Krishna Vamsi: 11 రోజులు పని చేశా.. పైసా ఇవ్వలేదు: కృష్ణవంశీని వాడు వీడు అంటూ డాన్స్ మాస్టర్ వ్యాఖ్యలు – rakesh master fires on krishna vamsi, says the director is egoist

0
23


ప్రధానాంశాలు:

  • ‘చక్రం’లో జగమంత కుటుంబం పాటకు కొరియోగ్రఫీ చేశానన్న రాకేష్
  • 11 రోజులు పనిచేయించుకుని డబ్బులు ఇవ్వలేదన్న మాస్టర్
  • కృష్ణవంశీని వాడు వీడు అంటూ వ్యాఖ్యలు

క్రియేటివ్ డైరెక్టర్ కృష్ణవంశీకి చాలా మంది అభిమానులు ఉన్నారు. ఆయన తీసే సినిమాలు వైవిధ్యంగా ఉంటాయి. సినిమా తీసేటప్పుడు ప్రతి చిన్న విషయానికి ఆయన ప్రాధాన్యత ఇస్తుంటారు. అలాగే, పాటల చిత్రీకరణలోనూ తన ప్రత్యేకత చూపుతుంటారు. పాటల చిత్రీకరణ పూర్తిగా కొరియోగ్రాఫర్లకు వదిలేయకుండా తనకు కూడా ఇన్వాల్వ్ అవుతూ ఉంటారు. పాట కొరియోగ్రఫీ కూడా కథను అనుగుణంగా ఉండాలని ఆయన అంటుంటారు. ఆయతే కృష్ణవంశీ వర్కింగ్ స్టైల్‌ను ఇష్టపడని కొరియోగ్రాఫర్ రాకేష్ మాస్టర్ ఆయనపై అనుచిత వ్యాఖ్యలు చేశారు.

కృష్ణవంశీ దర్శకత్వం వహించిన ‘చక్రం’ సినిమాకు తాను పనిచేశానని.. ఆ సమయంలో కృష్ణవంశీ ప్రవర్తన తనకు నచ్చలేదని రాకేష్ మాస్టర్ గతంలో చాలా సార్లు చెప్పారు. పాట చేయించుకుని తనకు చిల్లి గవ్వ కూడా ఇవ్వలేదని అరోపించారు. ఈ ఘటనపై మరోసారి స్పందించారు. తాజాగా ఓ యూట్యూబ్ ఛానెల్‌కు ఇచ్చిన ఇంటర్వ్యూలో రాకేష్ మాస్టర్ మాట్లాడుతూ కృష్ణవంశీని వాడు, వీడు అంటూ అమరాద్యగా మాట్లాడారు. కొరియోగ్రాఫర్లు అంటే కృష్ణవంశీకి చిన్నచూపు అని వ్యాఖ్యానించారు.

Rakesh Master

రాకేష్ మాస్టర్

‘‘కృష్ణవంశీకి నాకు గొడవైంది. వాడికి ఇగో.. నాకు ఇగో. లోపలే.. నా కొడక నీ కథ నేను చూసుకుంటాను అన్న. అది మీడియాలో వచ్చేయడంతో అందరికీ తెలిసింది. వాడికి ఏంటంటే.. నేనే బాస్ అనే ఫీలింగ్. నీకు నువ్వు బాస్ అయితే.. డాన్స్ మాస్టర్‌గా నాకు నేను బాస్. నువ్వు చెప్పిందానికి.. నువ్వు అడిగినదానికి సమాధానం చెప్పకపోతే తప్పు. నాకు ఒక యాంగిల్ నచ్చింది. వాడికి ఒక యాంగిల్ నచ్చింది. నాకు నచ్చింది నేను చేస్తా.. నీకు నచ్చింది నువ్వు చేసుకో అన్నాను.

‘నన్ను నీలో కలుపుకో శివయ్యా’ అంటూ కరాటే కళ్యాణి షాకింగ్ పోస్ట్.. ఐశ్వర్యము తిరిగి ఇచ్చేస్తున్నా అంటూ
చక్రం సినిమాలో జగమంత కుటుంబం నాది పాటకు కొరియోగ్రఫీ చేశాను. ఛూం మంత్రం భూం మంత్రం అల్లావుద్దీన్ అద్భుత దీపం అంటూ వచ్చే చోట నుంచి పాటను స్టార్ట్ చేశాం. ఎల్టీ నగర్ అవతల సహారలో 11 రోజులు చేశాం. వాడూ.. వాడి స్టైలు.. ఆ సిగరెట్.. అందరూ నా మాట వినాలి, నా చెప్పుచేతల్లో ఉండాలి అనే టైపు. నేను ఉండను.. అస్సలు ఉండను. నేనొక తెల్లటి గాజు గ్లాసు లాంటి వాడిని. ఆ గ్లాసులో ఏ రంగు పోస్తే ఆ రంగులో కనిపిస్తా. నేను ఒకే రంగుకి పరిమితం కాను. 11 రోజులు ఆ పాట చేశాం. వాడుకున్నాడు కానీ డబ్బులు కూడా ఇవ్వలేదు’’ అని రాకేష్ మాస్టర్ చెప్పుకొచ్చారు.

సక్సెస్ లేకుంటే మాత్రం.. ఆ విషయంలో తగ్గేదే లేదంటున్న రకుల్! గోల్డెన్ ఛాన్స్ పట్టేసిన బ్యూటీ
తాను నాగార్జున, మహేష్ బాబు వంటి స్టార్ హీరోలతో పనిచేశానని.. అంత పెద్ద వాళ్లతోనూ తనకెప్పుడూ ఎలాంటి విభేదాలు రాలేదని రాకేష్ మాస్టర్ అన్నారు. నాగార్జునతో ‘సీతారామరాజు’ సినిమాకు పనిచేశానని.. అలాగే మహేష్ బాబు ‘యువరాజు’ సినిమాలో పాటలకు కొరియోగ్రఫీ అందించానని రాకేష్ మాస్టర్ వెల్లడించారు.

LEAVE A REPLY

Please enter your comment!
Please enter your name here