LPG gas price: వంట గ్యాస్ ధరల షాక్ నుంచి త్వరలో బిగ్ రిలీఫ్.. మోదీ గుడ్ న్యూస్ – pm narendra modi says india committed to bring natural gas under gst, lpg cylinder price may down

0
22


పెట్రోలు, డీజిల్ ధరల పెరుగుదలతో కుదేలవుతున్న సామాన్యుడికి వంట గ్యాస్ ధరల పెంపు గుదిబండలా మారింది. పన్ను భారాలతో గత మూడు నెలలుగా ఎల్పీజీ గ్యాస్ ధర పెరుగుతూనే ఉంది. దీనికి తోడు సబ్సిడీగా అందిస్తున్న మొత్తాన్ని భారీగా తగ్గించారు. అది ఎంత పడుతుందో? ఏ బ్యాంక్ ఖాతాలో వేస్తున్నారో అర్థంకాని గందరగోళ పరిస్థితి ఉంది. దీంతో మధ్యతరగతి వారు, సామాన్యుల్లో రోజురోజుకూ అసహనం పెరుగుతోంది. ఇలాంటి తరుణంలో ప్రధాని నరేంద్ర మోదీ శుభవార్త అందించారు.

సహజ వాయువును జీఎస్టీ పరిధిలోకి తీసుకొస్తామని ప్రధాని మోదీ ప్రకటించారు. తద్వారా ఇంధన ధరలు సామాన్యులకు అందుబాటులో ఉంటాయని, దేశవ్యాప్తంగా ధరలు ఒకేలా ఉండేందుకు వీలు కలుగుతుందని ప్రధాని వెల్లడించారు. తమిళనాడులో రామనాథపురం-తూత్తుకుడి నేచురల్‌ గ్యాస్‌ పైప్‌లైన్‌ను, గ్యాసోలిన్‌ డీ-సల్ఫరైజేషన్‌ యూనిట్‌ను ప్రధాని మోదీ బుధవారం (ఫిబ్రవరి 17) జాతికి అంకితం చేశారు. రూ.31,500 కోట్లతో సీపీసీఎల్‌ నిర్మించే గ్రాస్‌ రూట్‌ రిఫైనరీకి శంకుస్థాపన చేశారు. వీడియో కాన్ఫరెన్స్‌ ద్వారా జరిగిన ఈ కార్యక్రమంలో మోదీ ప్రసంగిస్తూ.. ఎల్పీజీ ధరల గురించి ప్రస్తావించారు.

ఇంధన ధరల పెరుగుదల పాపం గత ప్రభుత్వాలదేనని ప్రధాని మోదీ పరోక్షంగా విమర్శించారు. ‘2019-2020లో భారత్ దేశీయ అవసరాల కోసం 85% చమురు నిల్వను, 53% గ్యాస్‌ను దిగుమతి చేసుకుంది. ఈ పరిస్థితికి కారణమైన వారిని నిందించదలుచుకోలేదు. కానీ, వీటిపై ఎప్పుడో (ఏళ్ల కిందటే) దృష్టి పెట్టాల్సింది. మధ్య తరగతికి ఇప్పుడు భారంగా మారి ఉండేది కాదు’ అని ప్రధాని మోదీ అన్నారు.

2030 నాటికి భారత్‌ తన ఇంధన అవసరాల్లో 40 శాతం పునరుత్పాదక వనరుల ద్వారా సమకూర్చుకుంటుందని మోదీ పేర్కొన్నారు. ‘సహజ వాయువును జీఎస్టీలోకి తీసుకొచ్చేందుకు భారత్‌ కట్టుబడి ఉంది. భారత ఇంధన రంగంలో పెట్టుబడులకు ప్రపంచ ఇన్వెస్టర్లను స్వాగతిస్తున్నాం..’ అని మోదీ ప్రకటించారు.

ప్రస్తుతం సహజ వాయువు జీఎస్టీ పరిధిలో లేదు. దీంతో దీనిపై కేంద్ర ఎక్సైజ్‌ డ్యూటీ, రాష్ట్రాల వ్యాట్‌, సెంట్రల్‌ సేల్స్‌ ట్యాక్స్‌ లాంటి పలు పన్నులు విధిస్తున్నారు. ఇవన్నీ కలిసి ఇంధన ధరలు సామాన్యులకు పెను భారంగా మారాయి.

Also Read:

తాగి దొరికారో.. ఉద్యోగం ఫట్, సీఎం హెచ్చరిక

నేపాల్, శ్రీలంకలోనూ బీజేపీ సర్కార్.. అమిత్ షా టార్గెట్ అదేనట, మైండ్ బ్లాంక్!

LEAVE A REPLY

Please enter your comment!
Please enter your name here