gurugram health worker death: గురుగ్రామ్: టీకా తీసుకున్న ఆరోగ్య కార్యకర్త మృతి.. పోస్ట్‌మార్టమ్ నివేదిక కోసం వెయిటింగ్ – gurgaon health worker who got vaccine last week dies, autopsy awaited

0
26


కోవిడ్ టీకా తీసుకున్న ఆరు రోజుల తర్వాత ఓ మహిళా ఆరోగ్య కార్యకర్త అనుమానాస్పద స్థితిలో మృతిచెందింది. ఈ ఘటన శుక్రవారం ఉదయం హరియాణాలో చోటుచేసుకుంది. గురుగ్రామ్‌ జిల్లా కేంద్ర ప్రభుత్వాస్పత్రిలో హెల్త్‌ విజిటర్‌గా సేవలు అందిస్తున్న రజ్వంతి (55) జనవరి 16 కరోనా టీకా వేయించుకున్నారు. శుక్రవారం ఉదయం ఆమె ఎంతకూ నిద్ర లేవకపోవడంతో అపస్మారకస్థితిలో ఉన్న రజ్వంతిని.. భర్త లాల్‌సింహ్‌, కుటుంబ సభ్యులు హుటాహుటీన స్థానిక మేదాంత ఆస్పత్రికి తరలించారు. ఆమెను పరీక్షించిన వైద్యులు అప్పటికే రజ్వంతి చనిపోయినట్లు నిర్ధారించారు.

అయితే, ఇంతకు ముందు తన భార్యకు ఎలాంటి అనారోగ్య సమస్యలు లేవని, టీకా వేసుకోవడం వల్లే ఏదో జరిగి ఉండొచ్చని ఆరోపిస్తూ రజ్వంతి భర్త లాల్‌సింహ్‌, కుటుంబ సభ్యులు పోలీసులకు ఫిర్యాదు చేశారు. పోలీసులు కేసు నమోదుచేయడంతో ఆమె మృతదేహానికి పోస్టుమార్టం నిర్వహించారు. పోస్టుమార్టం నివేదిక రావాల్సి ఉంది. నివేదిక వచ్చిన తర్వాతే మరణానికి గల కారణాలు తెలుస్తాయని, అంత వరకు ఆమె టీకా తీసుకోవడం వల్ల చనిపోయిందని చెప్పే హక్కులేదని గురుగ్రామ్‌ చీఫ్‌ మెడికల్‌ ఆఫీసర్‌ డాక్టర్‌ వీరేందర్‌ యాదవ్‌ వెల్లడించారు. ఈ మరణానికి టీకాతో సంబంధం లేదని అధికారవర్గాలు చెబుతున్నాయి.

టీకా తీసుకున్న తర్వాత యూపీలో ఒకరు, కర్ణాటకలో ఒకరు, తెలంగాణలో ఒకరు ప్రాణాలు కోల్పోగా.. అయితే, వ్యాక్సిన్ తీసుకోవడం వల్ల వారు చనిపోలేదని అధికారులు తెలిపారు. టీకా వల్ల ఎటువంటి దుష్ప్రభావం ఎదుర్కొలేదని ప్రకటించారు. ఇప్పటి వరకూ దేశంలో టీకా కారణంగా ఎటువంటి మరణాలు చోటుచేసుకోలేదని వెల్లడించారు. వారం రోజుల్లో మొత్తం 12.7 లక్షల మందికి టీకా వేసినట్టు కేంద్ర ఆరోగ్య శాఖ పేర్కొంది.

LEAVE A REPLY

Please enter your comment!
Please enter your name here