man push girl friend: గర్ల్‌ఫ్రెండ్‌ను రన్నింగ్ ట్రైన్ కిందకి తోసేసిన ప్రియుడు.. షాకింగ్ వీడియో – man pushes his girl friend into a running local train in mumbai

0
17


ప్రధానాంశాలు:

  • పెళ్లికి ఒప్పుకోలేదని ప్రియురాల్ని చంపేందుకు యత్నం
  • ముంబయిలో లోకల్ ట్రైన్ కిందకు తోస్తూ..
  • త్రుటిలో తప్పించుకున్న యువతి

పెళ్లికి ఒప్పుకోలేదని స్నేహితురాలిని చంపే ప్రయత్నం చేశాడో యువకుడు. లోకల్ ట్రైన్ ఫ్లాట్ఫామ్పై ఆమెను రైలు కిందకి నెట్టే ప్రయత్నం చేశాడు. ఫ్లాట్ ఫారంపై ఉన్న స్థానికులు చూసి అక్కడికి రావడంతో నిందితుడు ఆ ప్రయత్నాన్ని ఆపేసి పరారయ్యాడు. ఈ క్రమంలో ఆ యువతి తీవ్రంగా గాయపడింది. ఈ తతంగం మొత్తం సీసీటీవీ కెమెరాలో రికార్డు అయింది. ముంబయిలో ఈ ఘటన జరిగింది. వివరాల్లోకి వెళితే…

బాధిత యువతికి నిందితుడు రెండేళ్లుగా స్నేహితుడు. ఇద్దరు ఒకే ఆఫీసులో పనిచేస్తారు. గత కొంత కాలంగా నిందితుడు మద్యానికి బానిసయ్యాడు. ఈ విషయం తెలుసుకున్న యువతి అతన్ని దూరం పెట్టింది. యువకుడు ఆమెను తరచు కలుస్తూ వేధించడం మొదలుపెట్టాడు. ప్రతిరోజు అతని వేధింపులు భరించలేక యువతి పోలీసులకు ఫిర్యాదు చేసింది. అయినా యువకుడు హింసించడం ఆపలేదు. ఈ నేపథ్యంలో శుక్రవారం సాయంత్రం నిందితుడు యువతిని వెంబడించాడు. యువతితో పాటు అంధేరీ రైల్వేస్టేషన్‌లో లోకల్ ట్రైన్ ఎక్కాడు. ఓ రైల్వే స్టేషన్‌లో దిగాక పెళ్లి చేసుకోవాలని యువతిని అక్కడే అడిగాడు. బాధితురాలు నిరాకరించడం వల్ల ఎదురుగా వస్తున్న రైలు కింద పడి ఆత్మహత్య చేసుకోవడానికి పరుగులు పెట్టాడు. ఇంతలో ఒక్కసారిగా వెనక్కి వచ్చి యువతిని రైలు కిందికి నెట్టడానికి ప్రయత్నించాడు.

యువతి గట్టి గట్టిగా కేకలు వేయడంతో స్థానికులు సంఘటన స్థలానికి చేరుకున్నారు. ఈ ఘటనలో తీవ్రంగా గాయపడిన బాధితురాలిని స్థానికులు ఆసుపత్రికి తరలించారు. ఈ ఘటనకు సంబంధించిన దృశ్యాలు అక్కడ ఉన్న సీసీటీవీ కెమెరాల్లో రికార్డు అయ్యాయి. సమాచారం అందుకున్న పోలీసులు వెంటనే అక్కడ ఉన్న సీసీటీవీ కెమెరాలు పరిశీలించి కేసు నమోదు చేసుకున్నారు. నిందితుడిని సుమేద్జాదవ్‌గా పోలీసులు గుర్తించారు. అతణ్ని అరెస్టు చేసి రిమాండుకు తరలించారు.

వీడియో: గర్ల్‌ఫ్రెండ్‌ను రన్నింగ్ ట్రైన్ ముందుకు నెట్టేసిన ప్రియుడు.. షాకింగ్ వీడియో

LEAVE A REPLY

Please enter your comment!
Please enter your name here