Manohar Lal Khattar: అదే జరిగితే రాజకీయాల నుంచి తప్పుకుంటూ.. రైతుల ఆందోళనపై బీజేపీ సీఎం సంచలన వ్యాఖ్యలు – will quit politics if anyone ends msp regime, haryana cm on farm laws

0
34


కేంద్రం తీసుకొచ్చిన కొత్త వ్యవసాయ చట్టాలను తీవ్రంగా వ్యతిరేకిస్తూ రైతులు చేపట్టిన ఆందోళనలు కొనసాగుతున్నాయి. ముఖ్యంగా పంజాబ్, హరియాణాలోని రైతులు ఢిల్లీ సరిహద్దుల్లో బైఠాయించి గత 36 రోజులుగా ఆందోళన చేస్తున్నాయి. హరియాణా రైతులకు మద్దతు ధర కల్పించని పక్షంలో తాను శాశ్వతంగా రాజకీయాల నుంచి తప్పుకుంటానని హరియాణా ముఖ్యమంత్రి మనోహర్ లాల్ ఖట్టర్ సంచలన ప్రకటన చేశారు. పంజాబ్ ప్రభుత్వం రైతులకు మద్దతుగా వ్యవసాయ చట్టాలను ఉపసంహరించుకోవాలని డిమాండ్ చేస్తోంది.

అయితే, హర్యానాలో పరిస్థితి భిన్నంగా ఉంది. కేంద్రం, రాష్ట్రంలో ఒకే పార్టీ అధికారంలో ఉండడం అక్కడ ప్రభుత్వానికి సంకటస్థితి నెలకుంది. ముందు నుయ్యి, వెనుక గొయ్యి అన్న చందంగా అటు రైతుల ఉద్యమానికి మద్దతు ఇవ్వలేక, ఇటు కేంద్ర ప్రభుత్వంపై ఒత్తిడి తేలేక అయోమయ పరిస్థితిలో ఉంది.

తాజాగా హరియాణాలో జరిగిన మున్సిపల్ ఎన్నికల్లోనూ బీజేపీ-జేజేపీ సంకీర్ణ ప్రభుత్వం ఘోర పరాజయాన్ని మూటగట్టుకుంది. ఎన్నికల్లో వ్యవసాయ చట్టాల వ్యతిరేక ఉద్యమ ప్రభావం బాగానే పడిందని రాజకీయ విశ్లేషకులు అభిప్రాయపడుతున్నారు. మరోవైపు, రాష్ట్ర ప్రభుత్వంపై కూడా ఒత్తిడి పెరగడంతో ముఖ్యమంత్రి మనోహార్ లాల్.. కనీస మద్దతు ధరపై రైతులకు భరోసా ఇచ్చే ప్రయత్నం చేశారు. సీఎం మాట్లాడుతూ ‘హరియాణాలో కనీస మద్దతు ధరను మేము కొనసాగిస్తాం.. కనీస మద్దతు ధర అందజేయలేని పక్షంలో మనోహర్ లాల్ రాజకీయాల నుంచి తప్పుకుంటారు’ప్రతిన పూనారు.

అటు, బీజేపీ మిత్రపక్షం జన్‌నాయక్ జనతా పార్టీపై కూడా తీవ్ర ఒత్తిడి పెరుగుతోంది. ఇదే విషయమై హర్యానా డిప్యూటీ సీఎం దుశ్యంత్ చౌతాలా సైతం రాజీనామా శపథం చేశారు. కొద్ది రోజుల క్రితం ఆయన స్పందిస్తూ.. ‘కేంద్రం తీసుకువచ్చిన చట్టాల్లో చాలా సవరణలు చేయాల్సిన అవసరం ఉంది. దీనిపైనే కేంద్రానికి మేము కొన్ని సూచనలు చేశాం. మా ప్రతిపాదనలపై వారు సానుకూలంగా స్పందించారు.. రైతులకు కనీస మద్దతు ధర అందించలేనని నేను భావించిన రోజున నా పదవికి రాజీనామా చేస్తాను’ అని అన్నారు.

మరోవైపు, రైతులతో కేంద్ర మంత్రుల చర్చలు మరోసారి అసంతృప్తిగానే ముగిశాయి. జనవరి 4న మరోసారి భేటీ కావాలని నిర్ణయించారు. అయితే.. చర్చలు సుహృద్భావ వాతావరణంలో సాగాయని వ్యవసాయ మంత్రి నరేంద్ర సింగ్ తోమర్ పేర్కొన్నారు. రెండు అంశాలపై ఏకాభిప్రాయం కుదిరిందని వ్యవసాయ మంత్రి తోమర్ తెలిపారు. పర్యావరణ ఆర్డినెన్స్‌, విద్యుత్‌ రాయితీల విషయంలో రైతుల అభ్యంతరాలను పరిగణనలోకి తీసుకున్నట్టు చెప్పారు.

LEAVE A REPLY

Please enter your comment!
Please enter your name here