health budget 2021: దేశంలో కొత్తగా 4 ప్రాంతీయ వైరల్ కేంద్రాలు.. ఆరోగ్య రంగానికి ప్రాధాన్యం – four national institutes for virology, 15 health emergency operation centres announced in budget 2021

కేంద్ర బడ్జెట్-2021లో ఆరోగ్య రంగానికి పెద్ద పీట వేశారు. దేశంలో కొత్తగా 9 బీఎస్ఎల్-3 స్థాయి ప్రయోగశాలలు ఏర్పాటు చేయనున్నట్లు ఆర్థిక మంత్రి నిర్మలా సీతారామన్ తన బడ్జెట్ ప్రసంగంలో తెలిపారు. వీటితో పాటు దేశవ్యాప్తంగా 15 అత్యవసర ఆరోగ్య కేంద్రాలను ఏర్పాటు చేయనున్నట్లు వెల్లడించారు. జిల్లాకొక సమీకృత వ్యాధి నిర్ధరణ కేంద్రాలను ఏర్పాటు చేయనున్నట్లు ఆర్థిక మంత్రి తెలిపారు.

4 ప్రాంతీయ వైరల్ ల్యాబ్‌లు ఏర్పాటు చేయనున్నట్లు మంత్రి నిర్మలా సీతారామన్ ప్రకటించారు. వైరల్ వ్యాధుల నిర్ధరణలో ప్రస్తుతం పుణేలోని నేషనల్ ఇన్‌స్టిట్యూట్ ‌ఆఫ్ వైరాలజీ కీలక పాత్ర పోషిస్తోంది. బర్డ్ ఫ్లూ, కరోనా వైరస్ సహా పలు కొత్త రకాల వైరస్ వ్యాప్తి నేపథ్యంలో ఈ కేంద్రంపై ఒత్తిడి ఎక్కువగా ఉంటోంది. ఈ నేపథ్యంలో దేశంలోని అన్ని ప్రాంతాలను సమతూకం చేస్తూ మరో 4 కేంద్రాలను ఏర్పాటు చేయడం ప్రయోజనకరంగా మారనుంది. పుణే సంస్థపై భారం తగ్గనుంది.

ఆరోగ్య రంగంలో రూ.64180 కోట్లతో ప్రత్యేక నిధి ఏర్పాటు చేసినట్లు ఆర్థిక మంత్రి తెలిపారు. దీన్ని ‘ఆత్మ నిర్భర భారత్ ఆరోగ్య పథకం’గా పేర్కొన్నారు. కొవిడ్ వ్యాక్సిన్ ఉత్పత్తి, పంపిణీ కోసం రూ.35 కోట్ల కేటాయించినట్లు వెల్లడించారు.