Jr. NTR: RRR సెట్‌లో రామ్ చరణ్, ఎన్టీఆర్ అలా..! మెగా, నందమూరి అభిమానులకు జక్కన్నస్పెషల్ ట్రీట్ – jr ntr and ram charan practice sessions for rrr movie

0
24


ప్రధానాంశాలు:

  • డీవీవీ దానయ్య సమర్పణలో రాబోతున్న భారీ మూవీ RRR
  • మెగా, నందమూరి అభిమానులకు జక్కన్న స్పెషల్ ట్రీట్
  • సెట్స్ మీద రామ్ చరణ్, ఎన్టీఆర్ ప్రాక్టీస్ సెషన్

RRR ప్రారంభానికి ముందు నుంచే సినిమాపై హైప్ తీసుకొస్తూ పలు అప్‌డేట్స్ ఇస్తున్న దర్శకధీరుడు రాజమౌళి తాజాగా మెగా, నందమూరి ఫ్యాన్స్‌కి స్పెషల్ ట్రీట్ ఇచ్చారు. ఇటీవలే చిత్ర రిలీజ్ డేట్ ప్రకటించిన ఆయన.. ఇప్పటినుంచే ప్రమోషన్స్‌పై ఫోకస్ పెడుతూ ఇరువురు స్టార్ హీరోల అభిమానులను కనువిందు చేస్తున్నారు. ‘బాహుబలి’ తర్వాత ఆ రేంజ్‌లో ఉండే మరో బిగ్గెస్ట్ సినిమా RRR అని ఇప్పటికే చెప్పేసిన జక్కన్న, ఈ సినిమా షూటింగ్‌ని క్లైమాక్స్‌కి తీసుకొచ్చారు.

ఈ నేపథ్యంలో ఇటీవలే ఎన్టీఆర్ హీరోయిన్ ఒలీవియా మోరిస్ లుక్ షేర్ చేయగా.. తాజాగా క్లైమాక్స్ సెట్స్‌పై ఎన్టీఆర్, రామ్ చరణ్ ఇద్దరూ ప్రాక్టీస్‌లో మునిగిపోయి సరదాగా మాట్లాడుకుంటున్న ఫొటోలు షేర్ చేసి మెగా, నందమూరి అభిమానుల్లో ఉత్సాహం నింపారు. RRR‌ మూవీ శక్తిమంతమైన క్లైమాక్స్‌ కోసం భీమ్, రామరాజు సాధన చేస్తున్నారంటూ ఈ ఫొటోలు బయటకు వదిలారు. ఇద్దరు హీరోలు కూడా యమ స్టైలిష్ లుక్‌లో కనిపిస్తుండటంతో ఈ ఫొటోలు సోషల్ మీడియాలో క్షణాల్లో వైరల్ అయ్యాయి.

డీవీవీ దానయ్య సమర్పణలో 400 కోట్ల భారీ బడ్జెట్ కేటాయించి రూపొందిస్తున్న ఈ మూవీలో రామ్ చరణ్ అల్లూరి సీతారామరాజుగా నటిస్తుండగా, కొమరం భీమ్‌ రోల్ ఎన్టీఆర్ పోషిస్తున్నారు. ఈ రెండు పాత్రలకు సమ ప్రాధాన్యత ఇస్తూ బలమైన స్క్రిప్ట్‌తో కెమెరాలో బంధిస్తున్నారు జక్కన్న. ఎన్టీఆర్ సరసన ఓలీవియా మోరిస్‌, రామ్ చరణ్ సరసన ఆలియా భట్ హీరోయిన్లుగా నటిస్తున్నారు.
ఏంటి.. రాడ్లు దింపుతారా? ఏ ఒక్కడినీ వదల.. పార్టీల పేర్లు చెబుతూ మాధవీలత సెన్సేషనల్ కామెంట్స్
ఇప్పటికే విడుదలైన అన్ని అప్‌డేట్స్ RRRపై ఉన్న అంచనాలను అమాంతం పెంచేశాయి. ఇటీవలే ఈ చిత్రాన్ని అక్టోబర్ 13న రిలీజ్ చేయనున్నట్లు ప్రకటన రావడంతో దేశవ్యాప్తంగా ఆ డేట్ కోసం ఎదురుచూపులు మొదలయ్యాయి. ఎంఎం కీరవాణి బాణీలు కడుతున్న ఈ భారీ చిత్రంలో అజయ్‌ దేవ్‌గణ్‌, శ్రియ, సముద్రఖని, రే స్టీవెన్‌సన్‌, అలీ సన్‌ డూడీ ముఖ్యపాత్రలు పోషిస్తున్నారు. ఇక ఈ సినిమాపై మెగా, నందమూరి ఫ్యాన్స్ పెట్టుకున్న అంచనాలైతే మాటల్లో చెప్పలేం.

Ramaraju For Bheem: ఎన్టీఆర్ భీమ్ టీజర్

LEAVE A REPLY

Please enter your comment!
Please enter your name here