indiaspora list 2021: అమెరికా సహా 15 దేశాల్లో భారతీయుల సత్తా.. ఉన్నత పదవుల్లో 200 మంది! – 200 indian-origin people occupy leadership positions in 15 countries: indiaspora report

0
24


అమెరికా, బ్రిటన్ సహా ప్రపంచంలోని 15 దేశాల్లో 200 మంది భారత సంతతి వ్యక్తులు కీలక పదవుల్లో ఉన్నారు. వీరిలో 60 మంది వరకు క్యాబినెట్ హోదాలో ఉన్నట్టు అమెరికాకు చెందిన ఓ సంస్థ నివేదిక తెలిపింది. ప్రవాస భారతీయుల సంక్షేమం కోసం పనిచేసే ఇండియాస్‌పోరా గవర్నమెంట్ లీడర్స్ 2021 జాబితాను సోమవారం విడుదల చేసింది. వివిధ దేశాల ప్రభుత్వ వెబ్‌సైట్‌లు, అందుబాటులో ఉన్న ఇతర వనరుల ద్వారా ఈ సమాచారాన్ని సేకరించి, నివేదికను రూపొందించింది. ప్రపంచవ్యాప్తంగా 15 దేశాల్లో 200 మంది భారత సంతతి వ్యక్తులు ఉన్నత పదవుల్లో ఉన్నారని, వీరిలో 60 మంది క్యాబినెట్ ర్యాంక్‌లో ఉన్నట్టు పేర్కొంది.

‘ప్రపంచంలోని పురాతన ప్రజాస్వామ్యానికి మొదటి మహిళా ఉపాధ్యక్షురాలిగా భారత వారసత్వానికి చెందిన వ్యక్తి కావడం గర్వకారణం.. ప్రజా సేవలో ఉన్న భారతీయులను హైలైట్ చేయడానికి అధ్యక్షుల దినోత్సవం సందర్భంగా ఈ అద్భుత క్షణాలను ఉపయోగించాలనుకుంటున్నాం’ అని ఇండియాస్పోరా వ్యవస్థాపకుడు, సిలికాన్ వ్యాలీలో ప్రముఖ వ్యాపారవేత్త రంగస్వామి అన్నారు.

‘ఈ నాయకులు భవిష్యత్ తరాల కోసం వారసత్వాన్ని నిర్మిస్తున్నారు.. వారు పనిచేస్తున్న అన్ని నియోజకవర్గాలు, సంఘాలకు మా సమాజానికి మించి విస్తరించి ఉంది’ అని వ్యాఖ్యానించారు. ఈ జాబితాలో ఆస్ట్రేలియా, కెనడా, సింగ్‌పూర్, యునైటెడ్ అరబ్ ఎమిరైట్స్, యునైటెడ్ కింగ్‌‌డమ్, అమెరికా దేశాల్లోని భారతీయ సంతతి దౌత్యవేత్తలు, ప్రజాప్రతినిధులు, కేంద్ర బ్యాంకుల చీఫ్‌లు, సీనియర్ అధికారులు ఉన్నారు.

‘ఇండియాస్పోరా ప్రభుత్వ నాయకుల జాబితా 2021లో నా పేరు చేర్చడం గౌరవంగా భావిస్తున్నారు.. అమెరికా కాంగ్రెస్‌లో సుదీర్ఘకాలం భారతీయ-అమెరికన్ ‌సభ్యుడిగా ఉండటం భారత సంతతి వ్యక్తిగా ఎంతో గర్వంగా ఉంది.. అమెరికన్ల జీవితం, సమాజంలో అంతర్భాగంగా మారింది’ అని అమెరికా విదేశీ వ్యవహారాలు ఆసియా విభాగం ఉపసంఘం ఛైర్మన్ అమీ బెరా అన్నారు.

విదేశాంగ శాఖ ప్రకారం ప్రపంచవ్యాప్తంగా వివిధ దేశాల్లో 32 మిలియన్ల మంది భారతీయ సంతితి వ్యక్తులు ఉన్నారు. మరే దేశ పౌరులు ఇంత పెద్ద సంఖ్యలో లేకపోవడం విశేషం. ‘2021 ఇండియాస్పోరా ప్రభుత్వ నాయకుల జాబితాలోని అధికారులు సమిష్టిగా 587 మిలియన్ల మంది జనాభాకుపైగా ప్రాతినిధ్యం వహిస్తున్నారు.. ఆ దేశాలు జీడీపీ 28 ట్రిలియన్ డాలర్లుగా అంచనా వేశారు.. ఈ నాయకులు ప్రపంచవ్యాప్తంగా ప్రభావాన్ని చూపుతున్నారు’ అని ఇండియాస్పోరా ఓ ప్రకటనలో తెలిపింది.

LEAVE A REPLY

Please enter your comment!
Please enter your name here