Indian cricket team: భారత్ అద్భుత విజయం అత్యంత ఆనందం కలిగించింది: మోదీ – pm narendra modi praises indian cricket team over test series win in australia

0
25


బ్బాలో చారిత్రక విజయంతో ఆస్ట్రేలియాలో టెస్ట్ సిరీస్ గెలిచిన టీమిండియాపై ప్రసంశల వర్షం కురుస్తోంది. నూతన సంవత్సరాన్ని అద్భుత విజయంతో ప్రారంభించారని పలువురు ప్రముఖులు, క్రికెట్ అభిమానులు కొనియాడారు. ఇది క్రికెట్ చరిత్రలో నిలిచిపోయే విజయమంటూ హర్షం వ్యక్తం చేస్తున్నారు. భారత్‌కు చారిత్రక క్రికెట్ సిరీస్ అందించిన టీమిండియా ఆటగాళ్లపై ప్రధాని నరేంద్ర మోదీ ప్రశంసలు కురిపించారు. ఈ విజయం అమితానందాన్ని ఇచ్చిందని ట్వీట్ చేశారు.

‘ఆస్ట్రేలియాలో భారత క్రికెట్ జట్టు సాధించిన అద్భుత విజయం అందరికీ అత్యంత ఆనందాన్ని కలిగిస్తోంది. ఆటగాళ్ల సామర్థ్యం, ఆట పట్ల తమకున్న అభిరుచి, పట్టుదల, గెలవాలనే సంకల్పం టోర్నీ ఆద్యంతం కనిపించింది. జట్టు సభ్యులకు అభినందనలు. భవిష్యత్తులో మీరు మరిన్ని విజయాలు సాధించాలి’ అని ప్రధాని మోదీ ట్వీట్ చేశారు.

గ‌బ్బా టెస్టులో టీమిండియా అద్భుతంగా రాణించింది. ఇక డ్రా తప్పదనుకున్న పరిస్థితుల నుంచి టీమిండియా పుంజుకున్న తీరు అద్భుతం. 328 పరుగుల లక్ష్యాన్ని 3 వికెట్ల ఉండగానే చేరుకుంది. నాలుగు మ్యాచ్‌ల టెస్టు సిరీస్‌ను 2-1 తేడాతో కైవ‌సం చేసుకుంది. 89 పరుగులు చేసిన రిషబ్ పంత్ టీమిండియాకు చిరస్మరణీయ విజయాన్ని అందించగా.. హైదరాబాద్ ఆటగాడు మొహమ్మద్ సిరాజ్ 5 వికెట్లతో రాణించి ఆసీస్ పతనాన్ని శాసించాడు. అసాధార‌ణ రీతిలో సిరీస్‌ను గెలిచిన భార‌త క్రికెట‌ర్లకు బీసీసీఐ భారీ న‌జ‌రానా ప్రకటించింది. జట్టుకు 5 కోట్ల రూపాయల బోనస్ ప్రకటించింది.

LEAVE A REPLY

Please enter your comment!
Please enter your name here