Mahesh Babu: Uppena: ‘ఉప్పెన’పై మహేష్ బాబు ప్రశంసలు.. ఒక్క మాటలో చెప్పిన సూపర్ స్టార్ – mahesh babu praises vaisshnav tej, krithi shetty starrer uppena

0
22


ప్రధానాంశాలు:

  • ‘ఉప్పెన’ను క్లాసిక్ అన్న మహేష్ బాబు
  • ‘ఉప్పెన’కు దేవిశ్రీ ప్రసాద్ హార్ట్ అంటూ ప్రశంస
  • సుకుమార్‌కు హ్యాట్సాఫ్ అంటూ ట్వీట్ చేసిన సూపర్ స్టార్

పంజా వైష్ణవ్ తేజ్, కృతిశెట్టి హీరోహీరోయిన్లుగా.. బుచ్చిబాబు సానా దర్శకుడిగా పరిచయమైన చిత్రం ‘ఉప్పెన’. అద్భుత విజయాన్ని అందుకున్న ఈ సినిమాపై ఇప్పటికే చాలా మంది సినీ ప్రముఖులు ప్రశంసల వర్షం కురిపించారు. ఇప్పుడు వారి జాబితాలో సూపర్ స్టార్ మహేష్ బాబు కూడా చేరారు. తాజాగా ‘ఉప్పెన’ సినిమాను వీక్షించిన మహేష్ బాబు.. సినిమా చాలా బాగుంది అని కొనియాడారు. ఈ మేరకు ట్విట్టర్ ద్వారా ఆయన స్పందించారు.

Chiranjeevi: ఉప్పెనంత ప్రశంస.. చిరంజీవి మాటకు ఉప్పొంగిపోతున్న కృతిశెట్టి
‘‘ఉప్పెన.. ఒక్క మాటలో చెప్పాలంటే క్లాసిక్! బుచ్చిబాబు సానా.. మీరు కలకాలం గుర్తుండిపోయే అరుదైన చిత్రాన్ని రూపొందించారు. మిమ్మల్ని చూస్తుంటే చాలా గర్వంగా ఉంది. ఉప్పెనకు హార్ట్ దేవిశ్రీ ప్రసాద్. ఈ సినిమా ఆల్‌టైమ్ గ్రేట్ మ్యూజిక్ స్కోర్స్‌లో ఒకటిగా గుర్తుండిపోతుంది. ఇప్పటి వరకు నువ్వు అందించిన సంగీతంలో ఇది అత్యుత్తమం డీఎస్పీ. ఇలానే మంచి మ్యూజిక్ అందిస్తూ ఉండండి.

ఇద్దరు కొత్తవాళ్ల వైష్ణవ్ తేజ్, కృతిశెట్టి అద్భుత నటన నా మనసును హత్తుకుంది. మీరు స్టార్స్. ఇక చివరిగా ఉప్పెన లాంటి సినిమాను నిర్మించిన సుకుమార్ గారికి, మైత్రీ మూవీ మేకర్స్‌కి హ్యాట్సాఫ్. నేను చెప్పినట్టుగా ఇది కలకాలం గుర్తుండిపోయే సినిమాల్లో ఒకటి. మీ అందరినీ చూసి నాకు చాలా గర్వంగా ఉంది’’ అని మహేష్ బాబు తన ట్వీట్స్‌లో పేర్కొన్నారు.

మహేష్ బాబు ట్వీట్‌కు రాక్‌స్టార్ దేవిశ్రీ ప్రసాద్ స్పందించారు. తనపై కురిపించిన ప్రేమకు, ప్రశంసకు దేవిశ్రీ ఉప్పొంగిపోయారు. ‘థాంక్ యు ఎ మిలియన్ టైమ్స్ డియరెస్ట్ సూపర్ స్టార్ మహేష్ బాబు సార్’ అని ట్వీట్ చేశారు. ‘నేనెప్పుడూ చెప్పినట్టుగానే, ప్రేమతో కూడిన వెలకట్టలేని మాటలు చెప్పే సూపర్ స్టార్ హార్ట్ మీ సొంతం. మిమ్మల్ని ఎప్పటికీ ప్రేమిస్తూనే ఉంటాను సార్’ అని దేవిశ్రీ పేర్కొన్నారు. మొత్తం మీద ఇండస్ట్రీలో ఉన్న బిగ్ స్టార్స్ అంతా ‘ఉప్పెన’పై ప్రశంసల వర్షం కురిపిస్తుండటంతో ఈ సినిమా స్థాయి మరింత పెరిగింది.

LEAVE A REPLY

Please enter your comment!
Please enter your name here