Monal Gajjar: మోనాల్, అఖిల్ ఆన్‌స్క్రీన్ రొమాన్స్.. ఒక్కటైన బిగ్ బాస్ జంట! – monal gajjar, akhil sarthak first web series telugu abbayi gujarat ammayi first look released

0
22


ప్రధానాంశాలు:

  • మోనాల్, అఖిల్ జంటగా వెబ్ సిరీస్
  • వాలంటైన్స్‌ డే సందర్భంగా ఫస్ట్ లుక్ విడుదల
  • ప్రేక్షకుల ప్రేమ, ఆశీస్సులు కావాలని కోరిక మోనాల్

బుల్లితెర రియాలిటీ షో బిగ్ బాస్ తెలుగు సీజన్ 4 ద్వారా పాపులర్ అయిన అఖిల్ సార్థక్, మోనాల్ గజ్జర్ మరోసారి ప్రేక్షకులకు కనువిందు చేయనున్నారు. ఒక వెబ్ సిరీస్‌లో వీరిద్దరూ జంటగా నటిస్తున్నారు. ఈ విషయాన్ని ఈ స్టార్స్ ఇద్దరూ సోషల్ మీడియా ద్వారా ప్రకటించారు. వాలంటైన్స్ డే సందర్భంగా ఫిబ్రవరి 14న ఫస్ట్ లుక్ కూడా విడుదల చేశారు. ఈ సిరీస్‌కు ‘తెలుగు అబ్బాయి గుజరాత్ అమ్మాయి’ అనే టైటిల్ పెట్టారు.

భాస్కర్‌ బంటుపల్లి దర్శకత్వం వహిస్తోన్న ఈ వెబ్ సిరీస్‌ను మాస్టర్ అజితేష్ వెంకట్ సమర్పణలో సరస్వతి క్రియేషన్స్ బ్యానర్‌పై ఎ. భాస్కర్‌రావు నిర్మిస్తున్నారు. ‘తెలుగు అబ్బాయి గుజరాత్ అమ్మాయి’ ఫస్ట్ లుక్ విడుదల కార్యక్రమం నిర్మాణ సంస్థ కార్యాలయంలో ఆదివారం నిర్వహించారు. ఈ కార్యక్రమంలో హీరో అఖిల్, హీరోయిన్ మోనాల్ గజ్జర్, దర్శకుడు భాస్కర్ బంటుపల్లి, నిర్మాత ఎ. భాస్కరరావు పాల్గొన్నారు.

లవ్ స్టోరీ: నాగ చైతన్య- సాయి పల్లవి వాలంటైన్స్ డే గిఫ్ట్ అదిరింది
దర్శకుడు భాస్కర్ బంటుపల్లి మాట్లాడుతూ.. ‘‘బిగ్ బాస్-4లో అఖిల్, మోనాల్ పెయిర్ అందర్నీ విపరీతంగా ఆకట్టుకుంది. వాళ్ళిద్దరితో సినిమా చేస్తే బాగుంటుందని నా మిత్రుడు సలహా ఇచ్చాడు. అది నాకు చాలా ఇన్‌స్పైరింగ్‌గా అనిపించింది. వెంటనే వాళ్ళను దృష్టిలో పెట్టుకొని ఒక లైన్ అనుకున్నాను. అది మా ప్రొడ్యూసర్ గారికి చెప్పగానే ఆయన వెంటనే ఒకే అన్నారు. ‘తెలుగు అబ్బాయి గుజరాత్ అమ్మాయి’ ఈ టైటిల్ మన తెలుగు ప్రేక్షకులే ఇచ్చారు. పర్ఫెక్ట్ యాప్ట్ టైటిల్ ఇది. గుజరాత్ నుండి హైదరాబాద్ వచ్చిన అమ్మాయి.. విలేజ్ నుండి సిటీకి వచ్చిన మిడిల్ క్లాస్ అబ్బాయి మధ్య జరిగే లవ్ స్టొరీ. మార్చ్ నుండి ఈ వెబ్ సిరీస్ స్టార్ట్ చేస్తాం’’ అని అన్నారు.

