h-1b visa: గ్రీన్ కార్డ్‌ పరిమితి ఎత్తేసేవరకు భారతీయులకు H-1B వీసాల జారీవద్దు.. బైడెన్‌కు విజ్ఞ‌ప్తి – us president joe biden admin urged not to issue h-1b to indians till cap on green card is removed

0
39


ప్రధానాంశాలు:

  • మార్చి 9 నుంచి లాటరీ విధానంలో హెచ్-1బీ వీసాలు.
  • భారతీయులకు వీసాల ఇవ్వొద్దని బైడెన్‌కు వినతి.
  • గ్రీన్ కార్డులపై పరిమితులు ఎత్తివేయాలని సూచన.

అమెరికా అధ్యక్షుడిగా బాధ్యతలు చేపట్టిన వెంటనే ఇమ్మిగ్రేషన్ విధానంలో మార్పులకు జో బైడెన్ శ్రీకారం చుట్టారు. ఈ నేపథ్యంలో గ్రీన్ కార్డులపై పరిమితిని ఎత్తేసేదాకా భారతీయులకు కొత్తగా హెచ్1బీ వీసాలను మంజూరు చేయొద్దంటూ జో బైడెన్‌ను ఇమ్మిగ్రేషన్ వాయిస్ అనే స్వచ్ఛంద సంస్థ కోరింది. ఈ మేరకు ఆ సంస్థ ప్రతినిధులు బైడెన్ యంత్రాంగానికి వినతి పత్రం అందజేశారు. భారతీయ అమెరికన్లకు మద్దతుగా నిలుస్తున్న ఇమిగ్రేషన్ వాయిస్ అనే సంస్థ ఈ విజ్ఞప్తిని చేసింది.

గ్రీన్ కార్డులపై పరిమితి విధించడం వల్ల చాలా మంది దశాబ్దాల తరబడి వేచి చూడాల్సిన పరిస్థితులున్నాయని, మళ్లీ కొత్తగా హెచ్1బీ వీసాలిస్తే ఆ జాబితాలో వేలాది మంది చేరిపోతారని ఆ సంస్థ ఆందోళన వ్యక్తం చేసింది. మార్చి 9 నుంచి ఆన్‌లైన్‌లో వీసా దరఖాస్తు ప్రారంభం కానున్న నేపథ్యంలో.. సంస్థ ఈ విధంగా స్పందించింది.

తాజాగా వీసాలు మంజూరు చేయడం వల్ల కొత్తగా 60 వేల మంది అనుకోకుండానే గ్రీన్ కార్డులకు బాధితులవ్వాల్సి వస్తుందని ఇమ్మిగ్రేషన్ వాయిస్ సంస్థ అధ్యక్షుడు అమన్ కపూర్ పేర్కొన్నారు. గ్రీన్ కార్డుల విషయాన్ని తేల్చకుండా హెచ్1బీ వీసాలను జారీ చేస్తూ పోతే.. పనిచేసే సంస్థల దయాదాక్షిణ్యాలపైనే ఉద్యోగి, వారి కుటుంబసభ్యులు బతకాల్సి వస్తుందని అన్నారు. దాని వల్ల భవిష్యత్తులో నష్టం జరుగుతుందని వ్యాఖ్యానించారు.

బిడెన్ యంత్రాంగం ఐఎన్ఏ సెక్షన్ 212 (ఎఫ్) ప్రకారం తన అధికారాన్ని ఉపయోగించుకోవాలని కోరింది. 2022 ఆర్ధిక సంవత్సరంలో ప్రస్తుతం భారతీయులు చట్టబద్ధంగా H-1B వీసా పొందకుండా మినహాయించాలి అని చెప్పారు. ‘అంతేకాకుండా, కొత వీసాలను జారీ చేయడాన్ని ఆపివేసి, ఉపాధి-ఆధారిత గ్రీన్ కార్డులపై పరిమితి వేయాలి.. దీని వల్ల ఇకపై భారతదేశం నుంచి వలస వచ్చిన వారిని అమెరికాలో ఒప్పంద సేవకులుగా పరిగణించరు’ అని కపూర్ అన్నారు.

ఇక, ఇమిగ్రేషన్ వాయిస్‌లో 1.30 లక్షల భారతీయులు సభ్యులుగా ఉన్నారు. వీరిలో వైద్యులు, ఇంజనీర్లు, సైంటిస్టులు, వ్యాపారవేత్తల వంటి వారున్నారు. అమెరికాలో ఉద్యోగం చేసే భారతీయుల హక్కులపై సంస్థ పోరాడుతోంది. అమెరికా ఏటా 85,000 మందికి కొత్గా హెచ్-1బీ వీసాలు జారీచేస్తుండగా.. వీరిలో దాదాపు 70 శాతం భారతీయులే ఉంటారని ఇమ్మిగ్రేషన్ వాయిస్ పేర్కొంది.

‘అదే సమయంలో కొన్ని పరిమితుల కారణంగా ప్రతి సంవత్సరం మంజూరు చేసే 120,000 న్ కార్డులలో 8,400 మాత్రమే భారతీయులకు అందుతున్నాయి’ అని కపూర్ చెప్పారు.

LEAVE A REPLY

Please enter your comment!
Please enter your name here