hiv cases in telangana: శృంగారంలో అందుకు తెగ సిగ్గు! ఏపీ కన్నా తెలంగాణే బెటర్, టాప్ లిస్టులో Hyd – national family health survey says hyderabad is in top list of hiv infected cases

0
23


ప్రధానాంశాలు:

  • జాతీయ కుటుంబ నియంత్రణ సర్వేలో కీలక విషయాలు
  • బాగా తగ్గిన కండోమ్‌ల వాడకం
  • పెరుగుతున్న హెచ్ఐవీ కేసులు

జాతీయ కుటుంబ నియంత్రణ సంస్థ చేసిన సర్వేలో విస్మయం కలిగించే విషయమొకటి వెలుగులోకి వచ్చింది. కొన్నేళ్ల క్రితం విపరీతంగా కేసులు నమోదైన హెచ్‌ఐవీ ఇప్పుడు కూడా చాపకింద నీరులా విస్తరిస్తుందని తెలిసింది. అప్పట్లో ప్రభుత్వం కల్పించిన విపరీతమైన ప్రచారం వల్ల ప్రజల్లోనూ దీనిపై అవగాహన ఏర్పడింది. దీంతో గతంతో పోలిస్తే ప్రస్తుతం కేసుల సంఖ్య కొంత తగ్గుముఖం పట్టినప్పటికీ.. అత్యధిక కేసులు నమోదవుతున్న జాబితాలో హైదరాబాద్ కూడా ఉండటం ఆందోళన కలిగిస్తోంది.

హెచ్ఐవీ వ్యాప్తికి నాలుగు కారణాలనే విషయం అందరికీ తెలిసిందే. హెచ్ఐవీ సోకిన వ్యక్తికి వాడిన సిరంజీలతో ఇంజెక్షన్ చేయడం, వారి రక్త మార్పిడి, తల్లి నుంచి బిడ్డకు, లైంగిక సంబంధాల వల్ల హెచ్ఐవీ సోకుతుంది. అయితే, అందుబాటులోకి వచ్చిన ఆధునాతన ఔషధాల వల్ల తల్లి నుంచి బిడ్డకు వైరస్ సోకడాన్ని బాగా నిరోధించగలిగారు. ఇక సిరంజీలు, రక్త మార్పిడి విషయంలో ప్రతి ఒక్కరూ జాగ్రత్తలు పాటిస్తున్నారు. కానీ, పరాయి స్త్రీ లేదా పురుషుడితో లైంగిక సంబంధాల విషయంలో మాత్రం జాగ్రత్తలు పాటించడం లేదని తాజా సర్వేలో వెల్లడైంది.

తాజా లెక్కల ప్రకారం లైంగిక సమయంలో కండోమ్‌ల వినియోగంలో జాతీయ సగటు 5.2 శాతం ఉందని తెలిసింది. కానీ తెలంగాణ రాష్ట్రంలో మాత్రం 0.5 శాతమే ఉండడం ఆందోళన కలిగిస్తోంది. ఆరోగ్యపరమైన అంశాల్లోనూ ఇతర రాష్ట్రాలతో పోలిస్తే ఇక్కడి వారిలో అవగాహన కాస్త ఎక్కువే. కానీ సురక్షిత శృంగారంపై మాత్రం అవగాహన తక్కువని తేలింది. కండోమ్‌ వాడే విషయంలో జనం తీవ్ర నిర్లక్ష్యాన్ని ప్రదర్శిస్తున్నట్లు వెల్లడైంది. ఫలితంగా చిన్న వయసులోనే హెచ్‌ఐవీ, హెపటైటీస్‌–బి, సి, గనేరియా, సిఫిలిస్‌ వంటి వ్యాధుల బారిన ఎక్కువ మంది పడుతున్నారని తేలింది.

ఇంకా సర్వేలో బయట పడ్డ విషయాల ప్రకారం.. చాలామందికి హెచ్‌ఐవీ ఉన్నా బయటికు చెప్పుకోవడం లేదు. బంధువులకు తెలిస్తే పరువు పోతుందనే భయంతో చికిత్సకు దూరంగా ఉంటున్నారు. ఈ విషయం తెలిసి కూడా ఇతరులతో యథేచ్ఛగా శృంగారంలో పాల్గొంటున్నారు. చాలా మంది కూడా అసురక్షత గురించి పట్టించుకోకుండా వీరితో సంబంధాలు కొనసాగిస్తున్నారు. కండోమ్‌లను వాడితే సురక్షితమని తెలిసినా వాడటం లేదు. ప్రస్తుతం హెచ్‌ఐవీ కేసుల సంఖ్య పెరగడానికి ఇది కూడా ఓ కారణమని వైద్య నిపుణులు అభిప్రాయపడుతున్నారు.

తెలంగాణ కన్నా దారుణంగా ఏపీలో అవగాహన స్థాయి
జాతీయ కుటుంబ నియంత్రణ సంస్థ తాజా లెక్కల ప్రకారం కుటుంబ నియంత్రణపై అత్యధికంగా ఆంధ్రప్రదేశ్‌లో 86.3 శాతం మందికి అవగాహన ఉంది. కానీ కండోమ్‌ల వినియోగం మాత్రం 0.2 శాతమే అవగాహన ఉంది. ఇక తెలంగాణలో 67 శాతం మందికి పరిజ్ఞానం కలిగి ఉండగా, వీరిలో 0.5 శాతం మందే కండోమ్‌ వాడుతున్నట్లు స్పష్టమైంది. హరియాణాలో 71.6 శాతం మందికి అవగాహన ఉన్నప్పటికీ.. 12 శాతం మంది కండోమ్‌లను వాడుతున్నారు. ఇక పాండిచ్చేరిలో 79.9 శాతం మందికి కుటుంబ నియంత్రణపై చైతన్యం ఉంది. ఇక్కడ 0.8 శాతం మందే కండోమ్‌ వాడుతున్నారు. గోవాలో 77.4 శాతం మందికి అవగాహన ఉండగా, వీరిలో 7.1 శాతం మంది కండోమ్‌లను వాడుతున్నట్లు తేలింది.

ఉత్తరాఖండ్‌లో 65.3 శాతం మందికి అవగాహన ఉండగా, ఇక్కడ అత్యధికంగా 16.1 శాతం మంది కండోమ్‌లను వాడుతున్నారు. త్రిపురలో 57.6 శాతం మందికి అవగాహన ఉండగా, వీరిలో 1.9 శాతం మంది కండోమ్‌ వాడుతున్నారు. తమిళనాడులో 64.7 శాతం మందికి అవగాహన ఉండగా, 0.8 శాతం మంది మాత్రమే కండోమ్‌ వాడుతున్నారు. సిక్కింలో 62.7 శాతం మందికి అవగాహన కలిగి ఉండగా, వీరిలో 5.2 శాతం మందే కండోమ్‌లను వాడుతున్నట్లు తేలింది.

ఇవి కూడా చదవండి
పబ్‌లో గబ్బు పనులు.. 37 మంది యువతీయువకులు అరెస్టుమీరు ఎయిర్‌టెల్ యూజర్లా? అర్ధరాత్రి ఓ మెసేజ్.. స్పందిస్తే ఇక అంతే..

LEAVE A REPLY

Please enter your comment!
Please enter your name here