guntur maid arrest: ఓనర్ భార్య చీరలో పనిమనిషి.. పట్టించిన వాట్సాప్ స్టేటస్.. గుంటూరులో షాకింగ్ ఘటన – whatsapp status booked woman thief in guntur, arrested

0
44


అపార్ట్‌మెంట్‌లో ఫ్లాట్‌లో భారీ చోరీ జరిగింది. భారీగా బంగారం, నగదు దోచుకెళ్లారు. ఓనర్ ఫిర్యాదు మేరకు కేసు నమోదు చేసిన పోలీసులకు ఎలాంటి క్లూ దొరకలేదు. సడెన్‌గా ఓ రోజు వాట్సాప్ స్టేటస్‌తో తన చీర కట్టుకున్న మహిళను చూసి ఇంటి ఓనర్ భార్య షాకైంది. భర్తకు విషయం చెప్పడంతో ఖాకీలు రంగంలోకి దిగారు. తమ స్టైల్లో విచారించడంతో పనిమనిషి బండారం బయటపడింది. ఈ షాకింగ్ ఘటన గుంటూరు జిల్లాలో చోటుచేసుకుంది. పోలీసులు తెలిపిన వివరాల మేరకు.

తాడేపల్లి పట్టణంలోని డోలాస్‌నగర్ ప్రైమ్ గెలాక్సీ అపార్ట్‌మెంట్‌లోని ఓ ఫ్లాట్‌లో నవంబర్ 29న భారీ చోరీ జరిగింది. బంగారు గాజులు, మంగళసూత్రాలు, గోల్డ్ చైన్లు చోరీకి గురయ్యాయి. ఫ్లాట్ ఓనర్ కత్తి ఆమోద్ ఇంట్లో చోరీ జరిగిన విషయం గమనించి పోలీసులకు ఫిర్యాదు చేశారు. కేసు నమోదు చేసుకుని విచారణ చేపట్టిన పోలీసులకు నెల రోజులైనా ఎలాంటి క్లూ దొరకలేదు.

ఈ నెల 24న ఓ మహిళ వాట్సాప్ స్టేటస్ చూసి ఆమోద్ భార్యకి అనుమానం వచ్చింది. చోరీకి గురైన తన చీర కట్టుకుని బంగారు ఆభరణాలు పెట్టుకోవడం చూసి భర్తకి చెప్పింది. ఆయన పోలీసులకు సమాచారం ఇవ్వడంతో ఆమెను సునీతగా గుర్తించి అదుపులోకి తీసుకున్నారు. తమ స్టైల్లో విచారించడంతో అసలు విషయం చెప్పేసింది.

ఆమె గతంలో అదే అపార్ట్‌మెంట్‌లో పనిచేసేది. ఖాళీ ఫ్లాట్‌లను శుభ్రం చేయాలని మేనేజర్ ఆమెకు తాళాలు ఇచ్చాడు. ఆ సమయంలో ఆమోద్ ఫ్లాట్ డూప్లికేట్ తాళం చెవి తీసుకుని చోరీకి పాల్పడింది. కప్‌బోర్డును పగలగొట్టి బంగారు నగలతో పాటు చీరలు కూడా దొంగిలించి అడ్డంగా బుక్కైంది. పోలీసులు ఆమెను అరెస్టు చేసి కటకటాల వెనక్కి నెట్టారు.

Also Read: ప్రియురాలితో నెల్లూరు, తిరుపతి.. చివరికి గుంటూరులో దారుణం

LEAVE A REPLY

Please enter your comment!
Please enter your name here