Mass Biriyani Video Song: Krack: రవితేజ ‘మాస్ బిరియానీ’ అదిరింది! – mass biriyani lyrical video song from ravi teja krack released

0
103


మాస్ మహారాజా రవితేజ తన ‘క్రాక్’ మూవీపై అంచనాలను అంతకంతకు పెంచేస్తున్నారు. ఇప్పటికే విడుదలైన పోస్టర్లు, మూడు పాటలు, టీజర్ సినిమాపై ఆసక్తిని పెంచగా.. జనవరి 1న విడుదలచేసిన ‘క్రాక్’ ట్రైలర్ భారీ అంచనాలను ఏర్పరిచింది. ఈరోజు విడుదలైన ‘మాస్ బిరియానీ’ సాంగ్ ఆ అంచనాలను రెట్టింపు చేస్తోంది. ప్రస్తుతం మంచి ఫామ్‌లో ఉన్న సంగీత దర్శకుడు తమన్.. ‘క్రాక్’ కోసం మంచి ఊపున్న పాటలు అందిస్తున్నారు.

ఇప్పటికే విడుదలైన ‘భూమ్ బద్దల్’, ‘భలేగా తగిలావే బంగారం’, ‘కోరమీసం పోలీసోడా’ పాటలు ఆకట్టుకున్నాయి. ఇప్పుడు ఈ ‘మాస్ బిరియానీ’ వాటికి మించి ఆకట్టుకుంటోంది. రాహుల్ నంబియార్, సాహితీ చాగంటి ఆలపించిన ఈ పాటను కాసర్ల శ్యామ్ రచించారు. శేఖర్ మాస్టర్ ఈ పాటకు కొరియోగ్రఫీ అందించారు. ఈ లిరికల్ వీడియోలో పాట చిత్రీకరణ దృశ్యాలను కూడా పొందిపరిచారు. ఇవి చూస్తుంటే ఈ పాటలో రవితేజ, శ్రుతిహాసన్ స్టెప్పులు అదిరిపోనున్నాయని అర్థమవుతోంది.

థియేటర్లలో 100% ఆక్యుపెన్సీ: ప్రభుత్వం షాకింగ్ డిసీజన్.. ఆ హీరోలకు బంపరాఫర్
కాగా, ఈ చిత్రానికి గోపీచంద్ మలినేని దర్శకత్వం వహించారు. రవితేజ – గోపీచంద్ మలినేని కాంబినేషన్‌లో ఇప్పటికే ‘డాన్ శీను’, ‘బలుపు’ సినిమాలు వచ్చాయి. ఇప్పుడు హ్యాట్రిక్ మూవీగా ‘క్రాక్’ వస్తోంది. దీంతో ఈ సినిమాపై అంచనాలు ఏర్పడ్డాయి. సంక్రాంతి కానుకగా ఈనెల 9న ‘క్రాక్’ ప్రేక్షకుల ముందుకు వస్తోంది. స‌ర‌స్వతి ఫిలిమ్స్ డివిజ‌న్ బ్యాన‌ర్‌పై బి. మ‌ధు నిర్మించిన ఈ చిత్రంలో స‌ముద్రఖని, వ‌ర‌ల‌క్ష్మీ శ‌ర‌త్‌కుమార్ నెగిటివ్ రోల్స్ పోషించారు.

రవితేజ ‘క్రాక్’: మాస్ బిరియానీ సాంగ్

LEAVE A REPLY

Please enter your comment!
Please enter your name here