indian american aditya singh: ఎయిర్‌పోర్ట్‌లో 3 నెలలు ఉండిపోయిన యువకుడు.. కారణం తెలిసి అధికారులు షాక్! – indian-american lived in chicago airport for 3 months, was scared due to covid

0
50


కరోనా వైరస్‌ భయంతో ప్రయాణానికి భయపడిన ఓ భారతీయ అమెరికన్ షికాగో అంతర్జాతీయ విమానాశ్రయంలోని నిషేధిత ప్రాంతంలో దాదాపు మూడు నెలలు ఉన్నా సిబ్బంది గుర్తించలేకపోయారు. భారత సంతతి యువకుడు ఆదిత్య సింగ్ (36) గతేడాది అక్టోబరు 19న లాస్ ఏంజెల్స్ నుంచి చికాగో విమానాశ్రయానికి చేరుకున్నాడు. అప్పటి నుంచి విమానాశ్రయంలోనే ఉన్న అతడిని మూడు రోజుల కిందట అరెస్ట్ చేసినట్టు అమెరికా అధికారులు తెలిపారు.

టీకా తీసుకున్న 580 మందికి సైడ్ ఎఫెక్ట్స్.. ఆ ఇద్దరి మరణానికి వ్యాక్సిన్ కారణం కాదు: కేంద్రం
షికాగో ఓ హారే అంతర్జాతీయ విమానాశ్రయంలో అక్టోబరు 19 నుంచి ఆదిత్య సింగ్ చట్టవిరుద్ధంగా ఉన్నట్టు పేర్కొన్నారు. కాలిఫోర్నియా రాష్ట్రం లాస్ ఏంజెల్స్ శివారులో నివాసం ఉండే ఆదిత్య సింగ్‌ను అరెస్ట్ చేసినట్టు చికాగో ట్రైబ్యూన్ ఆదివారం వెల్లడించింది. విమానాశ్రయ నిషేధ ప్రాంతంలోకి ప్రవేశించడం, తప్పుదోవపట్టించేలా ప్రయత్నించినట్టు సింగ్‌పై నేరారోపణలు చేశారు. అతడిని కోర్టు ముందు హాజరుపరిచిన పోలీసులు.. అక్టోబరు 19 నుంచి ఆదిత్య సింగ్ చట్టవిరుద్ధంగా ఎయిర్‌పోర్ట్ నిషేధిత ప్రాంతంలోనే ఉంటున్నాడని తెలిపారు.
నిర్ణయం తీసుకోవాల్సింది పోలీసులు.. మేం కాదు: రైతుల ట్రాక్టర్ల ర్యాలీపై సుప్రీం వ్యాఖ్యలు
ఆదిత్య సింగ్‌పై అనుమానం రావడంతో ఇద్దరు యునైటెడ్ ఎయిర్‌లైన్స్ సిబ్బంది అతడి గుర్తించి ఆరా తీశారు. అక్టోబరులో మిస్సయిన ఆపరేషన్స్ మేనేజర్‌ బడ్జ్‌ను ఆదిత్య చూపించడంతో వారు ఖంగుతిన్నారు. వెంటనే 911కి సమాచారం అందజేయడంతో శనివారం ఉదయం ఆదిత్యను పోలీసులు అదుపులోకి తీసుకున్నారు.
ఫుట్‌పాత్‌పైకి దూసుకెళ్లిన ట్రక్కు.. 13 మంది వలసకూలీలు మృతి
కోవిడ్-19కు భయపడి, ఎయిర్‌పోర్ట్ స్టాఫ్ బ్యాడ్జ్‌ను సంపాదించి అక్కడే ఉంటున్నాడని అసిస్టెంట్ స్టేట్ అటార్నీ క్యాథలీన్ హగేర్టే అన్నారు. మూడు నెలలుగా ఎయిర్‌పోర్ట్‌లో ఉంటున్నా ఎవరూ గుర్తించకపోవడంపై కుక్ కౌంటీ న్యాయమూర్తి సుసానా ఆర్టిజ్ విస్మయం చెందారు.

‘అక్టోబర్ 19, 2020 నుంచి జనవరి 16, 2021 వరకు ఓ’హేర్ విమానాశ్రయ టెర్మినల్ సురక్షిత ప్రదేశంలో అనధికారికంగా సిబ్బంది కాని ఓ వ్యక్తి నివసిస్తున్నట్లు మీరు చెప్తున్నారు… దాదాపు మూడు నెలలుగా అతడిని గుర్తించలేదు? కాబట్టి నేను మిమ్మల్ని సరిగ్గా అర్థం చేసుకోవాలనుకుంటున్నాను’ అని జడ్జ్ వ్యాఖ్యానించారు.

రేపే వైస్-ప్రెసిడెంట్‌గా కమలా ప్రమాణస్వీకారం.. చీర ధరిస్తారా? సూట్ వేసుకుంటారా?
లాస్ ఏంజెల్స్‌ శివారులో స్నేహితులతో కలిసి ఉండే ఆదిత్యకు గతంలో ఎటువంటి క్రిమినల్ రికార్డు లేదు… హాస్పిటాలిటీలో మాస్టర్స్ డిగ్రీ చేసినట్టు అసిస్టెంట్ పబ్లిక్ ప్రాసిక్యూటర్ కర్టనే స్మాల్‌ఉడ్ అన్నారు. బెయిల్ కోసం 1,000 డాలర్లు చెల్లించడంలో విఫలమైతే ఆదిత్యను విమానాశ్రయంలోకి ప్రవేశించకుండా నిషేధం విధిస్తారు.

LEAVE A REPLY

Please enter your comment!
Please enter your name here