Most Eligible Bachelor release date: వెండితెరపై అఖిల్, పూజా హెగ్డే రొమాన్స్‌కి డేట్ ఫిక్స్ – akhil akkineni most eligible bachelor to release on june 19th

0
28


అఖిల్ అక్కినేని, పూజా హెగ్డే జంటగా బొమ్మరిల్లు భాస్కర్ దర్శకత్వంలో తెరకెక్కుతోన్న రొమాంటిక్ ఫ్యామిలీ ఎంటర్‌టైనర్ ‘మోస్ట్ ఎలిజిబుల్ బ్యాచ్‌లర్’. అల్లు అరవింద్ సమర్పణలో జీఏ2 పిక్చర్స్ బ్యాన‌ర్‌పై బన్నీ వాసు, వాసు వర్మ సంయుక్తంగా నిర్మిస్తున్నారు. గోపీ సుందర్ సంగీతం సమకూర్చారు. అఖిల్, పూజా హెగ్డే తొలిసారి కలిసి నటించిన చిత్రమిది.

‘మోస్ట్ ఎలిజిబుల్ బ్యాచ్‌లర్’ సినిమాను ప్రకటించిన రోజు నుంచే ఈ సినిమాపై అక్కినేని అభిమానుల్లో ఆసక్తి మొదలైంది. ఈ నేపథ్యంలో ఇప్పటి వరకు ‘మోస్ట్ ఎలిజిబుల్ బ్యాచ్‌ల‌ర్‌’ టీం విడుదల చేసిన అఖిల్ అక్కినేని ఫస్ట్ లుక్‌కు, అలానే గోపీ సుంద‌ర్ సంగీత‌ సార‌థ్యంలో సిద్ శ్రీరామ్ పాడిన మనసా మ‌న‌సా పాటకు, ఆ తర్వాత విడుదల చేసిన టీజ‌ర్‌కు అటు సోషల్ మీడియాలో ఇటు అభిమానుల్లో అనూహ్యమైన స్పందన లభించడం యూనిట్‌లో కొత్త ఉత్సాహ‌న్ని తెచ్చింది.

గోపీచంద్‌తో సినిమా.. కచ్చీఫ్ వేసేసిన మారుతి.. షూటింగ్‌కు వెళ్లకుండానే రిలీజ్ డేట్ ఫిక్స్
ఇదే ఉత్సాహంతో అక్కినేని అభిమానులకు స్పెషల్ సర్‌ప్రైజ్ ఇస్తూ యూనిట్ తాజాగా ఈ సినిమాకు సంబంధించిన విడుదల తేదీ పోస్టర్ రిలీజ్ చేసింది. ఈ సినిమాను జూన్ 19న విడుదల చేయనున్నట్లు ప్రకటించారు నిర్మాతలు. ఈ పోస్టర్‌లో అక్కినేని అందగాడు అఖిల్ మరింత స్టైలిష్‌గా ఉన్నాడు. పూజా కూడా మెరిసిపోతున్నారు. ద‌ర్శకుడు బొమ్మరిల్లు భాస్కర్ త‌న చిత్రాల్లోని పాత్రల్ని చాలా క్యూట్ రొమాన్స్‌తో ల‌వ్‌లీగా వుండేలా డిజైన్ చేస్తారు. అందుకే ఆయ‌న చిత్రాల‌కి ఓ ప్రత్యేకత వుంటుంది. ఇప్పుడు ‘మోస్ట్ ఎలిజిబుల్ బ్యాచ్‌లర్’ సినిమాలో కూడా అఖిల్ అక్కినేని, పూజాల మధ్య అలాంటి కెమిస్ట్రి ఉండేలా డిజైన్ చేసారు.

ఈ సినిమాలో ఆమ‌ని, ముర‌ళీ శ‌ర్మ, జ‌య ప్రకాశ్, ప్రగ‌తి, సుడిగాలి సుధీర్, గెటప్ శ్రీను, అభ‌య్, అమిత్ ఇతర పాత్రల్లో నటించారు. గోపీ సుందర్ సంగీతం సమకూర్చిన ఈ సినిమాకి ప్రదీశ్ ఎమ్ వర్మ సినిమాటోగ్రఫీ అందించారు. మార్తాండ్ కె వెంకటేష్ ఎడిటర్. అవినాష్ కొల్లా ఆర్ట్ డైరెక్టర్.

LEAVE A REPLY

Please enter your comment!
Please enter your name here