Mehaboob: బంపర్ ఆఫర్ కొట్టేసిన మెహబూబ్! చిరంజీవి సినిమాలో ఛాన్స్.. ఇక మనోడి పంట పండినట్లే..!! – bigg boss season 4 contestant mehaboob got offer in chiranjeevi’s acharya

0
23


బిగ్ బాస్ షోలో పాల్గొన్న కంటిస్టెంట్స్‌కి పెద్దగా ఉపయోగం లేదని, అనుకున్నట్లుగా ఎవ్వరూ సినిమా ఆఫర్స్ ఇవ్వడం లేదని ఎంతోమంది కామెంట్స్ చేస్తున్న సంగతి తెలిసిందే. ఈ పరిస్థితుల్లో అందుకు భిన్నంగా ఇటీవలే బిగ్ బాస్ సీజన్- 4 ముగించుకొని బయటకొచ్చిన కంటిస్టెంట్స్ వరుసగా సినిమా ఛాన్సులు పట్టేసి ఆశ్చర్య పరుస్తున్నారు. ఇప్పటికే సోహైల్, దివిలు సినిమా అవకాశాలు కొట్టేయగా తాజాగా ఈ లిస్ట్‌లో మెహబూబ్ కూడా చేరిపోయాడని తెలుస్తోంది.

మెహబూబ్‌కి ఏకంగా చిరంజీవి లేటెస్ట్ మూవీ ‘ఆచార్య’లో నటించే అవకాశం దక్కిందని సమాచారం. రామ్ చరణ్ నిర్మాణంలో రూపొందుతున్న ఈ సినిమాలో ఓ చిన్నపాత్ర కోసం ఆయన్ను ఎంపిక చేశారనే టాక్ నడుస్తోంది. పాత్ర చిన్నదే అయినా సినిమాలో కీలకమైనదని తెలుస్తుండటం ఆసక్తి రేకెత్తిస్తోంది. దీంతో ఇదే నిజమైతే ఇక మనోడి పంట పండినట్లే అని చెప్పుకుంటున్నారు జనం.
Vijay: మాస్ట‌ర్ విడుదల తేదీ ఫిక్స్.. బాక్సాఫీస్ దుమ్ముదులిపేందుకు రెడీ అయిన విజయ్
ఇకపోతే బిగ్ బాస్ సీజన్ 4 మరో కంటిస్టెంట్ మోనాల్‌ని బెల్లంకొండ శ్రీనివాస్ హీరోగా రూపొందుతున్న ‘అల్లుడు అదుర్స్’ సినిమాలో ఓ ఐటెం సాంగ్ కోసం తీసుకున్నారనేది లేటెస్ట్ టాక్. ఇందుకోసం ఆమె డిమాండ్ చేసిన మేరకు రెమ్మ్యూనరేషన్ కూడా ఆఫర్ చేశారట మేకర్స్. అలాగే వెంకటేష్‌, వరుణ్‌ తేజ్‌ హీరోలుగా అనిల్ రావిపూడి దర్శకత్వంలో రూపొందుతున్న ‘F3’ మూవీలో బిగ్ బాస్ విన్నర్ అభిజీత్‌ని తీసుకున్నారని సమాచారం. సో.. చూస్తుంటే ఈ సారి వెండితెరపై బిగ్ బాస్ కంటిస్టెంట్స్ జోష్ కనిపిస్తుందని అర్థమవుతోంది కదూ!.

LEAVE A REPLY

Please enter your comment!
Please enter your name here