Hyderabad Drugs Racket: హైదరాబాద్ కేంద్రంగా భారీ డ్రగ్ రాకెట్.. ఇద్దరి అరెస్ట్, రూ.70కోట్ల డ్రగ్స్ సీజ్ – drugs racket busted in indore, two hyderabad people arrested

0
41


హైదరాబాద్‌ నగరంలో భారీ డ్రగ్స్ రాకెట్ వెలుగులోకి వచ్చింది. అంతర్జాతీయ మార్కెట్లో రూ.70కోట్ల ఖరీదైన మత్తుమందులు దక్షిణాఫ్రికాకు ఎగుమతి చేసేందుకు ప్రయత్నిస్తున్న వేదవ్యాస్ అనే వ్యక్తితో పాటు అతడి డ్రైవర్‌‌ను మధ్యప్రదేశ్‌లోని ఇండోర్‌లో పోలీసులు అరెస్ట్ చేశారు. వారిద్దరు తెలంగాణ రాష్ట్రానికి చెందిన వారు కావడంతో అక్కడి పోలీసులు హైదరాబాద్ పోలీసులకు సమాచారం ఇచ్చారు. కూకట్‌పల్లి సమీపంలోని జలవాయు విహార్‌లో నివాసముంటున్న వేదవ్యాస్ కొంతకాలం క్రితం ప్రగతి నగర్‌లోని చిన్న ఔషధ తయారీ పరిశ్రమ ప్రారంభించినట్లు పోలీసులు గుర్తించారు.

Also Read: రోజూ ఇంటికి ఆలస్యంగా వస్తున్న భర్త.. దిమ్మతిరిగే షాకిచ్చిన భార్య

వేదవ్యాస్ నుంచి స్వాధీనం చేసుకున్న రూ.70కోట్ల విలువైన 70కేజీల ఎండీఎంఏ మాదక ద్రవ్యాన్ని ప్రగతి‌నగర్‌లోని పరిశ్రమలోనే తయారు చేసినట్లు పోలీసులు అనుమానిస్తున్నారు. హైదరాబాద్‌ కేంద్రంగా డ్రగ్స్‌ను తయారుచేస్తూ ఇతర రాష్ట్రాలతో పాటు విదేశాలకు సరఫరా చేస్తున్నట్లు తెలుస్తోంది. దీంతో ఈ డ్రగ్స్ రాకెట్‌పై హైదరాబాద్ పోలీసులు ఫోకస్ పెట్టారు.

Also Read: ఏపీ నుంచి వచ్చి హైదరాబాద్‌లో పాడుపని, ఇద్దరు మహిళల అరెస్ట్

కొంతకాలంపాటు మెడికల్ రిప్రజెంటేటివ్‌గా పనిచేసిన వేదవ్యాస్ గతంలో మధ్యప్రదేశ్‌లోని ఇండోర్, ఉజ్జయిని, మందసర్‌ పట్టణాల్లో కొన్నాళ్లు నివాసముంటున్నట్లు పోలీసులు గుర్తించారు. ఆ సమయంలోనే డ్రగ్స్ సరఫరాదారులతో పరిచయం ఏర్పడిందని, ఆ తర్వాత తానే సొంతంగా పరిశ్రమ స్థాపించి డ్రగ్స్‌ స్మగ్లింగ్‌ మొదలు పెట్టినట్లు విచారణలో వెల్లడైంది. పాత పరిచయాలను ఆసరాగా తీసుకుని హైదరాబాద్‌లో తయారు చేసిన డ్రగ్స్‌ను ఇండోర్ మీదుగా విదేశాలకు ఎగుమతి చేసేందుకు ప్రయత్నించినట్లు గుర్తించారు.

Also Read: పోలీసుల సడెన్ ఎంట్రీ .. పేకాడుతూ దొరికిన మహిళలు, రూ.30వేలు సీజ్

LEAVE A REPLY

Please enter your comment!
Please enter your name here