india corona vaccine: గుడ్ న్యూస్: ఫిబ్రవరి 13 నుంచి వ్యాక్సిన్ రెండో డోసు.. 60 ఏళ్లు పైబడిన వారికి త్వరలో – covid-19 vaccine second dose distribution to start from february 13: union health ministry

0
29


రోనా వ్యాక్సిన్‌ తీసుకున్న వారిలో 97 శాతం మంది టీకా పంపిణీపై సంతృప్తిని వ్యక్తం చేశారని కేంద్ర ఆరోగ్య శాఖ తెలిపింది. దేశంలో గురువారం (ఫిబ్రవరి 4) మధ్యాహ్నం 1.30 వరకు 45,93,427 మందికి వ్యాక్సిన్‌ వేసినట్లు తెలిపింది. ఫిబ్రవరి 13 నుంచి వ్యాక్సిన్‌ రెండో డోసును అందించనున్నట్లు వెల్లడించింది. 60 ఏళ్లు పైబడిన వారికి త్వరలోనే టీకా పంపిణీ ప్రారంభించనున్నట్లు ప్రకటించింది. కేంద్ర ఆరోగ్య శాఖ నిర్వహించిన విలేకరుల సమావేశంలో నీతి ఆయోగ్‌ సభ్యుడు వీకే పాల్‌, ఆరోగ్య శాఖ కార్యదర్శి రాజేశ్‌ భూషణ్‌ కీలక వివరాలు తెలిపారు.

అత్యంత వేగంగా 4 మిలియన్ల వ్యాక్సినేషన్‌ మార్క్‌ను చేరుకున్నామని రాజేశ్ భూషణ్ తెలిపారు. దేశంలో 5,912 ప్రభుత్వ ఆస్పత్రులు, 1,239 ప్రైవేటు ఆస్పత్రుల్లో కరోనా వ్యాక్సినేషన్‌ను కొనసాగిస్తున్నట్లు చెప్పారు. భవిష్యత్తులో ఆ సంఖ్యను పెంచుతామని ఆయన అన్నారు. కరోనా మహమ్మారితో పోరాడుతున్న ఫ్రంట్‌లైన్ వారియర్స్‌ (డాక్టర్లు, నర్సులు, ఇతర సిబ్బంది)కు తొలి దశలో భాగంగా దేశవ్యాప్తంగా కొవిడ్ వ్యాక్సిన్ అందిస్తున్న సంగతి తెలిసిందే. తొలి డోసు తీసుకున్న వారికి ఫిబ్రవరి 13 నుంచి రెండో డోసు ఇవ్వనున్నారు.

ఇప్పటివరకు మధ్యప్రదేశ్‌లో అత్యధిక మంది ఆరోగ్య సిబ్బందికి కరోనా టీకా అందించినట్లు తెలిపారు. ఆ రాష్ట్రంలో 73.6 శాతం ఆరోగ్య సిబ్బందికి వ్యాక్సిన్‌ అందించామని వెల్లడించారు. ఆ తర్వాత రాజస్థాన్‌ (66.8 శాతం), త్రిపుర (65.5 శాతం) ఉన్నట్లు తెలిపారు.

11 రాష్ట్రాల్లో 30 శాతం కంటే తక్కువ మంది ఆరోగ్య సిబ్బంది కొవిడ్ వ్యాక్సిన్‌ తీసుకున్నట్లు రాజేశ్ భూషణ్ తెలిపారు. దేశంలో మొత్తంమీద 45 శాతం మంది వైద్య, ఆరోగ్య సిబ్బందికి టీకాను అందించినట్లు ఆయన తెలిపారు.

ప్రపంచవ్యాప్తంగా వివిధ దేశాల్లో కరోనా కేసుల్లో పెరుగుదల నమోదవుతున్నా.. భారత్‌లో అలాంటి పరిస్థితులు లేవని రాజేశ్ భూషణ్ అన్నారు. దేశవ్యాప్తంగా నమోదవుతున్న కరోనా కేసుల్లో 70 శాతం కేరళ, మహారాష్ట్ర నుంచే నమోదవుతున్నాయని తెలిపారు.

ప్రస్తుతం దేశంలో 1.60 లక్షల యాక్టివ్ కేసులు ఉన్నాయని తెలిపారు. ఇప్పటివరకూ 19.9 కోట్ల కరోనా పరీక్షలు నిర్వహించగా 1.07 కోట్ల కరోనా కేసులు నమోదైనట్లు వెల్లడించారు. కొవిడ్ కారణంగా దేశంలో ఇప్పటివరకు 1.54 లక్షల మంది మరణించారని తెలిపారు.

ఇప్పటివరకు వ్యాక్సిన్లలో ఒక్కటి కూడా వృథా కాలేదని నీతి ఆయోగ్‌ సభ్యుడు వీకే పాల్ తెలిపారు. వాటిని నిశితంగా పర్యవేక్షిస్తున్నామని చెప్పారు. ప్రతి వ్యాక్సిన్‌‌ తయారైన తేదీలు, ఎక్స్‌పైరీ తేదీలపై స్పష్టత ఉందని తెలిపారు.

కరోనా వ్యాక్సిన్ తీసుకున్న తర్వాత కూడా మాస్కులు ధరించడం, భౌతిక దూరాన్ని పాంటించడం లాంటివి కొనసాగించాలని ఐసీఎంఆర్‌ డైరక్టర్‌ జనరల్‌ డాక్టర్‌ బలరామ్‌ భార్గవ్‌ సూచించారు. దేశంలోని 21 శాతం ప్రజల్లో కరోనా యాంటీబాడీలను గుర్తించామని ఆయన తెలిపారు.

LEAVE A REPLY

Please enter your comment!
Please enter your name here