india vaccine export: విదేశాలకు మన వ్యాక్సిన్.. ఇది భారత్‌కు ఎంతో గౌరవం – india to supply covid-19 vaccine to 6 countries, pm modi says its honour for us

0
30


షధ ఉత్పత్తుల్లో అగ్రగామిగా ఉన్న భారత్.. కొవిడ్ సంక్షోభం వేల కీలక పాత్ర పోషించడానికి సిద్ధమైంది. విదేశాలకు కరోనా వ్యాక్సిన్ ఎగుమతి చేయనుంది. బుధవారం (జనవరి 20) నుంచి భూటాన్, మాల్దీవులు, బంగ్లాదేశ్, నేపాల్, మయన్మార్, సీషెల్స్ దేశాలకు కరోనా వ్యాక్సిన్లను సరఫరా చేయనున్నట్లు భారత విదేశాంగ మంత్రిత్వ శాఖ మంగళవారం తెలిపింది. దేశీయ అవసరాలను దృష్టిలో ఉంచుకుని పొరుగు దేశాలు, భారత భాగస్వామి దేశాలకు కూడా వ్యాక్సిన్‌ సరఫరా చేయనున్నట్లు తెలిపింది.

‘గ్లోబల్‌ కమ్యూనిటీ ఆరోగ్య అవసరాలను తీర్చడంలో దీర్ఘకాల విశ్వసనీయ భాగస్వామిగా భారత్ గౌరవప్రదమైన స్థానంలో ఉంది. పలు దేశాలకు వ్యాక్సిన్ల సరఫరా రేపటి నుంచి ప్రారంభమవుతుంది. రానున్న రోజుల్లో మరిన్ని ఎక్కువ దేశాలకు టీకాలు సరఫరా చేస్తాం’ అని ప్రధాని నరేంద్రం మోదీ ట్వీట్‌ చేశారు.

కరోనా వ్యాక్సిన్‌ కోసం ఇప్పటికే పెద్ద సంఖ్యలో దేశాలు భారత విదేశాంగ శాఖను సంప్రదించాయి. కరోనా మహమ్మారిపై పోరాడేందుకు, మానవాళి అందరికీ సహాయపడేందుకు భారత వ్యాక్సిన్ ఉత్పత్తి, డెలివరీ సామర్థ్యాన్ని ఉపయోగించుకునేందుకు ఇప్పటికే ఇచ్చిన ప్రకటన అనుగుణంగా భూటాన్‌, మాల్దీవులు, బంగ్లాదేశ్‌, నేపాల్‌, మయన్మార్‌, సీషెల్స్‌కు వ్యాక్సిన్‌ సరఫరా ప్రారంభవుతుందని విదేశాంగ శాఖ తెలిపింది. వ్యాక్సిన్ల సరఫరా కోసం శ్రీలంక, అఫ్గానిస్థాన్, మారిషస్ నుంచి అవసరమైన రెగ్యులేటరీ అనుమతుల నిర్ధారణ కోసం భారత్ ఎదురుచూస్తోంది.

విదేశాలకు టీకా సరఫరా చేసే సమయంలో దేశీయ అవసరాలను తీర్చేందుకు తగినన్ని నిల్వలు ఉండేలా చూసుకుంటామని విదేశాంగ శాఖ స్పష్టం చేసింది. దేశంలో కొవిషీల్డ్, కొవాగ్జిన్ టీకాలకు అత్యవసర వినియోగానికి అనుమతి ఇచ్చిన విషయం తెలిసిందే. ఆక్స్‌ఫర్డ్-ఆస్ట్రాజెనెకా రూపొందించిన వ్యాక్సిన్‌ను పుణేలోని సీరం ఇన్‌స్టిట్యూట్ ఆఫ్ ఇండియా కొవిషీల్డ్ పేరుతో ఉత్పత్తి చేస్తోంది. హైదరాబాద్ కేంద్రంగా పనిచేస్తున్న ఫార్మా దిగ్గజం భారత్ బయోటెక్ ‘కొవాగ్జిన్‌’ను రూపొందించింది.

LEAVE A REPLY

Please enter your comment!
Please enter your name here