india vaccine dry run: దేశవ్యాప్తంగా జనవరి 2న వ్యాక్సిన్ డ్రై రన్ – covid-19 vaccine dry run to take place across india on 2 january 2021

0
46


దేశంలో కరోనా వ్యాక్సిన్ పంపిణీకి ఘడియలు దగ్గర పడుతున్న వేళ కేంద్ర ప్రభుత్వం మరో కీలక నిర్ణయం తీసుకుంది. దేశ‌వ్యాప్తంగా జ‌న‌వ‌రి 2న వ్యాక్సిన్ డ్రై ర‌న్ నిర్వహించనుంది. ఇందుకు సంబంధించి ఏర్పాట్లు చేసుకోవాలని అన్ని రాష్ట్రాలు, కేంద్ర పాలిత ప్రాంతాలకు కేంద్ర ఆరోగ్య శాఖ లేఖ రాసింది. వ్యాక్సిన్ వాస్తవ పంపిణీలో సమస్యల గుర్తింపే లక్ష్యంగా ఈ డ్రై రన్ నిర్వహించనున్నారు. వ్యాక్సిన్ రిహార్సల్ కార్యక్రమంగా పేర్కొంటున్న ఈ ‘డ్రై రన్‌’ను ఇప్పటికే ఆంధ్రప్రదేశ్‌తో పాటు పంజాబ్‌, అసోం, గుజరాత్‌ రాష్ట్రాల్లో డిసెంబర్ 28, 29 తేదీల్లో నిర్వహించారు. ఇక మిగిలిన అన్ని రాష్ట్రాల్లో ఎల్లుండి ఈ డ్రై రన్ నిర్వహించనున్నారు.

ప్రపంచంలోనే అతి పెద్ద వ్యాక్సినేషన్ ప్రక్రియ దేశంలో అతి త్వరలో మొదలవుతుందని ప్రధాని మోదీ గురువారం (డిసెంబర్ 31) ప్రకటించారు. దేశంలో కరోనా వ్యాక్సిన్ పంపిణీకి నియంత్రణ సంస్థలు ఇవాళో, రేపో ఆమోదం తెలిపే అవకాశం ఉంది. ఆమోదం లభించిన వెంటనే దేశవ్యాప్తంగా టీకా పంపిణీ ప్రక్రియ ప్రారంభమవుతుంది.

కేంద్ర ఆరోగ్య శాఖ కార్యద‌ర్శి రాజేశ్ భూష‌న్ గురువారం ‘వ్యాక్సిన్ పంపిణీ’ అంశంపై ఉన్నత స్థాయి స‌మావేశం నిర్వహించారు. ఆరోగ్య శాఖ ప్రిన్సిప‌ల్ కార్యద‌ర్శులు, ఇతర ఉన్నతాధికారులు ఈ స‌మావేశానికి వీడియో కాన్ఫరెన్స్ ద్వారా హాజ‌రయ్యారు. జ‌న‌వ‌రి 2న అన్ని రాష్ట్రాలు, కేంద్ర పాలిత ప్రాంతాలు డ్రైన్ ర‌న్ నిర్వహిస్తాయ‌ని ఈ సందర్భంగా రాజేష్ భూషన్ తెలిపారు.

రాష్ట్రాల రాజ‌ధానుల్లో క‌నీసం మూడు ప్రాంతాల్లో ఈ డ్రైన్ నిర్వహించాలని కేంద్రం సూచించింది. కొన్ని జిల్లా కేంద్రాల్లోనూ డ్రై నిర్వహించాలని ఆదేశించింది. వ్యాక్సినేష‌న్ ల‌క్ష్యాల‌ను అందుకునేందుకు అన్ని రాష్ట్రాలు, కేంద్ర పాలిత ప్రాంతాలు సిద్ధంగా ఉండాల‌ని కేంద్రం ఆదేశాల్లో పేర్కొన్నారు.

మ‌రోవైపు.. వ్యాక్సినేష‌న్ కోసం కేంద్ర ప్రభుత్వం 83 కోట్ల సిరంజీల‌కు ఆర్డర్ చేసింది. అద‌నంగా మ‌రో 35 కోట్ల సిరంజీల కోసం బిడ్స్ దాఖ‌లు చేసింది. ఈ సిరంజీల‌ను కరోనా వ్యాక్సిన్ వేయడానికి వాడనున్నట్లు కేంద్రం తెలిపింది.

LEAVE A REPLY

Please enter your comment!
Please enter your name here