Krithi Shetty: కృతి శెట్టికి క్రేజీ ఆఫర్! హై రెమ్మ్యూనరేషన్.. యువ హీరోతో రొమాన్స్ చేసే ఛాన్స్ – krithi shetty selected as heroine in ram pothineni next project

0
45


ప్రధానాంశాలు:

  • ‘ఉప్పెన’ బ్యూటీగా కృతిశెట్టికి సూపర్ పాపులారిటీ
  • తలుపుతడుతున్న ఆఫర్స్
  • ఎనర్జిటిక్ స్టార్ రామ్‌తో నటించే అవకాశం‌

సినీ ఇండస్ట్రీలో ఎవరికి ఎప్పుడు ఎలాంటి అదృష్టం వెంటాడుతుందనేది ఊహించలేం. కొద్దిమంది స్టార్స్, డైరెక్టర్స్ కేవలం ఒకే ఒక్క సినిమాతో కెరీర్‌ని మలుపు తిప్పుకోవడం చూస్తుంటాం. అలాంటి వారి లిస్టులో చేరిపోయారు హీరో వైష్ణవ్ తేజ్, హీరోయిన్ కృతి శెట్టి, డైరెక్టర్ బుచ్చిబాబు సానా. ఒకే ఒక్క ‘ఉప్పెన’ ఈ ముగ్గురిని చాలా దూరం తీసుకెళ్లింది. ఎవరికివారు టాలెంటెడ్ పర్సన్స్ అని రుజువుచేసింది. ఇంకేముంది వాళ్లకు వరుసపెట్టి సూపర్ ఆఫర్స్ దక్కుతున్నాయి.

‘ఉప్పెన’ సినిమాలో హీరోయిన్‌గా నటించిన కృతి శెట్టి ఎలాంటి నటన కనబర్చిందనేది అందరికీ తెలుసు. రొమాంటిక్ సీన్స్, సెంటిమెంటల్ సీన్స్ ఇలా అన్ని కోణాల్లో ఆమె చూపించిన అభినయం, డైలాగ్ డెలివరీ తెలుగు ప్రేక్షకులను ఎంతగానో ఆకట్టుకున్నాయి. దీంతో కృతి శెట్టి డేట్స్ కోసం దర్శకనిర్మాతలు పోటీ పడుతున్నట్లు తెలుస్తోంది. ఈ నేపథ్యంలోనే ఆమెను ఎనర్జిటిక్ స్టార్ రామ్ హీరోగా రానున్న కొత్త సినిమాలో హీరోయిన్‌గా తీసుకున్నారనేది లేటెస్ట్ టాక్.

తమిళ దర్శకుడు లింగుస్వామి దర్శకత్వంలో రామ్ హీరోగా ఓ సినిమా రూపొందనుంది. హై బడ్జెట్ కేటాయించి భారీ నిర్మాణ విలువలతో ఈ సినిమా తెరకెక్కించాలని ప్లాన్ చేస్తున్నారు. ఊరమాస్ కథతో ప్రేక్షకులను మెప్పించేలా కథ రెడీ చేస్తున్నారట లింగుస్వామి. తెలుగు, తమిళ భాషల్లో ఏకకాలంలో రూపొందనున్న ఈ సినిమాలో రామ్ సరసన ‘ఉప్పెన’ బ్యూటీ కృతిశెట్టిని తీసుకున్నారట. ఇప్పటికే ఆమెతో సంప్రదింపులు పూర్తయ్యాయని, భారీ రెమ్మ్యూనరేషన్ కూడా ఆఫర్ చేశారని తెలుస్తోంది.
వారం రోజుల్లో రూ.70 కోట్లు: ఏంటీ ‘ఉప్పెన’.. మరో అరుదైన రికార్డ్
రామ్ కెరీర్‌లో 19వ సినిమాగా ఈ మూవీ విడుదల కానుంది. శ్రీనివాస సిల్వర్ స్క్రీన్ బ్యానర్‌పై శ్రీనివాస చిత్తూరి నిర్మిస్తున్న ఈ సినిమాలో రామ్‌ని డిఫరెంట్ షేడ్‌లో చూపించబోతున్నారట. అలాగే హీరోయిన్ రోల్‌కి కూడా ప్రాధాన్యత ఇస్తూ డిఫరెంట్‌గా ఉండేలా ప్లాన్ చేశారట మేకర్స్. సో.. ఇదే గనక నిజమైతే కెరీర్ ఆరంభంలోనే ‘ఉప్పెన’ సక్సెస్ అందుకున్న కృతిశెట్టికి ఇది క్రేజీ ఆఫర్ అనే చెప్పుకోవచ్చు.

LEAVE A REPLY

Please enter your comment!
Please enter your name here