mexico doctor covid vaccine: ఫైజర్ టీకా తీసుకున్న వైద్యురాలికి తీవ్ర అనారోగ్యం.. ఎన్‌సెఫలోమైలిటిస్‌గా గుర్తింపు – doctor hospitalized after receiving pfizer covid-19 vaccine in mexico

0
43


కరోనా వైరస్‌కు ఫైజర్, మోడెర్నా, ఆక్స్‌ఫర్డ్ అభివృద్ధి చేసిన టీకాలను అత్యవసర వినియోగం కింద పలు దేశాలు అనుమతించిన విషయం తెలిసిందే. ఆయా దేశాల్లో వ్యాక్సిన్ పంపిణీ కొనసాగుతోంది. అయితే, టీకా తీసుకున్న పలువురికి దుష్ప్రభావాలు అక్కడక్కడా తలెత్తుతున్నాయి. వారం రోజుల కిందట అమెరికాలో మోడెర్నా కొవిడ్‌-19 వ్యాక్సిన్ తీసుకున్న ఓ వైద్యుడుకి తీవ్ర అలర్జీ లక్షణాలు కనిపించాయి. తాజాగా, ఫైజర్‌-బయోఎన్‌టెక్‌ అభివృద్ధి చేసిన టీకాను తీసుకున్న ఓ మెక్సికో వైద్యురాలి (32)లో దుష్ప్రభావాలు తలెత్తాయి.

మెక్సికో ఉత్తర ప్రాంతం న్యువో లియోన్ రాష్ట్రంలోని ప్రభుత్వ ఆస్పత్రిలోని మహిళా వైద్యురాలిగా పనిచేస్తున్న మహిళకు ఫైజర్ టీకా వేశారు. టీకా వేసుకున్న తర్వాత ఆమెకు శ్వాస తీసుకోవడంలో ఇబ్బంది, చర్మ సంబంధిత అలర్జీ వంటి సమస్యలు రావడంతో వెంటనే ఆస్పత్రిలో చేర్చినట్లు సంబంధిత అధికారులు తెలిపారు. ప్రాథమిక పరీక్షల్లో దీన్ని ఎన్‌సెఫలోమైలిటిస్‌గా వైద్యులు గుర్తించారు. మెదడు, వెన్నెముకలో తలెత్తే ఇన్‌ఫ్లమేషన్‌ వల్ల ఈ సమస్యలు వస్తాయని మెక్సికో ఆరోగ్య శాఖ తెలిపింది. ఫైజర్ టీకా క్లినికల్‌ ట్రయల్స్‌లో పాల్గొన్న వాలంటీర్లలో ఈ దుష్ప్రభావం తలెత్తలేదని వివరించారు.

అయితే, ఆ వైద్యురాలు గతంలో పలుసార్లు అలర్జీల బారినపడ్డారని అన్నారు. అమె పేరు మాత్రం వెల్లడించలేదు. ఈ ఘటనపై ఫైజర్‌గానీ, బయోఎన్‌టెక్‌గానీ ఇంకా స్పందించలేదు. ఇప్పటి వరకు మెక్సికోలో 1,26,500 మంది కొవిడ్‌ బారిన పడి మరణించారు. అత్యవసర వినియోగం కింద డిసెంబరు 24 నుంచి మెక్సికోలో టీకా పంపిణీ ప్రక్రియ ప్రారంభమయ్యింది. బ్రిటన్, అమెరికాలోనూ ఫైజర్‌ టీకాకు సంబంధించి కూడా అలర్జీ కేసులు వెలుగుచూశాయి. గతంలో అలర్జీల బారినపడ్డవారు ఈ టీకాను వేసుకోవద్దని బ్రిటన్ ప్రకటించింది.

ఫైజర్ వ్యాక్సిన్ తీసుకున్న వారానికే అమెరికాలో ఓ నర్సు వైరస్ బారినపడ్డారు. కాలిఫోర్నియాకు చెందిన మాథ్యూ డబ్ల్యూ రెండు వేర్వేరు హాస్పిటళ్లలో నర్సుగా పనిచేస్తున్నాడు. కరోనా వైరస్ బారినపడకుండా అతడు డిసెంబర్ 18న ఫైజర్ టీకాను తీసుకోగా.. డిసెంబరు 26న ఆయన వైరస్ బారినపడ్డారు.

LEAVE A REPLY

Please enter your comment!
Please enter your name here