Israel embassy blast: ఢిల్లీ బాంబు పేలుడు: ఇజ్రాాయేల్ రాయబారికి బెదిరింపు లేఖ.. కీలక ఆధారాలు లభ్యం – iranian hand suspected in blast outside israel embassy in delhi

0
24


ప్రధానాంశాలు:

  • ఇజ్రాయేల్ రాయబార కార్యాలయం లక్ష్యంగా బాంబు పేలుడు.
  • ఖాసిం సులేమానీ, మొసిన్ హత్యలకు ప్రతీకారంగా దాడి.
  • బెదిరింపు లేఖలో ఆసక్తికర విషయాలను ప్రస్తావించిన నిందితులు.

దేశ రాజధాని ఢిల్లీలో ఇజ్రాయెల్‌ రాయబార కార్యాలయం వద్ద శుక్రవారం సాయంత్రం బాంబు పేలుడు చోటుచేసుకున్న విషయం తెలిసిందే. తక్కువ తీవ్రత ఉన్న అత్యాధునిక పేలుడు పదార్థం (ఐఈడీ)ను గుర్తు తెలియని వ్యక్తులు పేల్చినట్లు పోలీసులు పేర్కొన్నారు. ఈ ఘటనపై దర్యాప్తు చేపట్టిన పోలీసులు కీలక ఆధారాలను సేకరించారు. ఇద్దరు నిందితులు ప్రయివేట్ క్యాబ్‌‌లో ఎంబసీ వద్దకు చేరుకున్నట్టు సీసీటీవీ ఫుటేజ్ ద్వారా గుర్తించారు. వీటి ఆధారంగా నిందితుల ఊహాచిత్రాలను సిద్దం చేస్తున్న పోలీసులు.. వారు ప్రయాణించిన క్యాబ్ డ్రైవర్‌ను ప్రశ్నించనున్నారు.

అలాగే ఘటనా స్థలిలో నిందితులు ఓ లేఖను వదిలివెళ్లారు. ఇంగ్లీష్‌లో ఉన్న ఈ లేఖను ఇజ్రాయెల్ రాయబారిని ఉద్దేశించిన రాశారు. ఇరాన్ అణు శాస్త్రవేత్త, జనరల్ అధికారిని చంపిన విషయాలను ఇందులో ప్రస్తావించారు. ఇది ట్రైలర్ మాత్రమేనని, ఈ హత్యలకు ప్రతీకారం తీర్చుకుంటామని ఇజ్రాయెల్ రాయబారిని బెదిరించారని స్పెషల్ వర్గాలు పేర్కొన్నాయి. ఇరాన్ రివల్యూషనరీ గార్డ్స్ చీఫ్ జనరల్ ఖాసీం సులేమానీ, అణుశాస్త్రవేత్త మొసిన్ ఫ‌క్రిజాదేలు గతేడాది హత్యలకు గురైన విషయం తెలిసిందే.

ఎంబీసీ వద్ద పూల కుండీలో బాంబు ఉంచినట్టు స్పెషల్ సెల్ గుర్తించింది. అటే ఘటనా స్థలిలో బాంబును అనుసంధానం చేసే వస్తువులను ఫోరెన్సిక్ నిపుణులు కనుగొన్నారు. అక్కడ తీగలు, బాల్ బేరింగులు, ఇతర వస్తువులు లభ్యమయ్యాయి. మరోవైపు, ఇజ్రాయెల్ ఎంబసీ పేలుడు ఘటనపై ప్రధాని నరేంద్ర మోదీ ఆరా తీశారు. ఈ వివరాలను ప్రధానికి అధికారులు అందజేసినట్టు సమాచారం.

పేలుడు జరిగిన ప్రదేశానికి కేవలం 1.4 కిమీ దూరంలోనే విజయ్‌ చౌక్‌ ఉంది. రిపబ్లిక్‌ డే వేడుకల ముగింపును సూచించే బీటింగ్‌ రిట్రీట్‌కు రాష్ట్రపతి, ప్రధాని, మంత్రులు విజయ్‌ చౌక్‌ వద్దకు హాజరై దాన్ని తిలకిస్తున్న సమయంలోనే ఇది చోటు చేసుకుంది. దీంతో కేంద్రం ఒక్కసారిగా అప్రమత్తమైంది. ఈ పేలుడుపై హోంమంత్రి అమిత్‌ షా అత్యవసర సమీక్ష చేశారు. జాతీయ దర్యాప్తు సంస్థ (ఎన్‌ఐఏ) బృందాలు వెంటనే రంగంలోకి దిగాయి.

అయితే, ఇది ఉగ్రవాద చర్యేనని ఇజ్రాయెల్‌ వ్యాఖ్యానించింది. పశ్చిమాసియా, ఇస్లామిక్‌ ప్రపంచంలో తమకు ప్రతికూలంగా ఉన్న కొన్ని శక్తులు దీని వెనుక ఉండి ఉండొచ్చని అనుమానం వ్యక్తం చేసింది. ఈ ఘటన జరిగిన వెంటనే విదేశాంగ మంత్రి ఎస్‌ జయశంకర్‌ ఇజ్రాయెల్‌ విదేశాంగ మంత్రి గబీ ఏష్కనాజీతో ఫోన్లో మాట్లాడారు. దీనిని సీరియ్‌సగా తీసుకుంటున్నట్లు చెబుతూ ఇజ్రాయెలీ దౌత్య సిబ్బందికి పూర్తి రక్షణ కల్పిస్తామని హామీ ఇచ్చారు.

LEAVE A REPLY

Please enter your comment!
Please enter your name here