guna women shamed: భర్త నుంచి విడిపోయి మరొకరితో సహజీవనం.. మహిళకు దారుణమైన శిక్ష వేసిన గ్రామస్థులు – woman shamed, forced to walk with in-laws on shoulders guna in madhya pradesh

0
24


ఓ మహిళ పట్ల మాజీ భర్త తరఫు బంధువులు అనాగరికంగా ప్రవర్తించి, దారుణంగా హింసించిన మరో ఘటన మధ్యప్రదేశ్‌లోని గుణ జిల్లాలో చోటుచేసుకుంది. మాజీ భర్త సోదరిని బాధిత మహిళ భుజాలపై ఎక్కించి, మూడు కిలోమీటర్ల మేర నడిపించిన వీడియో ప్రస్తుతం సామాజిక మాధ్యమాల్లో వైరల్ అవుతోంది. బాధితురాలు తన భుజాలపై మరో మహిళను మోస్తుండగా వెనుక నుంచి గ్రామస్థులు కర్రలు, క్రికెట్ బ్యాట్‌లు పట్టుకుని తరుముతున్నట్టు వీడియోలో కనిపిస్తోంది.

బాధను అనుభవిస్తూ అతికష్టంతో నడుస్తున్నా ఏ ఒక్కరూ జాలి చూపించకపోగా వికృత ఆనందం పొందారు. అంతేకాదు, ఆమె అలసిపోయి ఆగిపోతుంటే కర్రలతో కొట్టి జుగుప్సాకరంగా ప్రవర్తించారు. సోషల్ మీడియాలో వీడియో వైరల్ కావడంతో పోలీసులు స్పందించారు. గుణ జిల్లాలోని సగాయ్, బన్స్ ఖేడీ గ్రామాల్లో జరిగినట్టు గుర్తించారు. ఈ ఘటనపై కేసు నమోదుచేసిన పోలీసులు.. ఇప్పటి వరకు నలుగుర్ని అదుపులోకి తీసుకున్నారు.

మహిళ ఫిర్యాదులో పేర్కొన్న ప్రకారం.. పరస్పర అవగాహనతోనే భర్తతో విడిపోయి మరో వ్యక్తితో సహజీవనం చేస్తోంది.
మాజీ భర్త కుటుంబసభ్యులు, గ్రామస్థులు గతవారం తన ఇంటికి వచ్చి బలవంతంగా బయటకు తీసుకొచ్చి, అనాగరిక చర్యలకు పాల్పడ్డారు.

మధ్యప్రదేశ్‌లో ఇటువంటి ఘటనలు జరగడం ఇదే తొలిసారి కాదు. గత జులైలోనూ మరో వ్యక్తితో వివాహేతర సంబంధం పెట్టుకుందనే ఆరోపణలతో భర్తను భుజాలపై ఎక్కించి ఊరంతా తిప్పారు. జబువా జిల్లాలోని ఓ గిరిజ‌న గ్రామానికి చెందిన ఓ వ్యక్తి తన భార్యా పిల్లలతో కలిసి గుజ‌రాత్‌కు వ‌ల‌స వెళ్లాడు. ఆ కుటుంబం తర్వాత సొంతూరుకు వచ్చి కూలీ పనులు చేసుకుంటూ జీవ‌నోపాధి పొందుతున్నారు.

అయితే.. త‌న భార్య మ‌రో వ్యక్తితో వివాహేత‌ర సంబంధం కొన‌సాగిస్తోందని భ‌ర్త తన కుటుంబ స‌భ్యుల‌కు, గ్రామ‌స్థులకు చెప్పాడు. దీంతో ఆమెకు శిక్ష విధించారు. రెండేళ్ల కిందట ఇదే తరహా ఘటన చోటుచేసుకుంది. ప్రేమించిన వ్యక్తితో ఇంటి నుంచి వెళ్లిపోయిన గిరిజన మహిళకు పెద్దలు కఠిన శిక్ష విధించారు.

LEAVE A REPLY

Please enter your comment!
Please enter your name here