Kamal Nath cousin murder: మాజీ సీఎం కమల్‌నాథ్ సోదరుడు, మరదలు దారుణ హత్య – congress leader kamal nath’s cousin, wife found murdered in greater noida house

మధ్యప్రదేశ్ మాజీ ముఖ్యమంత్రి, కాంగ్రెస్ సీనియర్ నేత కమల్‌నాథ్ సోదరుడు (కజిన్ బ్రదర్) నరేంద్రనాథ్ (70), ఆయన భార్య సుమన్ (65) దారుణ హత్యకు గురయ్యారు. ఉత్తర్ ప్రదేశ్‌లోని గ్రేటర్ నోయిడాలో జరిగిన ఈ దారుణం ఆలస్యంగా వెలుగులోకి వచ్చింది. నరేంద్రనాథ్ మృతదేహాన్ని శుక్రవారం (ఫిబ్రవరి 5) ఉదయం ఆయన ఇంటి బేస్‌మెంట్‌లో బట్టల కుప్పలో గుర్తించారు. సుమన్ తొలి అంతస్తులోని హాలులో విగతజీవిగా పడిఉన్నారు.

నరేంద్రనాథ్‌ నోట్లో గుడ్డలు కుక్కి, కట్టిపడేసి గొంతు నులిమి హత్య చేసినట్లు ఆయన మృతదేహంపై ఉన్న గాయాలను బట్టి తెలుస్తోంది. ఆయన భార్యపైనా దాడి చేసి ఆపై ఛాతీపై కాల్చి చంపారు. పోలీసులు కేసు నమోదు చేసుకొని దర్యాప్తు చేస్తున్నారు. స్థానికంగా ఈ ఘటన సంచలనంగా మారింది. ఇంత దారుణానికి ఒడిగట్టిన వారు ఎవరై ఉంటారని స్థానికులు చర్చించుకుంటున్నారు.