Mamata Banerjee: మహిళలకు నచ్చినవారితో సంబంధం పెట్టుకునే అవకాశమిస్తా.. సీఎం మమత షాకింగ్ కామెంట్స్ – i allow housewives to have extra-marital affair with man of their choice, old video of mamata banerjee speech goes viral

0
20


శ్చిమ బెంగాల్ ముఖ్యమంత్రి మమతా బెనర్జీ గతంలో చేసిన సంచలన వ్యాఖ్యలకు సంబంధించిన వీడియో ఒకటి మళ్లీ వైరల్ అవుతోంది. గృహిణులకు తమకు నచ్చిన వ్యక్తులతో వివాహేతర సంబంధం పెట్టుకోవడానికి తాను అనుమతిస్తానని ఆ వీడియో క్లిప్‌లో ఆమె పేర్కొన్నారు. ‘ఐ యామ్ సో ఫ్లెక్సిబుల్’ అంటూ ఆమె తన వ్యాఖ్యలను సమర్థించుకున్నారు. నచ్చినట్లు చేయడానికి తాను అనుమతిస్తాననే సంకేతాలు ఇచ్చారు.

2019 మే 17న జరిగిన ఓ బహిరంగ సభలో బెంగాలీలో మాట్లాడిన మమతా బెనర్జీ పైవిధంగా వ్యాఖ్యలు చేశారు. అందుకు సంబంధించిన వీడియో క్లిప్పింగ్‌ను ట్విటర్‌లో పోస్టు చేయగా నాడు వైరల్ అయింది. తాజాగా ఈ వీడియోను చయన్ ఛటర్జీ అనే ట్విటర్ యూజర్ శుక్రవారం (జనవరి 22) మరోసారి పోస్టు చేశారు. దీంతో ఇది మళ్లీ వైరల్ అవుతోంది.

టీవీ సీరియళ్లలో ఆ సంబంధాలేమిటి?
అయితే.. మమతా బెనర్జీ ఏ సందర్భంగా ఇలాంటి వ్యాఖ్యలు చేయాల్సి వచ్చిందనే విషయం తెలియరాలేదు. అంతకుముందు 2018లో కేబుల్ టీవీ ఆపరేటర్లకు సంబంధించిన ఓ సమావేశంలో మాట్లాడిన మమతా బెనర్జీ ఇందుకు పూర్తి విరుద్ధమైన వ్యాఖ్యలు చేశారు. బెంగాల్ టీవీ సీరియల్స్ మేకర్స్ అభ్యంతరకరమైన అంశాలపై కథలను ఎంచుకుంటున్నారని ఆగ్రహం వ్యక్తం చేశారు.

‘ప్రస్తుతం ప్రసారం అవుతున్న కొన్ని టీవీ సీరియళ్లు బెంగాల్ విలువలకు తలొంపులు తెచ్చేవిధంగా ఉన్నాయి. ఆ టీవీ సీరియళ్లలో ట్రెండ్ ఎలా ఉందంటే.. ఒక వ్యక్తికి తన తండ్రి ఎవరో తెలియదు. అతడి తల్లికి అంతమందితో సంబంధం ఉంది. ఒకే వ్యక్తికి ఎక్కువ మంది భార్యలు ఉండటం మరో ట్రెండ్. ఇలాంటి సీరియళ్లు సమాజం మీద.. ముఖ్యంగా యువత మీద చెడు ప్రభావం చూపుతున్నాయి. విలువలతో కూడిన కథాంశాలతో సీరియళ్లు తీయాల్సిన అవసరం ఉంది’ అని మమతా బెనర్జీ అన్నారు.

LEAVE A REPLY

Please enter your comment!
Please enter your name here