krishnapatnam industrial corridor: కృష్ణపట్నం సహా 3 పారిశ్రామిక కారిడార్లు.. కేంద్ర కేబినెట్ కీలక నిర్ణయాలు – modi cabinet approves export of akash missile system, nods to 3 industrial corridors

0
43


కేంద్ర మంత్రివర్గం పలు కీలక నిర్ణయాలు తీసుకుంది. బుధవారం (డిసెంబర్ 30) ఢిల్లీలో జరిగిన మంత్రివర్గ సమావేశంలో 3 పారిశ్రామిక కారిడార్ల ఏర్పాటుకు గ్రీన్ సిగ్నల్ ఇచ్చారు. వీటితో పాటు ఆకాశ్ క్షిపణి వ్యవస్థ‌ (Akash Missile System) ఎగుమతికి కేంద్ర కేబినెట్‌ ఆమోదముద్ర వేసింది. ఏపీలోని కృష్ణపట్నం, కర్ణాటక తుముకూరులో పారిశ్రామిక కారిడార్‌, గ్రేటర్ నోయిడాలోని మల్టీ-మోడల్ లాజిస్టిక్స్ హబ్ & మల్టీ-మోడల్ ట్రాన్స్‌పోర్ట్ హబ్‌కు కేంద్ర మంత్రులు అనుమతి తెలిపారు. భారత్‌, భూటాన్‌ మధ్య శాంతి భద్రతలకు సంబంధించి ఎంవోయూకు కేంద్ర కేబినెట్‌ ఆమోదముద్ర వేసింది.

మూడు పారిశ్రామిక కారిడార్లకు కలిపి కేంద్ర ప్రభుత్వం రూ. 7,725 కోట్లు వెచ్చించనుందని మంత్రి ప్రకాశ్‌ జవదేకర్‌ తెలిపారు. కేబినెట్ భేటీ నిర్ణయాలను ఆయన మీడియాకు వెల్లడించారు. ఈ పారిశ్రామిక కారిడార్ల ద్వారా 2.8 లక్షల మందికి ఉపాధి లభిస్తుందని ఆయన చెప్పారు.

కృష్ణపట్నం ఇండస్ట్రియల్ కారిడార్ ప్రతిపాదిత వ్యయం రూ.2,139 కోట్లుగా ఉందని మంత్రి జవదేకర్ తెలిపారు. ఈ పారిశ్రామిక కారిడార్ ఏర్పాటు వల్ల పెద్ద ఎత్తున ఉపాధి అవకాశాల కల్పనతో పాటు, తయారీ రంగంలో పెట్టుబడుల ఆకర్షణకు అవకాశం ఉందని వెల్లడించారు. దీని ద్వారా లాజిస్టిక్ ఖర్చు తగ్గుతుందని, నిర్వహణ సామర్థ్యం పెరుగుతుందని తెలిపారు.

Kashmir: చివరి నిమిషంలో ఉగ్రవాది పశ్చాత్తాపం.. తండ్రికి ఫోన్ చేసి!

LEAVE A REPLY

Please enter your comment!
Please enter your name here