maharashra lockdown: మాస్క్‌ లేకపోతే రూ.200 ఫైన్‌.. అమరావతిలో వీకెండ్ లాక్‌డౌన్ – maharashtra covid-19: lockdown in amravati, new guidelines in mumbai

0
20


ప్రధానాంశాలు:

  • మహారాష్ట్రలో మళ్లీ కొవిడ్ పంజా..
  • కొవిడ్19 కొత్త మార్గదర్శకాలు విడుదల చేసిన ముంబై కార్పొరేషన్.
  • అమరావతి, యావత్మల్ జిల్లాల్లో వీకెండ్ లాక్‌డౌన్.

హారాష్ట్రలో కరోనా వైరస్ మళ్లీ పంజా విసురుతోంది. కేసులు అంతకంతకూ పెరుగుతున్నాయి. దీంతో ఉద్ధవ్ ఠాక్రే ప్రభుత్వం చర్యలకు ఉపక్రమించింది. వైరస్ ప్రభావం ఎక్కువగా ఉన్న ప్రాంతాల్లో కఠిన ఆంక్షలు విధించింది. బృహన్‌ ముంబై కార్పొరేషన్‌ (బీఎంసీ) గురువారం (ఫిబ్రవరి 18) కొత్త మార్గదర్శకాలు జారీ చేసింది. ముంబై నగరంలో బహిరంగ ప్రదేశాల్లో మాస్క్‌ ధరించకపోతే రూ.200 జరిమానా విధిస్తామని హెచ్చరించింది.

స్థానిక బస్సులు, లోకల్‌ రైళ్లలో ప్రయాణించేవారితో పాటు పని ప్రదేశాల్లోనూ తప్పనిసరిగా మాస్కులు ధరించాలని ఆదేశాల్లో పేర్కొన్నారు. ఈ నిబంధనలు ఉల్లంఘించిన వారికి అప్పటికప్పుడు జరిమానా విధించి వసూలు చేస్తామని స్పష్టం చేసింది. ఆంక్షల అమలు విషయంలో అధికారులు, సిబ్బంది కఠినంగా వ్యవహరించాలని పేర్కొంది.

కరోనా కేసుల తీవ్రత ఎక్కువగా ఉన్న అమరావతి, యావత్మల్‌ జిల్లాల్లో కఠిన ఆంక్షలు అమలు చేస్తున్నారు. వారాంతాల్లో పూర్తి లాక్‌డౌన్‌ విధించనున్నట్లు అధికారులు తెలిపారు. శనివారం రాత్రి 8 గంటల నుంచి సోమవారం ఉదయం 7 గంటల వరకు కర్ఫ్యూ అమల్లో ఉంటుందని పేర్కొన్నారు.

మహారాష్ట్రతో పాటు అటు కేరళలోనూ కరోనా పాజిటివ్ కేసులు పెరుగుతున్నాయి. ఈ రెండు రాష్ట్రాల నుంచి దేశంలోని ఇతర ప్రాంతాలకు వెళ్లే వారికి కేంద్ర ప్రభుత్వం కొన్ని మార్గదర్శకాలు విడుదల చేసింది. కరోనా నెగటివ్ రిపోర్టు సమర్పిస్తేనే ప్రయాణానికి అనుమతి ఇస్తారు.

LEAVE A REPLY

Please enter your comment!
Please enter your name here