husband kidney donate to wife: ఇది కదా ప్రేమంటే: భార్యకు కిడ్నీ ఇచ్చేసిన భర్త.. ప్రేమికుల రోజున ‘జీవితమే’ గిఫ్ట్! – gujarat: husband sacrifice kidney to his wife on february 14 valentine’s day in ahmedabad, new goes to viral

0
28


ప్రధానాంశాలు:

  • లవర్స్ డే రోజున ప్రాణదాతగా మారిన భర్త
  • ఎంతో చేసిన భార్యను ఎలా వదిలేస్తానంటూ..!
  • ప్రశంసల జల్లు కురిపిస్తున్న నెటిజన్లు

ప్రేమికుల దినోత్సవం రోజున.. ఓ వ్యక్తి తన భార్యకు ప్రాణ దానం చేసేందుకు ఆనందంగా ముందుకొచ్చారు. భార్య అంటే తనలో సగం అనే నానుడిని సాకారం చేస్తూ తన రెండు కిడ్నీల్లో ఒకదాన్ని ప్రేమికుల రోజున గిఫ్ట్‌గా ఇచ్చారు. ఈ విషయం ఇప్పుడు దేశవ్యాప్తంగా వైరల్ అవుతోంది.

గుజరాత్ రాష్ట్రం అహ్మదాబాద్‌కు చెందిన రితాబెన్‌ పాటిల్‌ గత మూడు సంవత్సరాలుగా ఆటో ఇమ్యూన్‌ కిడ్నీ డిస్‌ఫంక్షన్‌తో బాధపడుతున్నారు. కిడ్నీ పని తీరు పూర్తిగా దెబ్బతినడంతో వైద్యులు ప్రస్తుతం ఆమెకు డయాలసిస్‌ చేస్తున్నారు. కిడ్నీ మార్పిడి చేయకపోతే జీవితాంతం ఆమె డయాలసిస్‌ చేయించుకుంటూ బతకాల్సిందే. భార్య పరిస్థితి చూసిన రితాబెన్‌ భర్త వినోద్‌ భాయ్‌ పాటిల్‌ భరించలేకపోయాడు. తన భార్యను తిరిగి కాస్త సాధారణ స్థితికి తీసుకురావాలంటే కిడ్నీ మార్పిడి ఒక్కటే మార్గమని గుర్తించారు. తన కిడ్నీని భార్యకు ఇచ్చేందుకు వినోద్‌భాయ్‌ సిద్ధపడ్డాడు. దీంతో ప్రేమికుల దినోత్సవం ఫిబ్రవరి 14వ తేదీనే.. రితాబెన్‌కు వైద్యులు శస్త్రచికిత్స చేసి, భర్త ఇచ్చిన కిడ్నీని అమర్చారు. ఇదే రోజు వారికి 23వ వివాహ వార్షికోత్సవం కూడా కావడం విశేషం.

ఈ విషయంపై స్థానిక మీడియాతో వినోద్‌భాయ్‌ మాట్లాడుతూ.. తన భార్య.. ఎంతటి క్లిష్ట సమయంలోనైనా తనకు తోడుగా నిలిచిందని చెప్పారు. ‘‘అలాంటిది ఇంత కష్టసమయంలో నా భార్యను ఒంటరిగా ఎలా వదిలేస్తాను? అందుకే నేను నా కిడ్నీ ఇవ్వాలని నిర్ణయించుకున్నా. అది ప్రేమ అనుకోండి లేదా బాధ్యత అనుకోండి. మీ ఇష్టం..’’ అని వినోద్ భాయ్ సమాధానమిచ్చాడు. ప్రేమికుల దినోత్సవం రోజున ఈ వార్త సోషల్‌ మీడియాలో వైరల్‌ అవుతోంది. నెటిజన్లు వినోద్ భాయ్ చేసిన పనికి ప్రశంసలతో ముంచెత్తుతున్నారు. రితాబెన్‌ త్వరగా కోలుకోలుని, పూర్తి ఆరోగ్యంతో తిరిగి రావాలని ఆకాంక్షిస్తున్నారు.

LEAVE A REPLY

Please enter your comment!
Please enter your name here