Telugu Abbayi Gujarat Ammayi First Look Launch Event

ఫస్ట్ లుక్ విడుదల కార్యక్రమంలో ప్రాజెక్ట్ టీమ్

నిర్మాత ఎ. భాస్కర్‌రావు మాట్లాడుతూ.. ‘‘నేను డాక్టర్‌ని. బిగ్ బాస్-4 సీజన్ అంతా మిస్ అవకుండా చూశాను. మా ఫ్యామిలీ అంతా బాగా కనెక్ట్ అయ్యారు. అఖిల్, మోనాల్‌తో ఒక వెబ్ సిరీస్ చేస్తే బాగుంటుందని అనుకునే టైంలో భాస్కర్ వచ్చి మంచి స్టోరీ చెప్పాడు. చాలా ఎగ్జయిట్ అయ్యాను. వెరీ షార్ట్ టైంలో ఈ ప్రాజెక్టు ఒకే అయింది. ఆరు పార్ట్‌లుగా ఈ వెబ్ సిరీస్ ప్లాన్ చేశాం.. మార్చ్ సెకండ్ వీక్ నుండి షూటింగ్ స్టార్ట్ అవుతుంది’’ అని అన్నారు.

పక్కా కమర్షియల్: మారుతి- గోపీచంద్ కాంబో సెట్టయింది.. అఫీషియల్ అనౌన్స్‌మెంట్
అఖిల్ మాట్లాడుతూ.. ‘‘బిగ్ బాస్‌లో మోనాల్ నేను ఎలా అయితే క్లోజ్‌గా ఫ్రెండ్లీగా.. లవ్, ఎమోషనల్‌గా ఉన్నామో దానికి వెబ్ సిరీస్ ద్వారా క్లియర్‌గా ఆన్సర్ చెప్పబోతున్నాం. ఒక మిడిల్ క్లాస్ అబ్బాయి సాఫ్ట్‌వేర్ జాబ్ కోసం హైదరాబాద్ వచ్చి ఎన్ని స్త్రగుల్స్ ఫేస్ చేశాడు.. అనుకోకుండా ఒక గుజరాతీ అమ్మాయిని కలిసి ఎలా లవ్‌లో పడ్డాడు అనేది మెయిన్ కాన్సెప్ట్. ప్రాపర్ వెబ్ సిరీస్ ఇది. ఈ కథ మా ఇద్దరికీ బాగా సింక్ అయింది. పర్ఫెక్ట్ టైటిల్. ఇది నాకు ఫస్ట్ ప్రాజెక్టు. ఈ అవకాశం ఇచ్చిన భాస్కర్‌రావు గారికి నా థాంక్స్’’ అని అన్నారు.

మోనాల్ గజ్జర్ మాట్లాడుతూ.. ‘‘గుజరాత్ నుండి జాబ్ కోసం హైదరాబాద్ వచ్చిన అమ్మాయి ఎన్ని ఇబ్బందులు పడింది.. ఇక్కడ ఎలా అడ్జెస్ట్ అయింది అనేది నా క్యారెక్టర్. బిగ్ బాస్‌లో మా ఇద్దరికీ ఆడియెన్స్ బాగా కనెక్ట్ అయ్యారు. ‘తెలుగు అబ్బాయి గుజరాత్ అమ్మాయి’ అనేది ఆడియెన్స్ నుండి వచ్చిన టైటిల్. ఈ వెబ్‌సిరీస్‌కి సూపర్‌గా యాప్ట్ అయింది. అది అఖిల్, నేను చేయడం చాలా హ్యాపీగా ఉంది’’ అని అన్నారు. ఈ వెబ్ సిరీస్‌కి ఏడీ మార్గల్ సినిమాటోగ్రఫీ అందిస్తున్నారు. గాయకుడు సాకేత్ కోమండూరి సంగీతం సమకూరుస్తున్నారు.

LEAVE A REPLY

Please enter your comment!
Please enter your name here