mumbai girl treatment: పాపకు రూ.16 కోట్ల ఇంజెక్షన్.. చలించిన ప్రధాని – pm modi waives off rs 6 crore tax to help 5 month old girl suffering from rare disease in mumbai

0
37


దు నెలల చిన్నారి అరుదైన వ్యాధితో బాధపడుతూ ముంబైలో చికిత్స పొందుతున్న సంగతి తెలిసిందే. ఆ చిన్నారి ప్రాణాలు కాపాడాలంటే రూ.16 కోట్ల విలువైన ఔషధాలు కావాలి. మరీ ముఖ్యంగా ఓ ప్రత్యేక ఇంజెక్షన్ తెప్పించాలి. వీటిని విదేశాల నుంచి తెప్పించాల్సి ఉంది. అందుకు గడువు కూడా చాలా దగ్గరపడింది. ఆ చిన్నారి తీరాకు వచ్చిన కష్టానికి ప్రధాని నరేంద్ర మోదీ చలించిపోయారు. ఆమె చికిత్సకు అవసరమైన ఔషధాల దిగుమతి విషయంలో కీలక నిర్ణయం తీసుకున్నారు.

ఔషధాల దిగుమతికి టాక్స్ రూపంలోనే రూ.6.5 కోట్లు అవుతోంది. ప్రధాని మోదీ చొరవ తీసుకొని ఈ టాక్స్‌ను రద్దు చేయించారు. తద్వారా ఇంజెక్షన్‌ దిగుమతికి మార్గం సుగమమైంది. చిన్నారి తీరా తల్లిదండ్రుల విజ్ఞప్తి మేరకు మహారాష్ట్ర మాజీ సీఎం దేవేంద్ర ఫడ్నవీస్ ఈ విషయాన్ని ప్రధాని మోదీ దృష్టికి తీసుకెళ్లారు. ఆ తర్వాత కేంద్రం చర్యలు చేపట్టింది.

పాప పరిస్థితి గురించి వివరిస్తూ ఆమె తల్లిదండ్రులు ఇప్పటికే ప్రధానికి లేఖ రాశారు. ఔషధాల దిగుమతి ఖర్చులు, జీఎస్టీ, ఎక్సైజ్‌ సుంకం కలిపి అదనంగా రూ.6.5 కోట్ల భారం పడుతోందని తెలిపారు. అంత డబ్బు తమ వద్ద లేదని, దిగుమతి టాక్స్ తగ్గించాలని కోరారు.

Must Read:స్పైనల్ మస్క్యులర్ అట్రోపీ అంటే ఏమిటి?

స్పైనల్‌ మస్కులర్‌ అట్రోఫీ అనే అరుదైన వ్యాధితో తీరా బాధపడుతోంది. ఈ వ్యాధికి ఔషధాలు విదేశాల్లో మాత్రమే అందుబాటులో ఉన్నాయని వైద్య నిపుణులు తెలిపారు. ఆ చిన్నారి కష్టం గురించి తెలుసుకొని చాలా మంది దాతలు స్పందించారు. పెద్ద మొత్తంలో విరాళాలు అందించారు. క్రౌడ్‌ ఫండింగ్ రూపంలో పాప చికిత్సకు అవసరమైన రూ.16 కోట్లు పోగయ్యాయి. ఇక ఔషధాలు తెప్పించి చికిత్స అందించడమే మిగిలింది. పాపకు ఆర్నెళ్ల వయసు రాకముందే చికిత్స చేయాల్సి ఉంది.

Also Read:

స్నేహితుడి బలవంతంతో లాటరీ టికెట్.. లక్కంటే ఇతడిదే!

గల్వాన్‌‌లో 45 మంది చైనా జవాన్ల మృతి.. రష్యా కీలక ప్రకటన

LEAVE A REPLY

Please enter your comment!
Please enter your name here