది?

రాత్రి తమతో పాటు నిద్రపోయిన స్నేహితుడు భవనం కింద రక్తపు మడుగులో పడి ఉండటంతో రూమ్మేట్స్ షాక్‌కు గురయ్యారు. వెంటనే అతడిని సమీపంలోని హాస్పిటల్‌కు తీసుకెళ్లారు. అతడిని పరిశీలించిన వైద్యులు అప్పటికే చనిపోయాడని ధ్రువీకరించారు.

సమాచారం అందుకున్న పోలీసులు ఘటనపై కేసు నమోదు చేసుకొని దర్యాప్తు ప్రారంభించారు. విచారణలో భాగంగా బాధిత యువకుడికి నిద్రలో నడిచే అలవాటు ఉందని తేలింది. ఆ అలవాటే అతడి ప్రాణాలు తీసింది.

ఆ రోజు రాత్రి ఏం జరిగింది?
మిత్రులతో కలిసి పడుకున్న ఆ యువకుడు బుధవారం (ఫిబ్రవరి 17) వేకువజామున 3 గంటలకు నిద్రలోనే పైకిలేచాడు. అలాగే ముందుకు నడుచుకుంటూ వచ్చాడు. గది కిటికీ వద్దకు చేరుకున్నాడు. ఆ కిటికీ తెరిచే ఉంది. దురదృష్టవశాత్తూ దానికి గ్రిల్స్ కూడా లేవు. నేరుగా ఆ కిటికీ లోనుంచి కిందపడిపోయాడు. నాలుగంతస్తుల ఎత్తు నుంచి పడిపోవడంతో తీవ్రంగా గాయపడి మరణించాడు. బాధిత యువకుడు నగరంలో వజ్రాల కార్మికుడిగా పనిచేస్తున్నాడు. బాంద్రాలోని కుర్లా కాంప్లెక్స్‌లో ఓ వజ్రాల దుకాణంలో పనిచేస్తున్నట్లు పోలీసులు తెలిపారు.

నిద్రలో నడిచే అలవాటున్న వ్యక్తులకు ఏదైనా అడ్డుగా వస్తే మేల్కొనే అవకాశం ఉంటుందని వైద్య నిపుణులు చెబుతున్నారు. విచిత్రం ఏమిటంటే ఇలా నిద్రలో నడిచేవారికి ఆ సమయంలో ఏం జరిగిందో మరుసటి రోజుకి గుర్తుండదట. అలాంటి అలవాటు ఉన్నవారు తగిన జాగ్రత్తలు పాటించాలని వైద్యులు చెబుతున్నారు. కానీ, ఈ యువకుడి విషయంలో అలా జరగలేదు. నాలుగో అంతస్తులో అతడు నివాసం ఉంటున్న కిటికీ తెరిచి ఉండటంతో నేరుగా అక్కడ నుంచి కిందపడిపోయాడు.

బాధితుడికి నిద్రలో నడిచే అలవాటుందని బహుశా అతడి మిత్రులకు తెలిసి ఉండకపోవచ్చు. పైగా వాళ్లు కిటికీ నుంచి భారీ శబ్దం వచ్చినా మేల్కోకపోవడం శోచనీయం. ఆ కిటికీ కర్టెన్ గాలికి ఎగిరొచ్చి వారిపై పడటంతో నిద్రలేచారట. లేచి చూసే సరికి పక్కన స్నేహితుడు లేకపోవడంతో అనుమానం వచ్చి కిటికీలో నుంచి కిందకి చూశారు..!

Also Read:

పెట్రోల్ @100: సంబరాలు షురూ.. పొట్ట చెక్కలే, ఎంజాయ్!

‘రాహుల్ గాంధీ పెళ్లి చేసుకోవాలి.. గాంధీజీ కల నిజం చేయాలి’

వంట గ్యాస్ ధరల మంట నుంచి త్వరలో బిగ్ రిలీఫ్.. మోదీ గుడ్ న్యూస్

LEAVE A REPLY

Please enter your comment!
Please enter your name here