Japan earthquake: జపాన్‌లో భూకంపం.. వణికిన ఫుకుషిమా, సునామీ ప్రమాదం ఉందా? – magnitude 7 earthquake jolts japan’s fukushima area, no tsunami warning issued

0
32


పాన్‌లో భారీ భూకంపం సంభవించింది. భూకంప తీవ్రత రిక్టర్ స్కేలుపై 7.1గా నమోదైంది. ఫుకుషిమాకు సమీపంలో పసిఫిక్ సముద్రంలో భూకంప కేంద్రాన్ని గుర్తించారు. భూకంపం వార్తలతో ఫుకుషిమా ప్రజలు వణికిపోయారు. గతంలో ఈ ప్రాంతంలో వచ్చిన భూకంపం, సునామీలతో అణు రియాక్టర్లు పేలి ఘోర విషాదం చోటు చేసుకున్న సంగతి తెలిసిందే. అయితే.. ప్రస్తుత భూకంపంతో అలాంటి ప్రమాదమేమీ లేదని అధికారులు వెల్లడించారు. ప్రస్తుతానికి సునామీ ప్రమాదం ఏమీ లేదని స్పష్టం చేశారు.

జపాన్ కాలమానం ప్రకారం రాత్రి 11.08 గంటల (భారత కాలమానం ప్రకారం శనివారం రాత్రి 7.37 గంటలు) సమయంలో భూప్రకంపనలు చోటు చేసుకున్నాయి. జపాన్ రాజధాని టోక్యో నగరానికి సుమారు 305 కిలోమీటర్ల దూరంలో భూకంప కేంద్రం ఉంది. 60 కి.మీ. లోతులో భూకంప కేంద్రం ఉన్నట్లు జపాన్ మీడియా తెలిపింది.

భూకంపం కారణంగా ఇళ్లలోని వస్తువులు, సీలింగ్ ఫ్యాన్లు కదిలినట్లు సోషల్ మీడియాలో కొంత మంది పోస్టులు చేశారు. వీడియోలను షేర్ చేశారు.

ముందు జాగ్రత్త చర్యగా జపాన్ ప్రభుత్వం కొంత మందిని సురక్షిత ప్రాంతాలకు తరలించింది. జపాన్ దేశం ప్రధాన భూకంప జోన్‌లో ఉంది. ఇక్కడ తరచూ భూకంపాలు చోటు చేసుకుంటాయి. ఇక్కడి ప్రజలు భూకంపాలను తట్టుకునేలా ఇళ్లు నిర్మించుకుంటారు. తగిన జాగ్రత్తలు తీసుకుంటారు. 2011 మార్చిలో భూకంపం, సునామీ సృష్టించిన బీభత్సం నేపథ్యంలో మరిన్ని జాగ్రత్తలు తీసుకుంటున్నారు.

LEAVE A REPLY

Please enter your comment!
Please enter your name here