isro pslv c51: ఈ ఏడాది తొలి ప్రయోగానికి సిద్ధమైన ఇస్రో.. ఈ మిషన్‌కు ఎన్నో ప్రత్యేకతలు – isro to launch brazilian, indian startup satellite, in first mission in 2021

0
20


ప్రధానాంశాలు:

  • భారత అంతరిక్ష ప్రయోగాల్లో నూతన శకం.
  • తొలిసారి వాణిజ్యపరంగా ఉపగ్రహ ప్రయోగాలు.
  • అమెరికా సంస్థ సహాకారంతో పీఎస్ఎల్వీ-సీ51.

ఈ ఏడాదిలో తొలి ప్రయోగానికి భారత అంతరిక్ష పరిశోధన సంస్థ (ఇస్రో) సిద్ధమయ్యింది. ఫిబ్రవరి 28న పీఎస్ఎల్వీ ద్వారా తొలిసారిగా ప్రైవేట్ సంస్థల ఉపగ్రహాలను ప్రయోగించనున్నట్లు ఇస్రో ఛైర్మన్‌ డాక్టర్ కే. శివన్‌ శుక్రవారం వెల్లడించారు. పీఎస్‌ఎల్‌వీ సీ-51 ద్వారా బ్రెజిల్‌కు చెందిన అమెజానియా-1 సహా మరో 20 ఉప్రగహాలను నింగిలోకి పంపనున్నట్టు తెలిపారు. ప్రైవేట్ సంస్థలు రూపొందించిన ఆనంద్‌, సతీశ్‌ ధావన్‌, యునిటీశాట్‌ ఉపగ్రహాలు ఇందులో ఉన్నాయని పేర్కొన్నారు. నెల్లూరు జిల్లా శ్రీహరికోటలోని సతీశ్ ధావన్ స్పేస్ సెంటర్ షార్ నుంచి ఫిబ్రవరి 28 ఉదయం 10.23 గంటలకు ఈ ప్రయోగం నిర్వహిస్తారు.

ఇక, ‘ఆనంద్‌’ను బెంగళూరుకు చెందిన స్టార్టప్ కంపెనీ పిక్సెల్‌ రూపొందించగా, ‘సతీశ్‌ ధావన్‌’ను చెన్నైకు చెందిన స్పేస్‌ కిడ్జ్‌ ఇండియా, యునిటీశాట్‌ను జిట్‌శాట్‌ (శ్రీపెరంబుదూర్‌), జీహెచ్‌ఆర్‌సీఈ శాట్‌(నాగ్‌పుర్‌), శ్రీశక్తి శాట్‌ (కోయంబత్తూరు) కళాశాలల విద్యార్థులు రూపొందించినట్టు శివన్ చెప్పారు. బ్రెజిల్‌ రూపొందించిన అమోజానియా-1 తొలి భూ పర్యవేక్షణ ఉపగ్రహమని..అంతరిక్ష రంగంలో సంస్కరణల తర్వాత ఈ ప్రయోగం ఇస్రో సహా దేశం మొత్తానికి ఎంతో ప్రత్యేకమని కె.శివన్‌ వ్యాఖ్యానించారు.

‘పీఎస్‌ఎల్వీ-సీ51 (మిషన్) దేశంలో ఇదే మొదటిది కానుంది. ఇది భారత అంతరిక్ష సంస్కరణల కొత్త శకానికి నాంది పలకబోతోంది.. దేశం మొత్తం ప్రైవేటు సంస్థలు ఈ కార్యకలాపాలను మరింత ముందుకు తీసుకెళ్లి సేవలను అందిస్తారని నేను ఖచ్చితంగా అనుకుంటున్నాను’ అని అన్నారు.

పీఎస్ఎల్వీ-సీ51 లేదా అమెజానియా-1 అనేది న్యూస్పేస్ ఇండియా లిమిటెడ్ (ఎన్ఎస్ఐఎల్) తొలి వాణిజ్య మిషన్. ఎన్ఎస్ఐఎల్ మిషన్‌ను అమెరికాకు చెందిన స్పేస్‌ఫ్లైట్ సహాకారంతో ఏర్పాట్లు చేశారు. నేషనల్ ఇన్‌స్టిట్యూట్ ఫర్ స్పేస్ రిసెర్చ్ (ఐఎన్‌పీఈ)కి చెందిన అమెజానియా-1 భూ పర్యవేక్షిత ఉపగ్రహం. ‘అమెజాన్ ప్రాంతంలో అటవీ నిర్మూలనను పర్యవేక్షణ, బ్రెజిల్ భూభాగం అంతటా వైవిధ్యభరితమైన వ్యవసాయం విశ్లేషణ కోసం వినియోగదారులకు రిమోట్ సెన్సింగ్ డేటాను అందించడంలో ఈ ఉపగ్రహం సహకరించనుంది’ అని ఇస్రో పేర్కొంది.

LEAVE A REPLY

Please enter your comment!
Please enter your name here