jalgaon accident: మహారాష్ట్ర: ఘోర ప్రమాదం.. ట్రక్కు బోల్తాపడి 16 మంది మృతి – 16 killed as truck overturns in jalgaon district in maharashtra

0
21


ప్రధానాంశాలు:

  • మహారాష్ట్రలో సంభవించిన ఘోర రోడ్డు ప్రమాదం.
  • బొప్పాయిల లోడుతో వెళ్తోన్న ట్రక్కు బోల్తా.
  • ప్రమాద సమయానికి వాహనంలో 21 మంది.

మహారాష్ట్రలోని సోమవారం తెల్లవారుజామున ఘోర రోడ్డు ప్రమాదం సంభవించింది. ఈ ప్రమాదంలో 15 మంది దుర్మరణం చెందారు. జల్‌గావ్ జిల్లాలో ఈ ప్రమాదం చోటుచేసుకుంది. బొప్పాయిలతో వెళ్తున్న ఐషర్ ట్రక్కు.. యావల్ తాలూకా కింగావ్ వద్ద బోల్తా పడింది. దీంతో ట్రక్కులో ఉన్న కూలీల్లో 16 మంది అక్కడికక్కడే మృతిచెందారు. మరికొందరు గాయపడ్డారు. వీరి పరిస్థితి విషమంగా ఉందని తెలుస్తోంది. ప్రమాద సమయానికి ట్రక్కులో 21 మంది ఉన్నట్టు పోలీసులు తెలిపారు.

బొప్పాయిల లోడుతో ధులే నుంచి చోప్డా మీదుగా రావేర్ వెళ్తుండగా ఈ ప్రమాదం జరిగింది. వేగంగా వెళ్తోన్న ట్రక్కు అకస్మాత్తుగా బోల్తా పడి ఈ ప్రమాదం చోటుచేసుకున్నట్టు ప్రత్యక్ష సాక్షులు తెలిపారు. ప్రమాదంలో మృతిచెందిన వారంతా రావేర్‌కు చెందిన కూలీలుగా గుర్తించారు. క్షతగాత్రులను చికిత్స కోసం జలగావ్ ఆస్పత్రికి తరలించారు. వీరిలో కొందరి పరిస్థితి విషమంగా ఉన్నట్టు వైద్యులు తెలిపారు.

ప్రమాదం గురించి సమాచారం అందుకున్న పోలీసులు ఘటనా స్థలికి చేరుకుని సహాయక చర్యలు చేపట్టారు. అర్ధరాత్రి ఈ ప్రమాదం జరగడంతో సమాచారం ఆలస్యంగా తెలిసింది. స్థానికులు సహాయక చర్యలు చేపట్టి, పోలీసులకు సమాచారం ఇచ్చారు. అతివేగమే ప్రమాదానికి కారణమని పోలీసులు ప్రాథమికంగా నిర్ధారించారు. మృతదేహాలను స్వాధీనం చేసుకుని పోస్ట్‌మార్టం కోసం తరలించారు. మృతుల వివరాలు ఇంకా తెలియాల్సి ఉంది. కేసు నమోదుచేసిన పోలీసులు దర్యాప్తు చేపట్టారు.

LEAVE A REPLY

Please enter your comment!
Please enter your name here