Master Twitter Review: ‘మాస్టర్’ ట్విట్టర్ రివ్యూ: వెరితనమ్ అంటోన్న తమిళ్ ఫ్యాన్స్.. కానీ! – thalapathy vijay lokesh kanagaraj master twitter review

0
40


తమిళనాడులోని థియేటర్లలో ‘మాస్టర్’ హంగామా మొదలైపోయింది. దళపతి విజయ్ ఫ్యాన్స్ పూనకంతో ఊగిపోతున్నారు. థియేటర్ల వద్ద డప్పులు, డ్యాన్సులు, డీజేలతో హోరెత్తిస్తున్నారు. సుమారు 15 నెలల తరవాత తమ అభిమాన హీరోను వెండితెరపై చూడటానికి క్యూలు కడుతున్నారు. ‘మాస్టర్’ మానియాతో ట్విట్టర్ హీటెక్కుతోంది. ‘ఖైదీ’ వంటి బ్లాక్ బస్టర్ తరవాత లోకేష్ కనకరాజ్ దర్శకత్వంలో రావడం.. దళపతి విజయ్ హీరో కావడంతో ‘మాస్టర్’పై భారీ అంచనాలు ఏర్పడ్డాయి. తమిళనాడులో అయితే భయంకరమైన క్రేజ్ ఉంది.

సంక్రాంతి కానుకగా తమిళంతో పాటు తెలుగు, కన్నడ, హిందీ భాషల్లో నేడు ‘మాస్టర్’ విడుదలైంది. యూఎస్‌లో ఇప్పటికే ప్రీమియర్ షోలు పడిపోయాయి. తమిళనాడులో బుధవారం తెల్లవారుజాము నుంచే బెనిఫిట్ షోలో మొదలైపోయాయి. ఇప్పటికే సినిమా చూసినవాళ్లు ట్విట్టర్ ద్వారా స్పందిస్తున్నారు. విజయ్ తమిళ ఫ్యాన్స్ సినిమా అద్భుతమని, వెరితనమ్ అని, వీర లెవెల్ అని ఎత్తేస్తున్నారు. కానీ, అక్కడి విమర్శకులు మాత్రం యావరేజ్ మూవీ అని తేల్చేస్తున్నారు. ఇక మన తెలుగు వాళ్లకు అయితే ఈ సినిమా ఎక్కడం కష్టమేనంటున్నారు.

‘మాస్టర్’ లీక్.. ట్విట్టర్ సాయంతో దొంగను పట్టేశారట!
ఫస్టాఫ్ చాలా బాగుందని ట్విట్టర్ కూత. ఇంటర్వెల్ బ్యాంగ్ అయితే అద్భుతమట. విజయ్ సేతుపతి దుమ్ముదులుపేశారని అంటున్నారు. విజయ్, విజయ్ సేతుపతి మధ్య వచ్చే సీన్స్ చాలా బాగున్నాయట. అయితే, సెకండాఫ్ మాత్రం బాగోలేదని టాక్. స్లో నెరేషన్‌తో దర్శకుడు చికాకు తెప్పించేశారట. స్క్రీన్‌ప్లేను మరీ సాగదీశారని పెదవి విరుస్తున్నారు. మొత్తం ‘మాస్టర్’ యావరేజ్ మూవీ అని అంటున్నారు. తమిళంలోనే యావరేజ్ అంటే తెలుగులో ఆడటం కష్టమే. చూద్దాం తొలిరోజు ముగిశాక టాక్ ఎలా ఉంటుందో!

LEAVE A REPLY

Please enter your comment!
Please enter your name here