metro man sridharan: రాజకీయాల్లోకి ‘మెట్రోమ్యాన్’ శ్రీధరన్.. ఆ పార్టీ తరఫున కేరళ ఎన్నికల్లో పోటీ! – metro man sreedharan to join bjp, says open to fighting kerala polls

0
23


ప్రధానాంశాలు:

  • ఢిల్లీ మెట్రో ప్రాజెక్టుతో శ్రీధరన్‌కు దేశవ్యాప్త గుర్తింపు.
  • 88 ఏళ్ల వయసులో రాజకీయ ఆరంగేట్రం.
  • కేరళ ఎన్నికల్లో పోటీకి సిద్ధమైన మాజీ ఇంజినీర్.

కేరళ అసెంబ్లీకి మరో రెండు నెలల్లో ఎన్నికలు జరగనుండగా.. కీలక పరిణామం చోటుచేసుకుంది. ‘మెట్రో మ్యాన్’‌గా గుర్తింపు పొందిన ఈ శ్రీధరన్ బీజేపీలో చేరుతున్నారు. ఈ మేరకు కేరళ బీజేపీ శాఖ గురువారం ప్రకటనలో తెలిపింది. ఫిబ్రవరి 21న బీజేపీ నిర్వహించే ‘విజయ యాత్ర’లో శ్రీధరన్ చేరుతారని కేరళ రాష్ట్ర శాఖ అధ్యక్షుడు సురేంద్రన్ ప్రకటించారు. రాష్ట్రంలో బీజేపీ అధికారంలోకి వస్తేనే న్యాయం జరుగుతుందని, ఆ పార్టీ ఒప్పుకుంటే తాను ఎన్నికల బరిలోకి దిగడానికి సిద్ధంగానే ఉన్నానని గతంలోనే శ్రీధరన్ కుండబద్దలుకొట్టారు.

తాను బీజేపీలో చేరాలని నిర్ణయించుకున్నాను, కేవలం అధికారిక ప్రక్రియ మాత్రమే మిగిలి ఉందని శ్రీధరన్ వ్యాఖ్యానించారు. ‘నేను పదవీ విరమణ తర్వాత గత పదేళ్లుగా కేరళలోనే నివసిస్తున్నాను.. వివిధ ప్రభుత్వాలను చూశాను.. ప్రజలకు అవసరమైన వారు చేయలేకపోయారు.. నేను బీజేపీలో చేరి నా అనుభవాన్ని ఉపయోగించుకుంటాను’ అని స్పష్టం చేశారు.

ఇతర పార్టీలను గుడ్డి ప్రతిపక్షాలని ఆరోపించిన ఆయన.. దేశాన్ని చెడుగా చిత్రీకరించే ప్రయత్నం చేస్తున్నాయని విమర్శించారు. ‘స్వార్థ ప్రయోజనాలతో కూడిన రాజకీయ పార్టీలు జాతీయంగా చాలా చెడును చిత్రీకరిస్తున్నాయి.. ఏదో వ్యతిరేకించాలని వ్యతిరేకిస్తున్నాయి.. కాంగ్రెస్ వంటి పార్టీలు భారతదేశానికి చెడ్డ ఇమేజ్ సృష్టిస్తున్నాయి’ అని దుయ్యబట్టారు.

ఇక, శ్రీధరన్ పేరు చెప్పగానే మెట్రో రైల్ గుర్తుకొస్తుంది. ఢిల్లీ మెట్రోకు ఆద్యుడిగా దేశవ్యాప్తంగా మన్ననలు అందుకున్నారు. నాటి ఢిల్లీ ముఖ్యమంత్రి సాహిబ్ సింగ్ వర్మ ఢిల్లీ మెట్రోరైల్ కార్పొరేషన్ ఎండీగా నియమించారు. ఈ ప్రాజెక్టును అనుకున్న షెడ్యూల్ కంటే ముందే పూర్తిచేసి అందరితో శభాష్ అనిపించుకున్నారు. దీంతో ఆయనకు ‘మెట్రో మ్యాన్ ఆఫ్ ఇండియా’ అన్న పేరు కూడా వచ్చింది. 90 వదశకంలో రైల్వే సీనియర్ ఇంజినీర్‌గా పదవీవిరమణ చేసిన ఆయనకు క్లిష్టమైన కొంకణ్ రైల్వే నిర్మాణ బాధ్యతలు అప్పగించారు.

అసాధ్యమనుకున్న కొంకణ్ రైల్వే ప్రాజెక్టును అత్యంత చాకచక్యంగా పూర్తిచేసి, సామర్థ్యాన్ని మరోసారి నిరూపించుకున్నారు. దేశంలోనే తొలి మెట్రో రైల్ ప్రాజెక్టు పనులు 1995లో ప్రారంభం కావడంతో శ్రీధరన్‌కు వీటిని అప్పగించారు. అయితే, 2005లోనే ఆయన పదవీ విరమణ చేయాల్సి ఉన్నా మళ్లీ పొడిగించారు. మెట్రో రెండో దశ పూర్తి బాధ్యతలు అప్పగించడంతో 2011లో పదవీ విరమణ చేశారు.

LEAVE A REPLY

Please enter your comment!
Please enter your name here