Harshita Kejriwal: సీఎం కూతురు.. కేటుగాళ్ల చేతిలో మోసపోయింది – delhi cm arvind kejriwal’s daughter harshita duped of rs 34,000 by online scammer

0
36


ముఖ్యమంత్రి కుమార్తెనే సైబర్ నేరగాళ్లు బురిడీ కొట్టించారు. ఆమె బ్యాంక్ అకౌంట్‌లో నుంచి రూ.34,000 కొట్టేశారు. ఢిల్లీ ముఖ్యమంత్రి అరవింద్ కేజ్రీవాల్ కుమార్తె హర్షితా కేజ్రీవాల్ ఈ చేదు అనుభవం ఎదురైంది. ప్రముఖ ఆన్‌లైన్‌ స్టోర్‌ ఓఎల్‌ఎక్స్ (OLX)లో సెకండ్‌ హ్యాండ్‌ సోఫాను అమ్మడానికి ప్రయత్నించగా ఆమెకు కేటుగాళ్లు షాక్‌ ఇచ్చారు. హర్షిత ఫిర్యాదు మేరకు ఢిల్లీ పోలీసులు కేసు నమోదు చేసుకొని దర్యాప్తు చేస్తున్నారు.

పోలీసులు తెలిపిన వివరాల ప్రకారం.. హర్షిత ఓ సెకండ్ హ్యాండ్ సోఫాను ఓఎల్‌ఎక్స్‌లో అమ్మకానికి పెట్టారు. ఆన్‌లైన్‌లో ఇచ్చిన వివరాలతో ఓ వ్యక్తి ఆమెను కాంటాక్ట్ అయ్యాడు. డీల్ కుదుర్చుకున్నాడు. డబ్బులు పంపిస్తానని చెప్పి ఓ బార్ కోడ్‌ను స్కాన్ చేయాల్సిందిగా లింక్ పంపించాడు. హర్షితకు నమ్మకం కుదర్చడానికి తొలుతు చిన్న మొత్తం ట్రాన్స్‌ఫర్ చేశాడు. ఆ తర్వాత రెండు దఫాలుగా ఆమె అకౌంట్‌లోని రూ.34 వేలను తస్కరించాడు.

హర్షిత పంపిన క్యూఆర్‌ కోడ్‌ను ఉపయోగించి సైబర్ నేరగాడు ఆమె అకౌంట్ నుంచి ఒకసారి రూ.20,000 మరొకసారి రూ.14,000 దోచేశాడు. మోసపోయానని గ్రహించిన హర్షిత వెంటనే పోలీసులను ఆశ్రయించారు. పోలీసులు కేసు నమోదు చేసి దర్యాప్తు ప్రారంభించారు.

సీఎం అరవింద్ కేజ్రీవాల్‌కు ఒక కుమార్తె, ఓ కుమారుడు ఉన్నారు. కుమార్తె హర్షిత ఇంటర్‌లో (సీబీఎస్‌ఈ) 96 శాతం పర్సెంటేజ్ సాధించి 2014లో వార్తల్లో ప్రముఖంగా నిలిచారు. ఐఐటీ, ఢిల్లీ నుంచి ఆమె కెమికల్ ఇంజనీరింగ్‌లో డిగ్రీ పూర్తి చేశారు.

LEAVE A REPLY

Please enter your comment!
Please enter your name here