Krack Hindi Remake: ‘క్రాక్’ హిందీ రీమేక్.. హీరోగా సోనూ సూద్! – sonu sood reportedly to do hindi remake of ravi teja krack

0
30


ప్రముఖ నటుడు సోనూ సూద్ తన సామాజిక సేవతో దేశ వ్యాప్తంగా విపరీతమైన పాపులారిటీని సంపాదించుకున్నారు. నటుడిగా ఇప్పటికే తనకంటూ ప్రత్యేక గుర్తింపు సంపాదించుకున్న సోనూ.. లాక్‌డౌన్ సమయంలో, ఆ తరవాత చేసిన సేవతో రియల్ హీరో అనిపించుకున్నారు. ఇప్పటి వరకు అన్ని సినిమా ఇండస్ట్రీలో విలన్‌గా మెప్పించిన సోనూ సూద్‌ను హీరోగా సినిమాలు చేయాలని ఆయన ఫ్యాన్స్ కోరుతున్నారు. అంతేకాదు, ప్రస్తుతం సోనూ సూద్‌కు ఉన్న క్రేజ్ వల్ల ఆయన్ను హీరోగా పరిచయం చేయడానికి నిర్మాతలు ముందుకొస్తు్న్నారట.

సోనూ సూద్ కూడా హీరోగా సినిమాలు చేయడానికి సిద్ధంగానే ఉన్నారని ఆయన సన్నిహితులు చెబుతున్నారు. అయితే, తాను హీరోగా పరిచయం కావడానికి మంచి స్క్రిప్ట్ కోసం వేచి చూస్తున్నారట. ఈ క్రమంలో ఆయనకు మాస్ మహారాజా రవితేజ ‘క్రాక్’ సినిమా బాగా నచ్చిందని అంటున్నారు. అందుకే, ‘క్రాక్’ను హిందీలో రీమేక్ చేయాలని ఆయన భావిస్తున్నట్టు వదంతులు వినిపిస్తున్నాయి. నిజానికి ‘క్రాక్’లో రవితేజ పోషించిన పోలీస్ పాత్ర సోనూ సూద్‌కు కరెక్ట్‌గా సరిపోతుంది. సోనూలోని కామెడీ టైమింగ్ కూడా సినిమాకు ప్లస్ అవుతుందనడంలో ఎలాంటి సందేహం లేదు.

KRACK: నా ఆల్ టైమ్ ఫేవరేట్ రవితేజ.. ‘క్రాక్’పై మనసు పారేసుకున్న నిహారిక
ఇంకో ఆసక్తికర విషయం ఏంటంటే.. ఈ సినిమాను సోనూ సూద్ స్వయంగా నిర్మించబోతున్నారట. హిందీ రీమేక్ రైట్స్ కోసం ఇప్పటికే నిర్మాత బి.మధును సోనూ సూద్ సంప్రదించారని.. ప్రస్తుతం వారిద్దరి మధ్య బేరసారాలు జరుగుతున్నాయని టాక్. మరి ఈ వార్త నిజమే అయితే హీరోగా సోనూ సూద్ తొలి హిందీ చిత్రం ‘క్రాక్’ రీమేక్ అవుతుంది. అధికారిక ప్రకటన వస్తే కానీ ఈ వార్తలో నిజమెంతో చెప్పలేం. కాగా, సోనూ సూద్ తెలుగులో తాజాగా ‘అల్లుడు అదుర్స్’ సినిమాలో కనిపించారు. ప్రస్తుతం ‘ఆచార్య’ సినిమాలో నటిస్తున్నారు. ఇది కాకుండా ఇంకా ఆయన చేతిలో రెండు మూడు సినిమాలు ఉన్నట్టు సమాచారం.

LEAVE A REPLY

Please enter your comment!
Please enter your name here