hijras arrest: Hyd: ఇంట్లో పంక్షన్‌.. హిజ్రాల ఎంట్రీ, యజమాని ఫిర్యాదుతో 10 మంది అరెస్ట్ – hijras creat tension at a house in hyderabad during vratam function, 10 held

0
83


కొంత మంది హిజ్రాల తీరుతో జనం విసిగిపోతున్నారు. పెళ్లిళ్లు, ఇతర శుభకార్యాలు, షాప్ ఓపెనింగ్ కార్యక్రమాల లాంటివి జరిగినప్పుడు హిజ్రాలు అక్కడ వాలిపోతారు. ఇక వాళ్లు అడిగినంత డబ్బు ఇవ్వకుంటే వీరంగమే. అర్ధనగ్న ప్రదర్శన చేస్తారు. బూతు పురాణం అందుకుంటారు. చుట్టాలు, అతిథుల ముందు ఇక పరువు పోవడమే. అలా పరువు పోతుందని భయపడే వారు ఎంత డిమాండ్ చేస్తే అంత ఇస్తారని హిజ్రాల ధీమా. అందుకే రెచ్చిపోతున్నారు. హైదరాబాద్‌‌లోని బాచుపల్లిలోనూ ఇలాగే చేశారు. విసుగు చెందిన ఇంటి యజమాని పోలీసులను ఆశ్రయించడంతో 10 మంది హిజ్రాలను అరెస్ట్ చేశారు.

బాచుపల్లి పరిధిలోని ప్రగతి నగర్‌లో ఓ ఇంట్లో వ్రతం కార్యక్రమం తలపెట్టారు. ఇరుగుపొరుగు వారిని, దగ్గరి బంధువులను పిలుచుకొని వ్రతం నిర్వహించుకుంటుండగా.. అదే సమయంలో ఆ ఇంట్లోకి 10 మంది హిజ్రాలు వచ్చారు. ఇంటి యజమానిని రూ.20 వేలు ఇవ్వాల్సిందిగా డిమాండ్ చేశారు.

అంత డబ్బు ఇచ్చేందుకు ఇంటి యజమాని నిరాకరించాడు. దీంతో హిజ్రాలు అక్కడే అర్ధనగ్న ప్రదర్శన చేశారు. ఈ సందర్భంగా ఇంటి యజమాని, హిజ్రాల మధ్య వాగ్వాదం చోటు చేసుకుంది. ఇంత జరిగిన తర్వాత కూడా ఇంటి యజమాని నుంచి 16,500 రూపాలయను బలవంతంగా వసూలు చేసి తీసుకెళ్లారు.

డబ్బులు పోయాయి, పరువు పోయింది. ఇది ఆ ఇంటి యజమానిని కలచివేసింది. నేరుగా వెళ్లి బాచుపల్లి పోలీస్‌ స్టేషన్‌లో ఫిర్యాదు చేశారు. కేసు నమోదు చేసుకున్న పోలీసులు వెంటనే దర్యాప్తు చేపట్టారు. 10 మంది హిజ్రాలను అరెస్టు చేశారు. వారి నుంచి 7 సెల్‌ఫోన్లు, రూ.16,500 నగదును స్వాధీనం చేసుకున్నారు.

ఇచ్చింది తీసుకొని వెళ్లిపోతే సరిపోయేదానికి ఆ హిజ్రాలు చివరికి ఇంత దాకా తెచ్చుకున్నారు. ఇలా వేధింపులకు గురిచేసే వాళ్లు చాలా మంది ఉన్నారని స్థానికులు చెబుతున్నారు. బస్టాపులు, రోడ్లు, రైళ్లు అని తేడా లేకుండా ఎక్కడబడితే అక్కడ డబ్బుల కోసం డిమాండ్ చేస్తూ వేధిస్తున్నారని ఆరోపిస్తున్నారు. అలాంటి వారిని ఇక ఎంతమాత్రం ఉపేక్షించేది లేదంటున్నారు. హిజ్రాల బాధితుల్లో ఈ ఘటన ధైర్యం నింపినట్లు కనిపిస్తోంది.

LEAVE A REPLY

Please enter your comment!
Please enter your name here