Mumbai boy death: పతంగి కోసం పరుగెడుతూ పేడకుప్పలో పడి.. అయ్యో ఘోరం! – ten year old boy dies after falling into cow dung pit while chasing kite in mumbai

0
32


తంగి కోసం పరుగెడుతూ పదేళ్ల ఓ బాలుడు దుర్మరణం పాలయ్యాడు. ప్రమాదవశాత్తూ పేడకుప్పలో పడిపోయి పేడలో కూరుకుపోయి ఊపిరాడక మృతి చెందాడు. సంక్రాంతి పర్వదినాన దేశ ఆర్థిక రాజధాని ముంబైలో ఈ విషాదం చోటు చేసుకుంది. పోలీసులు తెలిపిన వివరాల ప్రకారం..

ముంబైలోని కందివాలి ప్రాంతానికి చెందిన దుర్వేశ్ జాద‌వ్‌ (10) అనే బాలుడు గురువారం (జనవరి 14) మధ్యాహ్నం తన ఇంటికి సమీపంలో కొంత మంది పిల్లలతో కలిసి కైట్స్ ఎగరేశాడు. ఇంతలో ఓ పతంగి చేతి నుంచి జారిపోయి ఎగిరిపోయింది. దాన్ని పట్టుకోవడానికి జాద‌వ్ ప‌రుగెత్తాడు. ఆ పతంగి ఓ డెయిరీ ఫార్మ్‌లో వెళ్లి పడిపోయింది.

పతంగి వైపే చూస్తూ పరుగెత్తిన ఆ బాలుడు తన ముందు పేడ గుంత ఉన్న విషయం గమనించలేదు. ప్రమాద‌వ‌శాత్తు ఆ గుంత‌లో పడిపోయి లోప‌లికి జారుకున్నాడు. అక్కడే ప‌నిచేస్తున్న కొంత మంది కార్మికులు జాదవ్ ఆ గుంతలో పడిపోవడం గమనించారు. కానీ, వారికి అతడిని రక్షించే మార్గం తెలియలేదు. ఆ గుంత‌లోకి దిగేందుకు ఎవ‌రూ సాహ‌సం చేయ‌లేదు. అగ్నిమాప‌క సిబ్బందికి స‌మాచారం అందించారు.

Boy death chasing kite

పేడ గుంతలో పడిపోయిన బాలుడు

అగ్నిమాప‌క సిబ్బంది ఘటనా స్థలికి చేరుకొని బాలుడిని బ‌య‌ట‌కు తీశారు. వెంటనే అతడిని హాస్పిటల్‌కు త‌ర‌లించారు. బాలుడిని పరిశీలించిన వైద్యులు అతడు అప్పటికే మృతి చెందిన‌ట్లు నిర్ధారించారు. ఆ విషయం చెప్పగానే జాద‌వ్ త‌ల్లిదండ్రులు కన్నీరుమున్నీరయ్యారు. పోలీసులు యాక్సిడెంటల్ డెత్‌గా కేసు నమోదు చేసుకొని దర్యాప్తు చేస్తున్నారు.

LEAVE A REPLY

Please enter your comment!
Please enter your name here