modi mann ki baat: రిపబ్లిక్ డే హింసతో దేశమంతా కలత చెందింది.. మన్ కీ బాత్‌లో మోదీ కీలక వ్యాఖ్యలు – prime minister narendra modi addresses 2021’s first mann ki baat

0
21


ప్రధానాంశాలు:

  • టీకాను రామాయణంలో సంజీవనిగా పోల్చారని మోదీ వ్యాఖ్య.
  • అద్భుతాలను సృష్టించడం ఆత్మనిర్భర్ భారత్‌కు నిదర్శన.
  • టీమ్ ఇండియా విజయంపై మోదీ ప్రశంసలు.

ఈ ఏడాదిలో తొలి ‘మన్ కీ బాత్’‌లో ప్రధాని నరేంద్ర మోదీ ఆదివారం ప్రసంగించారు. ఈ సందర్భంగా ఆయన మాట్లాడుతూ.. జనవరి 26న గణతంత్ర దినోత్సవం నాడు ఢిల్లీలో త్రివర్ణ పతాకానికి అవమానం జరగడంతో దేశమంతా బాధపడిందని ఆవేదన వ్యక్తం చేశారు. రాష్ట్రపతి సందేశంతో బడ్జెట్ సమావేశాలు ప్రారంభమైనట్టు తెలిపారు. ఇదే సమయంలో పద్మ పురస్కారాలను కూడా ప్రకటించామని.. ఇటువంటి అవార్డులు అందుకున్నవారు అందరికీ స్ఫూర్తినిస్తూ, దేశాన్ని ముందుకు నడిపిస్తారని అన్నారు.

మరోవైపు క్రికెట్ పిచ్ నుంచి కూడా శుభవార్త అందిందని, మన టీమ్ ఆస్ట్రేలియాలో సిరీస్‌ను దక్కించకుంది.. మన ఆటగాళ్లు హార్డ్ వర్క్, టీమ్ వర్క్‌తో ఈ విజయం సాధ్యమైందన్నారు. అయితే వీటన్నింటి మధ్య ఢిల్లీలో రిపబ్లిక్ డే రోజున త్రివర్ణ పతాకానికి జరిగిన అవమానంతో యావత్ భారతావని ఆవేదన చెందిందని అన్నారు. ఇక కరోనా పోరాటంలో భారత్ స్ఫూర్తిగా నిలిచిందని, వ్యాక్సినేషన్‌లో ఇతర దేశాల కన్నా ముందుందని పేర్కొన్నారు. కేవలం 15 రోజుల్లోనే 3 మిలియన్ల మందికిపైగా కరోనా వారియర్స్‌కు టీకాలు వేయగలిగామన్నారు. స్వదేశీ టీకాలు భారత స్వాలంబనకు చిహ్నం.. అంతేకాదు, దేశానికి గర్వకారణం అన్నారు.

ఇటీవలే ఝాన్సీలో స్ట్రాబెరీ ఫెస్టివల్ ప్రారంభమైందని, నెల రోజుల పాటు ఇది కొనసాగుందని తెలిపారు. ఈ మహోత్సన్ని స్ఫూర్తిగా తీసుకుని యువత, రైతులు ఆధునిక సాంకేతికత సహాయంతో స్ట్రాబెరీ తోటల పెంపకాన్ని చేపట్టాలని పిలుపునిచ్చారు. ‘ఈ ఏడాది భారత్ 75 వ స్వాతంత్రదినోత్సవ వేడుకలను జరుపుకోబోతోంది.. ఇది ఎంతో అమృత్ మహోత్సవ్. మనం ఎవరి ద్వారా స్వేచ్ఛను పొందామో ఆ హీరోలతో సంబంధం ఉన్న ప్రదేశాలను అన్వేషించడానికి ఇది ఒక అద్భుతమైన సమయం’ అన్నారు.

స్వాతంత్ర ఉద్యమంలో జై రామ్ విప్లావం నుంచి నమో యాప్ గురించి ఒక వ్యాఖ్య వచ్చింది.. 1932లో యువ దేశభక్తుల బృందం ‘వందే మాతరం’‘భారత్ మాతా కీ జై’ నినాదాలను చేయడంతో బ్రిటిషర్లు చేతుల్లో ప్రాణాలు కోల్పోయిన విషయం గుర్తు చేశారు. ‘ఇండియా @ 75’ ప్రయోజనం కోసం యువ రచయితలు చొరవ తీసుకున్నారు. ఇది అన్ని రాష్ట్రాలు, అన్ని భాషల యువ రచయితలను ప్రోత్సహిస్తుంది. దీని గురించి విద్యా వెబ్‌సైట్‌లో మరింత సమాచారం తెలుసుకోవచ్చు అన్నారు.

LEAVE A REPLY

Please enter your comment!
Please enter your name here