Kamala Harris purple suit: ప్రమాణస్వీకారం వేళ ఊదా రంగు సూట్, ముత్యాల హారం ధరించిన కమలా.. కారణం ఇదే – why vice president kamala harris’ royal purple inauguration day in a historic moment

0
33


అగ్రరాజ్యం అమెరికాలో కొత్త చరిత్ర మొదలయ్యింది. అమెరికా 46వ అధ్యక్షుడిగా డెమొక్రాటిక్ నేత జో బైడెన్, ఉపాధ్యక్షరాలిగా కమలా హ్యారిస్ బుధవారం (జనవరి 30న) బాధత్యలు చేపట్టారు. దీంతో అమెరికా ఉపాధ్యక్ష పదవి చేపట్టిన తొలి మహిళగా, నల్లజాతీయురాలిగా, దక్షణాసియా సంతతి వ్యక్తిగా కమలా చరిత్ర సృష్టించారు. అధ్యక్షుడిగా జో బైడెన్ బాధ్యతలు చేపట్టే కొద్ది నిమిషాల ముందు ఉపాధ్యక్షురాలిగా కమల ప్రమాణస్వీకారం చేశారు. సుప్రీంకోర్టు న్యాయమూర్తి సోనియా సోటోమేయర్.. కమల చేత ప్రమాణం చేయించారు. అంతకుముందు.. తన తల్లిని గుర్తు చేసుకుంటూ ఓ ట్వీట్ చేసిన కమలా.. తాను ఈ స్థితిలో ఉండటానికి కారణం తన తల్లి అని పేర్కొన్నారు.

అయితే, ప్రమాణస్వీకారం రోజున భారత సాంప్రదాయాన్ని గౌరవిస్తూ ఆమె చీర ధరిస్తారని చాలా మంది భావించారు. దీనిపై పెద్ద చర్చే జరిగింది. కానీ.. ఆమె పర్పుల్ కలర్ సూట్ ధరించి ఈ కార్యక్రమానికి హాజరయ్యారు. అయితే, ఆ డ్రెస్ ధరించడం వెనుక ఓ కారణం ఉందట. దశాబ్దాల కిందట షిర్లే క్రిషోల్మ్ అనే నల్లజాతీయురాలు అధ్యక్ష పదవికి పోటీ చేశారు.

మహిళల ఓటు హక్కు కోసం పోరాటం, కాంగ్రెస్‌కు ఎన్నికైన మొట్టమొదటి నల్లజాతి మహిళ, అధ్యక్ష పదవికి పోటీ చేసిన తొలి నల్లజాతి మహిళ అయిన షిర్లీ క్రిషోల్మ్‌ తన రాజకీయ జీవితానికి స్ఫూర్తి అని కమలా హ్యారిస్ ఎన్నికల ప్రచారంలో పేర్కొన్నారు. అందుకే, షిర్లేకు గుర్తుగా కమలా ఈ పర్పుల్ కలర్ దుస్తులను ధరించారు. అలాగే పర్పుల్ సాంప్రదాయకంగా అమెరికాలో ద్వైపాక్షికతకు చిహ్నంగా భావిస్తారు.. డెమొక్రాటిక్ పార్టీ రంగు నీలం, రిపబ్లికన్ పార్టీ రంగు ఎరుపు కలయిక ఇది.

మాజీ ప్రథమ మహిళలు హిల్లరీ క్లింటన్, మిచెల్ ఒబామా కూడా కమలాతో పాటు ఊదా రంగు దుస్తులు ధరించారు. దేశవ్యాప్తంగా వేలాది మంది మహిళలు ముత్యాల హారాలను మెడలో ధరించి కమలాకు మద్దతు తెలిపారు. ఇక, కోవిడ్ కారణంగా భారత్ నుంచి కమలా కుటుంబసభ్యులు ఎవరూ ఈ కార్యక్రమానికి హాజరుకాలేదు. కమలా సోదరి మాయ, మేనకోడలు మీనా, అమరా, లీలా, భర్త డగ్ ఎంహాఫ్, అతడి కుమారులు కోల్, ఎల్లా తదితరులు హాజరయ్యారు.

కమలా హ్యారిస్ తల్లి భారత సంతతికి చెందినవారు కాగా.. తండ్రి జమైకన్. ఏడేళ్ల వయసులోనే తల్లిదండ్రులు విడిపోవడంతో తల్లి పెంపకంలోనే పెరిగారు. చదువుల్లో రానించిన కమల.. ఆఫ్రికన్‌-అమెరికన్‌ సంతతి విద్యార్థులు ఎక్కువగా చదివే హొవార్డ్‌ యూనివర్సిటీలో చేరారు. కాలిఫోర్నియోలోని హేస్టింగ్స్‌ లా కాలేజీ నుంచి న్యాయశాస్త్రాన్ని అభ్యసించి, అక్కడ బ్లాక్‌ లా స్ట్టూడెంట్స్‌ అసోసియేషన్‌కు అధ్యక్షురాలిగా వ్యవహరించారు. 1990లో కాలిఫోర్నియాలో న్యాయవాదిగా పేరు నమోదు చేసుకొని వృత్తిని ప్రారంభించారు.

LEAVE A REPLY

Please enter your comment!
Please enter your name here