hoshangabad rename: హోషంగాబాద్ పేరు మార్పు.. నది పేరును సూచించిన ముఖ్యమంత్రి – mp: hoshangabad to narmadapuram, proposes cm shivraj singh chouhan

0
14


ప్రధానాంశాలు:

  • హోషంగాబాద్ పేరు మార్చినట్టు సీఎం ప్రకటన.
  • కేంద్రానికి ప్రతిపాదనలు పంపనున్న మధ్యప్రదేశ్.
  • బీజేపీ నేతల డిమాండ్‌ను నెరవేర్చిన ముఖ్యమంత్రి.

హోషంగాబాద్ పేరును నర్మదాపురంగా మారుస్తున్నట్టు మధ్యప్రదేశ్‌ ముఖ్యమంత్రి శివ్‌రాజ్ సింగ్ చౌహన్ శుక్రవారం ప్రకటించారు. నర్మదా జయంతి సందర్భంగా మధ్యప్రదేశ్ ముఖ్యమంత్రి ఈ ప్రకటన చేశారు. త్వరలోనే హోషంగాబాద్ పేరు మార్పుపై కేంద్ర ప్రభుత్వంతో మాట్లాడుతానని సీఎం పేర్కొన్నారు. ప్రతిపాదనలను కేంద్రానికి పంపుతామని శివ్‌రాజ్ తెలిపారు. వాస్తవానికి గత కొద్ది రోజులుగా హోషంగాబాద్ పేరును మార్చాలనే డిమాండ్ వినబడుతోంది. ఎంపీ సాధ్వి ప్రజ్ఞా సింగ్ ఠాగూర్, బీజేపీ ఎమ్మెల్యే, ప్రొటెం స్పీకర్ రామేశ్వర్ శర్మ తదితరులు హోషంగాబాద్ పేరును నర్మదాపురంగా మార్చాలని కోరారు.

హోషంగాబాద్ పేరును నర్మదాపురంగా మార్చాలని తాను 2008 నుంచి ప్రయత్నించానని, కేంద్రంలోని అప్పటి కాంగ్రెస్ నాయకత్వంలోని యూపీయే ప్రభుత్వం తమ ప్రతిపాదనలను తిరస్కరించిందని సీఎం అన్నారు. తాజాగా చేసిన ప్రతిపాదనను కేంద్ర ప్రభుత్వం తప్పకుండా ఆమోదిస్తుందని పేర్కొన్నారు. నిబంధనల ప్రకారం ఏదైనా ప్రాంతం, ప్రదేశం, జిల్లా పేరును మార్చాలంటే కేంద్ర హోం శాఖ ఆమోదం తప్పనిసరి. ఇక, 2008లో జిల్లా పేరును మార్చుతున్నట్టు చౌహన్ ప్రకటించారు.

ముఖ్యమంత్రి శివరాజ్ సింగ్ చౌహన్ ప్రకటనపై మధ్యప్రదేశ్ కాంగ్రెస్ కమిటీ అధికార ప్రతినిధి జేపీ ధనోపియా తీవ్ర విమర్శలు గుప్పించారు. రాష్ట్రంలోని బీజేపీ ప్రభుత్వం అభివృద్ధిని గాలికొదిలేసిందని దుయ్యబట్టారు. బీజేపీ ప్రభుత్వం మహిళల రక్షణపై దృష్టిపెట్టడం లేదు ఎందుకంటే పలు ప్రాంతాలు పేర్లు మార్పు, ప్రతీ అంశాన్ని వర్గీకరించే పనిలో బిజీగా ఉందని విమర్శించారు. బీజేపీ నిజస్వరూపం ఏంటో ఇప్పటికైనా ప్రజలు అర్ధం చేసుకోవాలని కాంగ్రెస్ నేత వ్యాఖ్యానించారు.

హోషంగాపూర్‌కు మోక్షదాయిని అయిన నర్మదా నది పేరు పెట్టాలని సూచించారు. ఈ నేపథ్యంలో శివరాజ్ ప్రభుత్వం పేరు మార్పుపై నిర్ణయం తీసుకుంది. దీంతోపాటు కొన్ని చారిత్రాత్మక ప్రాంతాల పేర్లను మార్చాలనే డిమాండ్ మధ్యప్రదేశ్‌లో వినిపిస్తోంది. సీఎం ప్రకటనపై బీజేపీ నేతలు హర్షం వ్యక్తం చేశారు. ఇదిలా ఉండగా, ఉత్తర్‌ప్రదేశ్‌లో పలు ప్రాంతాల పేర్లను అక్కడ బీజేపీ ప్రభుత్వం మార్చిన విషయం తెలిసిందే. అలహాబాద్‌ను ప్రయాగ్‌రాజ్‌గా మార్చింది. ఇక, కొన్నేళ్ల కిందటే ఫైజాబాద్‌ను అయోధ్యగా మార్చారు.

LEAVE A REPLY

Please enter your comment!
Please enter your name here