joseph dimeo: వైద్యశాస్త్రంలో మిరాకిల్.. తొలిసారిగా ముఖం, రెండు చేతుల మార్పిడి సర్జరీ సక్సెస్ – new jersey man world’s first to receive successful face and double-hand transplant

0
33


ప్రధానాంశాలు:

  • ప్రమాదంలో దాదాపు చనిపోయిన వ్యక్తి కొత్త జీవితం.
  • వైద్యుల కృషితో పరిచయం లేని వ్యక్తి ముఖం.
  • రెండు చేతులనూ అమర్చిన అద్భుతం చేసిన వైద్యులు.

వైద్య శాస్త్రం మరో అద్భుతం చేసింది. తొలిసారిగా రెండు చేతులు, ముఖమార్పిడి శస్త్రచికిత్సను విజయవంతంగా నిర్వహించింది. ఓ ప్రమాదంలో దాదాపు చనిపోయిన వ్యక్తికి వైద్యులు తమ ప్రతిభ, అనుభవాన్ని రంగరించి శస్త్రచికిత్స చేసి పునర్జన్మను ప్రసాదించారు. ఓ యువకుడు ఆఫీసు పనులు ముగించుకుని ఇంటికి వెళ్తుండగా ఘోర ప్రమాదం చోటుచేసుకుని అతడి ముఖం పూర్తిగా కాలిపోయి, ఒంటి నిండా 80 శాతం గాయాలయ్యాయి. అతడు బతకుతాడన్న ఆశ దాదాపు సన్నగిల్లినా వైద్య శాస్త్రం మిరాకిల్ చేసింది.

తనకు పరిచయం లేని వ్యక్తి ముఖంతో ఇప్పుడు ప్రపంచాన్ని కొత్తగా పలకరిస్తున్నాడు. ప్రపంచంలోనే తొలి ‘ముఖ మార్పిడి’ శస్త్రచికిత్సను అమెరికాలోని న్యూయార్క్ డాక్టర్లు విజయవంతంగా నిర్వహించారు. న్యూజెర్సీకి చెందిన జోసెఫ్ దిమియో (22) అనే యువకుడు 2018 ఆగస్టులో రాత్రిపూట విధులు ముగించుకుని తన వాహనంలో ఇంటికి బయలుదేరాడు. అయితే, నైట్ షిఫ్ట్ కావడంతో బాగా అలసిపోయిన డైమియోను నిద్రమత్తు ఆవహించింది. రెప్పపాటులో కారు అదుపుతప్పి పల్టీలు కొట్టి భారీ శబ్దంతో పేలిపోయింది.

దీంతో వాహనానికి నిప్పంటుకుని భారీ మంటలు చెలరేగాయి. కారులోని జోసెఫ్ తీవ్రంగా గాయపడ్డాడు. అతడి చేతి వేళ్లు తెగిపోయి, పెదాలు చిట్లిపోయాయి. కనుబొమ్మలు గుర్తు లేకుండా చెరిగిపోయాయి. దాదాపు 80 శాతం మేర అతడి శరీరం కాలిపోయింది. ఇదే సమయంలో ఓ వ్యక్తి దేవుడిలా వచ్చి జోసెఫ్‌ను మంటలను బయటకు తీసి ఆస్పత్రికి తరలించాడు.

అతడికి న్యూయార్క్ లాంగోన్ హెల్త్ ఆస్పత్రి వైద్యులు పలు శస్త్రచికిత్సలు నిర్వహించారు. రెండున్నర నెలలు కృత్రిమ కోమాలో ఉంచి సర్జరీలు చేశారు. అయితే, ముఖమార్పిడి చేస్తేగాని ప్రయోజనం ఉండదని వైద్యులు భావించారు. దీనికి సరిపడే దాత కోసం ప్రయత్నించిన వైద్యులు.. అతడికి కొన్ని పరీక్షలు చేయగా మరో చిక్కొచ్చి పడింది. అతడి ప్రతిరక్షకాలు 94 శాతం దాతలను తిరస్కరించడంతో సరిపోయే దాత దొరికే అవకాశం కేవలం 6 శాతమే అని నిర్ధారించారు. అలా దేశమంతా వెతకగా అదృష్టం కొద్దీ అతడికి దాత దొరికాడు.

చివరికు గతేడాది ఆగస్టు 12న లాంగోస్ హాస్పిటల్ ట్రాన్స్‌ప్లాంటేషన్ విభాగం డైరెక్టర్ ఎడ్వర్డో రోడ్రిగిజ్ నేతృత్వంలోని 96 మంది నిపుణుల బృందం 23 గంటలు శ్రమించి విజయవంతంగా ముఖ మార్పిడి చికిత్సను చేసి, రెండు చేతులనూ అమర్చింది. ఆరు నెలలు తర్వాత ప్రస్తుతం అతడి ఆరోగ్య పరిస్థితి బాగానే ఉందని, బాధితుడి శరీరానికి తగ్గట్టు కొత్త ముఖం, చేతులు ప్రతిస్పందిస్తున్నాయని వైద్యులు ప్రకటించారు.

గతంలో ఇటువంటి శస్త్రచికిత్సలు రెండు జరిగినా అవి విఫలమయ్యాయని డాక్టర్ ఎడ్వర్డో చెప్పారు. మొదటి కేసులో ముఖానికి ఇన్‌ఫెక్షన్ వచ్చి ఆ వ్యక్తి చనిపోయాడని, రెండో కేసులో చేతులు అమర్చినా అవి పనిచేయలేదని, దీంతో మళ్లీ వాటిని తొలిగించాల్సి వచ్చిందని గుర్తు చేశారు. కాబట్టి ప్రపంచంలోనే విజయవంతమైన తొలి ముఖ మార్పిడి శస్త్రచికిత్స ఇదేనని రోడ్రిగెజ్ పేర్కొన్నారు.

అయితే, జోసెఫ్ డైమియో ఎప్పుడూ ప్రశాంతంగా ఉంటూ నమ్మకాన్ని కోల్పోలేదని అన్నారు. తను జీవితాంతం ఈ విధంగా ఉండబోనని ఎప్పుడూ భావించాడని, అది మా విజయంలో పెద్ద భాగం అన్నారు. తన కథ మరికొందరికి సహకరిస్తుందని దిమియో వ్యాఖ్యానించారు. ‘ప్రతిఒక్కరూ దీని గురించి తెలుసుకోవాల్సిన అవసరం ఉందని నేను భావించాను’లాంగోన్‌లో బుధవారం మీడియాకు తెలిపారు. ‘నా జీవితం ఇతర వ్యక్తులకు ప్రేరణగా నిలిచి తిరిగి బతుకుపై ఆశ కల్పిస్తుందని ఆశిస్తున్నాను…శస్త్రచికిత్సకు వైద్యులు చాలా కష్టపడాల్సి వచ్చింది’ అని అన్నారు.

ప్రపంచవ్యాప్తంగా 2005 నుంచి ఇప్పటి వరకు 40 వరకు ముఖ మార్పిడిలు, 85కిపైగా చేతుల మార్పిడిలు జరిగాయి. రెండుసార్లు మాత్రమే ముఖం, చేతులు మార్పిడి ఒకేసారి చేశారు. ఫ్రాన్స్‌కు చెందిన 30 ఏళ్ల యువకుడు ముఖమార్పిడి చికిత్స జరిగిన రెండు నెలల అనంతరం ఇన్‌ఫెక్షన్ సోకి చనిపోయాడు.

LEAVE A REPLY

Please enter your comment!
Please enter your name here